Во Индија над 750 милиони луѓе се во карантин - Канал 5

Свет

Во Индија над 750 милиони луѓе се во карантин

Повеќе од 750 милиони луѓе во Њу Делхи и другите големи индиски градови се ставени од денеска во карантин, а домашниот воздушен сообраќај е укинат за да се забави ширењето на коронавирусот.

Во Индија над 750 милиони луѓе се во карантин

Сепак, многу граѓани сè уште не го сфаќаат сериозно карантинот, предупреди премиерот Нарендра Моди.

Телевизијата снимила многу луѓе на автобуските станици и пазарите во различни градови, и покрај тоа што се во изолација.

„Ве молам, спасете се, зачувајте го своето семејство, сериозно следете ги упатствата. Барам државните влади да обезбедат почитување на правилата и законите “, објави Моди на Твитер.

Набргу потоа, сојузната влада го заостри пристапот. Им нареди на државите „строго да го спроведат“ карантинот, што е на сила до 31 март, и повика на законски санкции против оние што ги кршат ограничувањата. Прекршителите се соочуваат со затвор до шест месеци.

Владата вечерва најави построги карантински мерки , со одлука да го прекине домашниот воздушен сообраќај од утре вечер. Дозволен е само воздушен превоз на стоки. Меѓународниот воздушен сообраќај е веќе стопиран до 31 март.

Низ Индија, повеќе од 80 градови, вклучувајќи ги Делхи, Мумбаи, Ченаи, Калкута и Бенгалор, од денеска започна целосен карантин, што значи дека им е дозволено да работат само основните дејности.

Железнички, метро и меѓудржавни автобуски линии се суспендирани и неколку држави забранија јавен превоз, вклучувајќи и такси. Канцелариите за комунални услуги и основните услуги, вклучувајќи намирници, банки, болници и аптеки, ќе останат отворени.

Полицијата забрани повеќе од четири лица да се соберат во неколку градови.

Во Индија, 415 се заразени со коронавирус, а седуммина починале. Само во последните три дена, потврдени се 200 новозаболени, тврдат здравствените власти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ристовски: Спортската инфраструктура повеќе нема да биде заборавена - 49 милиони денари за градскиот базен во Кавадарци

Министерот за спорт Борко Ристовски, заедно со претседателот на Владата, Христијан Мицкоски и со градоначалникот на Кавадарци, Митко Јанчев, денеска присуствуваше на пуштањето во употреба на целосно реконструираниот  Градски базен во Кавадарци.

Ристовски: Спортската инфраструктура повеќе нема да биде заборавена - 49 милиони денари за градскиот базен во Кавадарци

Министерот за спорт Борко Ристовски, заедно со претседателот на Владата, Христијан Мицкоски и со градоначалникот на Кавадарци, Митко Јанчев, денеска присуствуваше на пуштањето во употреба на целосно реконструираниот Градски базен во Кавадарци, капитален проект вреден речиси 49 милиони денари, со кој градот добива современ спортско-рекреативен центар наменет за сите генерации.

Од вкупната инвестиција, 30.141.432 денари се обезбедени преку Министерството за спорт, од средствата на Владата на Република Македонија преку вториот јавен повик за финансирање на инфраструктурни проекти, додека останатите средства ги обезбеди Општина Кавадарци.

-Ние не градиме споменици, туку места каде што ќе растат идните шампиони. Секој реконструиран базен, секоја спортска сала и секое игралиште значат повеќе можности за децата, повеќе здравје за граѓаните и повеќе шанси Македонија повторно да создава врвни спортисти. Нашата цел е јасна – спортската инфраструктура повеќе никогаш да не биде оставена да пропаѓа, туку да стане двигател на развојот во секоја општина - истакна министерот Ристовски.

Тој нагласи дека Министерството за спорт паралелно работи на завршување на повеќе капитални проекти низ државата.

Во рамки на реконструкцијата е обновен целиот базенски комплекс, поставен е нов систем за филтрација и пречистување на водата, реконструирани се големиот и малиот базен, изградени се водни атракции и тобогани, детски водни реквизити, современо детско игралиште, целосно се обновени соблекувалните, тушевите, санитарните јазли, лекарската просторија, пристапните патеки и останатите придружни содржини.

Во Кавадарци е во завршна фаза и изградбата на новиот затворен базен, проект чија реализација Министерството ја доведе до финална фаза по повеќегодишен застој. На ист начин беа завршени и базените во Карпош, во Кисела Вода и во Штип, продолжува изградбата во Струмица, Кичево и Ѓорче Петров, додека технички е завршен и базенот во Битола.

Со ова Министерството за спорт продолжува со реализација на стратешката определба за модернизација и развој на спортската инфраструктура низ целата држава, со цел секоја општина да добие современи услови за спорт, рекреација и развој на младите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието утре ќе одлучува за предлогот на премиерот за избор на Зулфиќар Зејнула за министер без ресор

Премиерот Христијан Мицкоски пред два дена до претседателот на Собранието го доставил предлогот за избор на Зулфиќар Зејнула за министер без ресор.

Собранието утре ќе одлучува за предлогот на премиерот за избор на Зулфиќар Зејнула за министер без ресор

Предлогот е доставен до пратениците, а по него ќе се расправа на утрешната собраниска седница, чиј почеток е закажан во 11 часот.

Зулфиќар Зејнула е претседател на Демократската партија на Турците на Македонија, а на почетокот на јули годинава тој потпиша договор за политичко партнерство, соработка и поддршка со владејачката ВМРО-ДПМНЕ.

Со неговиот избор ќе се заокружи владината реконструкција, во рамки на која претходно овој месец собранието избра осум нови министри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Обединетите нации остануваат силен партнер на Министерството за правда во процесот на дигитална трансформација

Министерот за правда, Јетон Шасивари, оствари средба со постојаната координаторка на Обединетите нации во Република Македонија, Рита Колумбија и Марко Вујачиќ од Канцеларијата на UNOPS 

Обединетите нации остануваат силен партнер на Министерството за правда во процесот на дигитална трансформација

Министерот за правда, Јетон Шасивари, оствари средба со постојаната координаторка на Обединетите нации во Република Македонија, Рита Колумбија и Марко Вујачиќ од Канцеларијата на UNOPS на која беа разгледани приоритетите во реформата на правосудството и следните чекори за модернизација и унапредување на системот.

Посебно внимание беше посветено на експертската поддршка што Обединетите нации ја обезбедуваат во реформските процеси, развојот на институционалните капацитети и дигитализацијата на правосудството, како еден од клучните предуслови за побрзи, поквалитетни и подостапни услуги за граѓаните.

Во рамки на идната соработка беа утврдени натамошни активности насочени кон понатамошна модернизација на правосудниот систем, со посебен акцент на надградбата на АКМИС системот, воспоставувањето систем за електронска достава во судските постапки, унапредувањето на системот за аудио и видео снимање на судските рочишта, подобрувањето на интероперабилноста меѓу институциите, како и зајакнувањето на сајбер-безбедноста во правосудниот сектор.

Искуствата што UNOPS веќе ги има реализирано во земјите од регионот претставуваат значајна основа за поддршка на реформските процеси и во нашата држава.

Партнерството со Обединетите нации има значајна улога во спроведувањето на реформите и во усогласувањето на домашното законодавство и институционалните практики со европските и меѓународните стандарди, со цел создавање модерен, ефикасен и достапен правосуден систем за граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер