Македонија

Ферати на местото на Стоиљковиќ – кои ќе бидат новите министри од ВРЕДИ?

Од Вреди ги потврдија новите имиња кои треба да седнат на „Илинденска“ бр. 2.

Јетон Шасивари во Правда, Седат Сулејмани во Култура, Агон Ферати, во односи меѓу заедниците. Од Вреди ги потврдија новите имиња кои треба да седнат на „Илинденска“ бр. 2., но останува дилема зошто за разлика од ВМРО-ДПМНЕ И ЗНАМ од Вреди изостана прес- конференција на која ќе ги официјализираат предлозите. Според извори на Канал 5 во Вреди се уште се кршат копјата околу изборот на Агон Ферати, на местото на Иван Столковиќ во министерството за односи меѓу заедниците. Во игра покрај Ферати, според партиските извори, се уште неколку имиња за овој ресор, а до вечер се очекува да има конечна одлука.

Сепак премиерот Мицкоски денеска потврди дека ги добил персоналните решенија од коалициските партнери за министерствата со кои ќе раководат во реконструираниот владин кабинет и кажа дека за него се прифатливи.

- Да, ги имам предлозите и за новите министри од Влен и од партијата ЗНАМ, но ќе оставам, еве, тие да ги кажат, да не ги кажувам јас. За мене тие предлози се сосема во ред и очекувам да имаме уште поуспешна работа во новиот состав на Владата. Да, имаат и за односи меѓу заедниците, и за правда и закултура, изјави Мицкоски.

Вреди по реконструкцијата на Владата ќе има едно вицепремирско место. Беким Сали останува прв вицепремиер и министер за европски прашања, а на партијата ѝ остануваат секторите животна средина со Мухамет Хоџа и Бесар Дурмиши за економија и труд.

Вицепремиерската функција за добро владеење, која ја извршуваше Арбен Фетаи нема да постои во реконструираната влада, а овој ресор ќе се покрива од кабинетот на премиерот. Мицкоски синоќа ги објави предлозите на ВМРО-ДПМНЕ. Досегашниот директор на Фондот за здравствено осигурување Сашо Клековски го презема местото на Азир Алиу во министерството за здравство, а за нов директор во ФЗО е именуван Златко Перински, кој досега беше министер за локална самоуправа. Тој ресор ќе го преземе Иван Стоилковиќ.

Актуелниот заменик министер Ѓоко Велковски го наследува Фатмир Лимани во министерството за социјална политика. Дополнително, Ерџан Демир ќе биде министер без ресор задолжен за имплементација на стратегијата за инклузија на Ромите, а свое учество во власта ќе земе и Демократската партија на Турците.

Кадар на ЗНАМ ќе раководи со Министерството за земјоделство, каде Димитриевски го номинира Борче Серафимовски. Горан Минчев останува на чело на Министерството за јавна администрација. Тој денеска кажа дека се задоволни од реконструкцијата

За лидерот на СДСМ, Венко Филипче, реконструкцијата на Владата нема да донесе ништо ново за граѓаните и државата.

Премиерот Мицкоски најави дека предлог-составот на новиот владин кабинет ќе биде доставен до Собранието до петок, заедно со биографиите на новите министри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Битола: Чествување за војводата Александар Турунџев

Битола одбележа 121 година од погубувањето на Александар Турунџев македонски револуционер, учесник во македонското револуционерно движење, член и војвода на Македонската револуционерна организација.

Во име на Општина Битола пред споменикот кај „Ат Пазар“ и на неговиот гроб во Светонеделските гробишта положи цвеќе и се поклони советникот Александар Јаневски. Се поклонија и оддадоа почит и граѓани, здруженија како и членови на коњаницата Костурска чета Битола.

Александар Турунџев беше повеќе од борец, беше симбол на храброст, на жртва и на визија.

Ланската година со свечена церемонија и своевидна поворка која го симболизираше погибието на војводата Александар Турунџев, беше откриен споменикот на оваа значајна личност од македонската револуционерна борба под „Ат Пазар“ во Битола.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче и талогот на СДС повторно се противат на европски проекти, а национален дата центар е обврска од Реформската агенда со ЕУ

Талогот на СДС и Венко Филипче продолжуваат со неодговорното политикантство и со критики кон проекти од стратешко значење за иднината на државата.

Развојот на индустријата поврзана со дата центри е светски тренд и значаен дел од дигиталната трансформација и сајбер-безбедноста. Наместо да го поддржи развојот и заштитата на дигиталната инфраструктура и развојот на индустријата која е иднината, Филипче и СДС повторно се поставуваат против интересите на граѓаните и државата.

Македонија веќе има секундарен дата центар во Прилеп, кој има важна улога во обезбедувањето резервна инфраструктура и податоци. Тоа значи дека сега секоја институција сама наоѓа начин како да ги чува податоците и во случај на евентуален сајбер напад на системот на поединечна институција, тие се чуваат во секундарниот дата центар.

Но, на државата ѝ е потребен и основен, примарен национален дата центар, преку кој ќе се обезбеди сигурно и централизирано чување на податоците на сите државни институции.

Во делот на Реформската агенда со Европската Унија, Македонија има проект за изградба на националниот дата центар и за неговата реализација се предвидени европска финансиска и техничка поддршка, а обврска на државата е да го изгради овој основен дата центар, што ќе значи современа примарна инфраструктура за безбедно чување на податоците.

Ова значи поголема заштита на податоците на граѓаните и институциите, поголема отпорност на сајбер-напади и посигурни државни системи.

Токму заради ова СДС и Венко Филипче, како поранешен министер за здравство, треба да бидат првите кои ги поддржуваат ваквите проекти кои ја зголемуваат сајбер безбедноста, ги штитат податоците, а воедно значат и развој на една индустрија која чекори кон иднината.

Така, сите паметиме, како за време власт на СДС, системот на Фондот за здравствено осигурување беше цел на сериозен сајбер-напад, по што граѓаните се соочија со проблеми при остварувањето на своите права, исплатата на породилно, рефундацијата на средства за лекови и други услуги.

Денес, наместо да извлечат поука од сопствените пропусти, СДС и Филипче се противат на изградба на инфраструктура која треба да спречи вакви ситуации во иднина и ќе донесе развој на државата.

Јасно е дека СДС продолжува да се спротивставува на проекти што носат европски стандарди, дигитализација, инвестиции и поголема безбедност за граѓаните.

Македонија мора да оди напред, а примарен национален дата центар е инвестиција во дигиталната иднина, сајбер-безбедноста и заштитата на податоците на граѓаните и државата.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Исчезнати 15 планинари во поројни поплави во Гранд Кањон во САД

Околу 15 планинари се водат како исчезнати по силните поројни поплави што во саботата погодија делови од Гранд Кањон во САД. Спасувачките екипи досега со хеликоптери евакуирале 62 лица, а според достапните информации нема повредени.

Американската служба за национални паркови првично соопшти дека се трага по повеќе од 20 луѓе, но подоцна бројот на исчезнати беше намален на околу 15. Поројните води предизвикале голема материјална штета во делови од Кањонот, однеле мостови и принудиле властите да затворат повеќе пешачки патеки. Една од евакуираните планинарки изјави дека времето било убаво пред луѓето одеднаш да почнат да врескаат и да бегаат од надојдената вода. Планинарите биле упатени на повисоки и побезбедни места, каде што со часови чекале да бидат евакуирани со хеликоптери.

Тагови: Гранд Кањон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.