ЗНМ со рекација по навредите врз Видиновски од страна на Тричковски - Канал 5

Македонија

ЗНМ со рекација по навредите врз Видиновски од страна на Тричковски

Здружението на новинарите на Македонија реагира на јавната објава на социјалната мрежа Фејсбук од Бранко Тричковски, во која новинарот и водител Александар Видиновски е изложен на груби навреди, омаловажување и понижувачки квалификации.

ЗНМ со рекација по навредите врз Видиновски од страна на Тричковски

Во објавата не се критикува конкретна професионална постапка, новинарска содржина или јавен настап преку факти и аргументи, туку се напаѓа личниот и професионалниот интегритет на медиумски работник со употреба на погрдни зборови. Ваквиот начин на комуникација е неодговорен, непродуктивен и штетен за јавниот простор.

ЗНМ потсетува дека конструктивна критика кон медиумите, новинарите и водителите е легитимна во демократско општество, но таа треба да биде заснована на аргументи, факти и професионални стандарди. Личните напади не придонесуваат за подобро новинарство, туку создаваат атмосфера во која медиумските работници се третираат како легитимна мета за потсмев, навреди и дискредитација.

Особено е штетно кога ваквата комуникација е насочена кон помлади новинари и медиумски работници бидејќи се поттикнуваат и други корисници на социјалните мрежи да го следат овој непримерен пристап. Наместо да се поттикнува професионален развој, јавна дебата и критичко мислење, ваквите објави создаваат притисок, демотивација и чувство дека нивната работа може да биде омаловажена без основа и без одговорност.

Јавните личности, коментаторите и сите учесници во јавната дебата имаат одговорност да не поттикнуваат непријателска средина кон новинарите. Несогласувањето со нечиј став, настап или професионален избор може да се изрази јасно и критички, но без лични навреди, понижувања и говор што го поткопува достоинството на медиумските работници.

Заштитата на професионалниот дигнитет и создавањето безбедна средина за работа на новинарите е јавен интерес и предуслов за здрава демократска дебата.

Тагови: Александар Видиновски Бранко Тричковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Почина пејачот на „Вилиџ Пипл“: Откриени детали за смртта на музичката легенда

Пејачот и еден од основачите на легендарната група„Village People“, Виктор Вилис, почина на 75-годишна возраст по „кратка, но агресивна болест“.

Почина пејачот на „Вилиџ Пипл“: Откриени детали за смртта на музичката легенда

Виктор Вилис беше еден од пејачите и основачите на легендарната група и имаше еден од препознатливите вокали во нивниот голем хит YMCA. Веста за неговата смрт ја објави неговото семејство во кратко соопштение.

„Виктор почина на 30 јуни 2026 година, поради кратка, но агресивна болест. Семејството моли за приватност во ова тешко време на голема загуба.“

Сопругата на Виктор, Карен Хаф-Вилис, исто така ја потврди тажната вест, велејќи: „Со длабока тага морам да ја објавам смртта на мојот сопруг, Виктор Вилис“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Дождот предизвика хаос во Скопје: Поплавени улици, возила под вода

Силното невреме кое го зафати Скопје предизвика сообраќаен хаос.

Дождот предизвика хаос во Скопје: Поплавени улици, возила под вода

На социјалните мрежи се појавуваат видеа на кои се гледаат поплавени улици, и автомобили под вода.

Целосно е поплавен подвозникот кај хотелот „Континентал“ каде и возила се потонати под вода.

Тешко проодно е и на булеварот Јордан Мијалков, на социјалните мрежи се појави видео на кое се гледа како граѓани ги буткаат своите возила.

Од УХМР велат дека во Скопје и утре ќе биде променливо облачно и нестабилно со повремени врнежи од дожд, грмежи и засилен ветер. Во делови од котлината ќе има услови за краткотрајно невреме со пообилен пороен дожд и појава на град.

YouTube video

Тагови: дожд невреме Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Ќе се гради експресен пат од Струмица го границата со Бугарија

Ќе се гради нов екпресен пат од Струмица до границата со Бугарија, најави министерот за транспорт Александар Николоски. 

Николоски: Ќе се гради експресен пат од Струмица го границата со Бугарија

Посочи дека веќе е објавен тендер за избор на изведувач кој треба да изработи струдија за негова изградба.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер