Дебата „разговори за иднината во 12 и 5“ – меѓу присутните поранешни и актуелни функционери од СДСМ - Канал 5

Македонија

Дебата „разговори за иднината во 12 и 5“ – меѓу присутните поранешни и актуелни функционери од СДСМ

Во најголема тајност и зад затворени врати одбрано друштво од поранешни и актуелни функционери од различни генерации на СДСМ и членови на невладини организации ги одржаа „Разговорите за иднината во 12:05“.

Дебата „разговори за иднината во 12 и 5“ – меѓу присутните поранешни и актуелни функционери од СДСМ

Во најголема тајност и зад затворени врати одбрано друштво од поранешни и актуелни функционери од различни генерации на СДСМ и членови на невладини организации ги одржаа „Разговорите за иднината во 12:05“, како што го насловија настанот организаторите, кои велат симболизира дека веќе е доцна, но не смее да се дозволи да стане предоцна за Македонија. Модератор на разговорот беше екс високиот функционер, близок на т.н. скопско крило на СДСМ, Игор Ивановски – Шема, а меѓу присутните беа и поранешни истакнати членови на СДСМ, како Андреј Петров, Гордан Георигиев, Емилијан Станковиќ актуелниот градоначалник на Крива Паланка – Сашко Митовски, а посебно внимание привлече присуството на актуелната пратеничка Славјанка Петровска. Организаторите негираа дека се фракција на СДСМ и посочија дека станува збор за нова демократска платформа за подигнување на нивото на општествената дебата.

-Граѓаните денес живеат во реалност на неефикасна власт која за наводен политички противник си избира виртуелна опозиција. Сите истражувања на јавното мнение укажуваат дека македонската политичка сцена нуди, на едната страна силна владејачка партија и коалиција, а на другата страна смислено фрагментирана опозиција. Опозицискиот простор не се пополнува со нови партии туку со идеолошка и вредносна (р)еволуција. На Македонија и е потребен Нов општествен договор како основа за создавање широк опозициски потенцијал за промени.

Петровска пак, вели била повикана и поканата ја прифатила како и секоја друга која е во насока на унапредување на демократските процеси во земјава. Тема на разговор СДСМ, уверува не биле.

-Ниту јас, ниту пак било кој ќе дозволам да зборувам на друго место, разговрите за СДСМ, место каде што се разговараат е на Бихаќка, во седиштето на партијата и во рамките на органите на партијата. Но, се разбира овој состав беше да речам замена за било какви кулари или било какви собиранки на места на кои не им е местото да се зборува за иднината на државата, така што мислам дека нема ништо спорно. - Славјанка Петровска – Пратеничка на СДСМ

Дел од гостите пристигнаа преку главниот влез, но дел од нив преку спореден влез, преку гаражите директно со лифт се упатија до местото на настанот, а пред хотелот ги пречекаа од социјалдемократската младина, со порака дека иднината нема да се крои зад затворени врати. Средбата ја поврзаа со премиерот Мицкоски.

-Денеска ќе бидеме тука да ги погледнеме во очи оние кои зад затворени врати ја кројат нашата иднина, да ги видиме луѓето без имиња, политиката на иднината без лице, односно иднината што ни ја подготвува Христијан Мицкоски. Ние младите ќе бидеме тука да видиме кој во наше име, зад затворени врати, под превезот на тајноста и странските принципи на доверливост ја крои нашата судбина.

Меѓу 20тината поканети, беа и унверзитетскиот професор Ненад Марковиќ, адвокатот Звонко Давидовиќ, пратеничката Моника Зајкова, граѓански активсти, како и екс-партиските функционери Александар Бајдевски и Костадин Ацевски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна Цесна во Велика Британија: Двајца загинаа

Две лица загинаа откако лесен авион се урна на поле во Есекс, соопшти британската полиција.

Се урна Цесна во Велика Британија: Двајца загинаа

Двоседниот авион Цесна се урна вчера попладне, кратко по полетувањето од аеродромот Норт Вилд на планирано „кратко патување“, објави Скај њуз.

Идентитетите на жртвите сè уште не се објавени.

Тагови: Велика Британија Цесна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Поради силното невреме, кризниот штаб и екипите на јавните претпријатија се на терен

Градоначалникот на Град Скопје, Орце Ѓорѓиевски соопшти дека поради силното невреме, кризниот штаб и екипите на јавните претпријатија се на терен.

Ѓорѓиевски: Поради силното невреме, кризниот штаб и екипите на јавните претпријатија се на терен

„Почитувани граѓани,

Поради силното невреме кое во текот на денешниот ден го зафати Скопје, Кризниот штаб на Град Скопје, заедно со службите и јавните претпријатија, е целосно мобилизиран и подготвен за брза интервенција на терен, доколку има штети, поплави или потреба од итна реакција.

