Аеродром, Гази Баба и Центар за една и пол година ќе бидат поврзани со мост и нов булевар

Општините Аеродром, Гази Баба и Центар за помалку од една и пол година ќе бидат поврзани со мост и ново модерно булеварско решение што ќе го растовари сообраќајот и движењето во овој дел од градот.

Ова денеска го соопшти градоначалникот на Град Скопје, Петре Шилегов кој заедно со градоначалниците на Аеродром, Гази Баба и Центар, Златко Марин, Борис Георгиевски и Саша Богдановиќ, извршија увид во досегашните активности на проширувањето на булеварот „АСНОМ".

-Присуствуваме на почнувањето на подготвителните работи за изградба на нов мост што ќе ги поврзува булеварите „Васко Карангелески" во Аеродром и ул.„Индустриска" во населбата Ќерамидница во Општина Гази Баба. Вкупната должина на трасата изнесува околу 450 метри, од кои самиот мост е долг 150 метри, односно два моста со вкупно шест коловозни ленти, како и велосипедски и пешачки патеки од двете страни на мостот, рече Шилегов.

Градоначалникот Шилегов појасни дека се работи за мост како што е мостот „Гоце Делчев" во центарот на Скопје. Вредноста на договорот во оваа фаза, како што рече, изнесува 365,5 милиони денари со вклучен ДДВ. Проектот се предвидува да заврши за 1,5 година.

-По овој мост предвидено е да сообраќаат и нови автобуски линии со што ќе го намалиме сообраќајниот метеж. Со изградбата на овој мост и пробивањето на новиот коридор од Ново Лисиче до Судска палата со автомобил и со автобус ќе се стигнува за околу пет минути, а со велосипед за не повеќе од 18 минути, а со пешачење не повеќе од 30 минути, рече Шилегов.

Шилегов потенцира дека изградбата на овој мост постои во планската документација на градот уште од 1965 година.

Според него, поради отсуство на визија за развој на градот, немање чувство што се вистинските приоритети на овој град, изградбата секогаш била одложувана за некои таканаречени подобри времиња.

Градоначалникот Георгиевски информира дека Општина Гази Баба во моментов работи заедно со Град Скопје на решавање на имотно-правните односи на повеќе од 137 домаќинства. Овој проект, како што рече, ќе го чинеше Градот двојно помалку да не беа кочниците од советниците на ВМРО-ДППМНЕ во Советот на Општина Гази Баба кои не дозволуваа изградба на булевар.

Георгиевски посочи дека решаваат едно тесно грло во Градот и овозможуваат безбеден сообраќај за сите учесници.

Одговарајќи на новинарско прашање, Шилегов рече дека досега се надминати околу 60 отсто од трасата и додаде оти ова е втора фаза од проектот.

– Третата фаза – очекувам дека до крајот на годината ќе се создадат услови да се распише постапката и изведбата. Таа е околу 500 метри, само ќе ни останат за да дојдеме до крстосницата кај скопско Сајмиште. Очекувам дека кога ќе поминат законските пречки, сега не смееме да вршиме исплата поради предвремените избори, ќе се интензивира овој процес, рече Шилегов. Додаде дека се свесни оти со рушењето на објектите се уништуваат дел од спомените на жителите и затоа нудат атрактивна цена на експропријација. Тоа е околу 800 евра за станбен простор и 110 евра или 8.000 денари по метар од дворното место.

Убила 19-годишна трудница и ѝ го украла бебето од матката-осудена е на 50 години затвор (ВИДЕО)

Клариса Фигуероа (51) е осудена на половина век затвор откако убила бремена тинејџерка во Чикаго намамувајќи ја во нејзината куќа за да ѝ го украде бебето од утробата, кое потоа го претставила како свое.

Тоа е, накратко, епилогот од страшното злосторство што го потресе овој дел на САД, а се случи во 2019 година, објави Еј-Би-Си Њуз.

Марлин Очоа-Лопез (19), мајка на двегодишно момче, која била во поодмината бременост, била намамена од Клариса во нејзиниот дом со ветување дека ќе ѝ даде бесплатна облека за бебето. Страшното злосторство го извршила со помош на нејзината ќерка Дезире, која во јануари ја признала вмешаноста во убиството кога била осудена на 30 години затвор. Мајката и ќерката ја задавиле трудница со електричен кабел. Клариса, која е медицински работник, сакала да го претстави бебето како свое, а откако го извлекла од стомакот на мајката повикала брза помош. Поради повредите, бебето два месеци било на интензивна нега во болница, но и покрај сите напори на лекарите, починало.

За време на судењето, се тврдело дека Клариса Фигуероа го изгубила своето бебе пред злосторството, а потоа им кажала на членовите на семејството дека повторно е бремена. Во октомври 2018 година, таа ѝ кажала на својата ќерка дека ѝ треба помош да убие трудница и да го украде бебето од нејзината утроба.

Ракел Уриостеки, мајката на убиената трудница, по изрекувањето на пресудата видно се потресе:

- Губењето на ќерка ми е нешто што никогаш нема да го прежалам.

Откако украденото бебе било сместено во болница, Клариса Фигуероа и нејзиниот партнер Пјотр Бобак тврделе дека бебето е нивно, па дури започнале и хуманитарна кампања за собирање помош за негово лекување. Пјотр подоцна на судењето признал дека помогнал да се отстранат трагите по убиството на бремената тинејџерка.

Страшното злосторство било неоткриено неколку недели, иако Џовани Лопез, сопругот на убиената, уредно ја пријавил за исчезната, но немал помош од надлежните да ја пронајдат. Полицијата реагирала дури по анонимна пријава во која било наведено дека е видена како исчезнатата влегува во куќата на Клариса Фигуероа. На 07.05.2019 година полицијата извршила претрес. Автомобилот на жртвата бил пронајден во близина на куќата на убиецот, а набрзо била наредена и ДНК анализа на бебето. Откако дошле резултатите од ДНК, полицијата ги уапсила мајката убиец, нејзината ќерка и нејзиното момче. Телото на жртвата било пронајдено закопано во дворот.

- Казната што ја доби никогаш нема да биде доволна и мојот син никогаш повеќе нема да ја прегрне мајка си. Изгубив дел од семејството и тоа секогаш ќе ме следи – низ солзи изјавил сопругот Џовани Лопез.


Нуркачи снимија како изгледа силен земјотрес под вода: Сега имам уште еден страв (ВИДЕО)

Страшно искуство е да се почувствува силен земјотрес, а група нуркачи го доживеале под вода додека јачината била 7,2 степени според Рихтеровата скала.

Видеото се рашири на социјалните мрежи, а корисниците пишуваат дека откако го погледнале, се наежиле и откриле нов страв.

На видеото се гледаат неколку нуркачи како пливаат меѓу коралниот гребен и уживаат во живописната глетка. Но, сè се менува кога ќе започне земјотресот. Прашина и нечистотија од морското дно се креваат и изгледаат како морничава магла.

So this is what an earthquake looks like underwater
byu/Literally_black1984 ininterestingasfuck

Се гледаат и нуркачи како се држат до коралите додека водата се движи побрзо и побрзо. „Да, мора да е кошмар“, „Изгледа страшно“, „Морничаво“, се само дел од коментарите.

Ужас во Англија: 80- годишен човек е запален во двор, соседите слушнале крици (ВИДЕО)

Две лица се уапсени откако полицијата пронашла изгорено тело на маж во задната градина на домот на едно „многу повлечено“ семејство, како што ги опишале соседите во Бредфорд.

Соседите во тивка уличка во Бредфорд пријавиле дека слушнале врисоци пред да видат како чад се издига зад куќата. Според извештаите, жртвата била 80-годишен маж кој живеел во куќата со помлада жена и нејзиниот син, објави Сан.

Многумина во соседството биле убедени дека човекот починал, затоа што не го виделе од пандемијата на коронавирус.

„Од градината доаѓаше чад, но не можевме да влеземе бидејќи портата беше затворена. Се обидовме насилно да ја отвориме портата и можевме да видиме крв и осакатено тело. Не можев да верувам, беше како нешто од хорор филм“, рекол соседот Мухамед.

„Семејството буквално никогаш не излегуваше надвор, тие се многу повлечени. Ова се случи целосно од ведро небо и сите се многу шокирани од тоа“, рече друг сосед кој сакал да остане анонимен.

Полицијата денеска соопшти дека го идентификувала телото на возрасен маж, но дека се уште се обидуваат официјално да го идентификуваат мажот и да им влезат во трага на неговите најблиски.

„Според информациите достапни во овој момент, ова го третираме како истрага за убиство. Мојот тим работи на утврдување на околностите кои довеле до смртта на човекот. Имаме две лица во притвор и не бараме никој друг во врска со овој инцидент, што се случи во тивка станбена улица, разбирам дека овој инцидент предизвика загриженост во пошироката заедница и има многу шпекулации за тоа што се случило и кој бил инволвиран.“

На местото на настанот се испратени пожарникарски екипи, полиција и брза помош, а соседите велат дека досега не виделе толку големо присуство на итните служби.

Противпожарната и спасувачка служба во Западен Јоркшир соопштија дека екипите го изгаснале пожарот на имотот.

„Ова беше многу шокантен инцидент за многу тивка и мирна заедница“, рече локалниот лабуристички советник Сајмон Канингам.

притисни ентер