🫡 Во постојана координација сме со ЦУК, МВР, ЕВН, Противпожарната бригада на Град Скопје и сите надлежни институции.

Сите капацитети се ставени во функција, со една цел навремена заштита на граѓаните и спречување на поголеми последици.

Екипите на Град Скопје ќе бидат на располагање во текот на целата ноќ и ќе интервенираат секаде каде што ќе биде потребно.

Не можеме да го запреме невремето, но можеме организирано, одговорно и заеднички да спречиме поголеми штети.

Ги повикувам граѓаните на внимателност, смиреност и соработка со надлежните служби.

Службите се на терен.

♥️ Граѓаните не се сами.“- соопшти скопскиот градоначалник.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски и Дачиќ од Табановце ја започнаа заедничката кампања „Вози одморен“

Одморен возач е најдобрата превенција за безбедно патување

Тошковски и Дачиќ од Табановце ја започнаа заедничката кампања „Вози одморен“

Министерот за внатрешни работи Панче Тошковски, заедно со претседателот на Републичкиот совет за безбедност на сообраќајот Горан Ангеловски, денеска на граничниот премин Табановце, со министерот за внатрешни работи на Република Србија Ивица Дачиќ и вршителот на должност директор на Агенцијата за безбедност во сообраќајот на Република Србија Бранко Стаматовиќ, официјално ја означија првата заедничка превентивна акција „Вози одморен“.

Кампањата има за цел да ја подигне свеста кај возачите за опасностите што ги носи заморот зад воланот, особено во екот на летната туристичка сезона кога значително се зголемува фреквенцијата на возила на Коридорот 10, од граничниот премин Табановце до граничниот премин Богородица.

Во своето обраќање, министерот Тошковски истакна дека оваа убава кампања и заедничките превентивни активности се уште една потврда за успешната соработка меѓу двете соседни и пријателски држави.

„Заедно со нашите колеги од Србија испраќаме силна порака дека превенцијата е најдобриот начин за заштита на човечките животи. Возачите кои во овие жешки денови тргнуваат на подолги патувања треба да бидат одморени, а за време на патувањето да прават пауза на секои два до три часа, во траење од најмалку петнаесет минути. Во рамките на патувањето да консумираат доволно вода во рамки на патувањето, да ги почитуваат сообраќајните правила, особено брзината на движење, Најголем број на сообраќајните несреќи се случуваат затоа што имаме преголем умор на оние што го управуваат возилото или затоа што го управуваат пребрзо. Заради сето тоа сметам дека ова е клучна кампања, бидејќи човековиот живот нема цена, еден човечки живот да спасиме сите ние заедно повеќе, ќе биде благодат за сите нас.“, истакна Тошковски.

Министерот Тошковски потсети дека со имплементација на One Stop системот со Република Србија, чекањето на овој граничен премин, од неколку часа е намалено на максимални половина час овие денови иако фреквенцијата на патници е зголемена од 15 до 20 проценти.

Министерот Тошковски исто така апелираше до сите што транзитираат низ Коридор 8 и Коридор 10 во Македонија, дека камерите на „Безбеден град“ функционираат, работат и евидентираат сообраќајни прекршоци.

„Секој сообраќаен прекршок што е сторен од 01.02.2026 година од пуштање на системот во работа, ќе се достави до секој еден што направил прекршок без разлика дали управувал моторно возило со македонски или со странски регистарски таблички. За брзо ќе бидете сведоци на конкретната имплементација на вториот чекор којшто се однесува во однос на достава на казните на оние кои управуваат моторни возила со странски регистарски таблички и почетокот биде токму од овој граничен премин.“, нагласи министерот Тошковски.

Министерот за внатрешни работи на Република Србија Ивица Дачиќ ја нагласи важноста на оваа заедничка иницијатива, оценувајќи дека таа претставува пример за успешна регионална соработка во интерес на безбедноста на сите учесници во сообраќајот и уште еднаш ја потенцираше одличната соработка меѓу двете министерства и двете полиции во сите сфери на безбедноста.

„Наш приоритет е да биде спасен секој човечки живот, особено животот на најмладите и тоа е голема работа. Затоа апелираме до сите возачи да патуваат одморени и одговорно, посебно на долгите летни дестинации“, порача Дачиќ, додавајќи дека соработката со македонската полиција во реализацијата на оваа превентивна акција има особено значење во периодот кога илјадници туристи транзитираат низ двете држави.

Во рамки на кампањата, на возачите кои поминуваа низ граничниот премин Табановце им беа поделени шишиња вода, едукативни летоци со совети за безбедно возење и промотивен материјал со препораки за спречување на сообраќајни незгоди предизвикани од замор.

Оваа превентивна активност претставува дел од заедничките напори на двете министерства и институциите задолжени за безбедноста во сообраќајот за намалување на бројот на сообраќајни незгоди и заштита на животот и здравјето на сите учесници во сообраќајот за време на летната сезона.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер