Нов удар за Бред Пит: Уште едно дете сака да се откаже од неговото презиме - Канал 5

Шоу биз

Нов удар за Бред Пит: Уште едно дете сака да се откаже од неговото презиме

Семејниот раздор меѓу поранешната холивудска брачна двојка, Бред Пит и Анџелина Џоли не покажува знаци на стивнување, дури и години по нивниот развод.

Нов удар за Бред Пит: Уште едно дете сака да се откаже од неговото презиме

По стапките на Шајло, Захара и Медокс, и 18-годишната Вивиен одлучи официјално да го користи само презимето на мајка си Џоли.

Најмладата ќерка на славниот актер и Анџелина Џоли поднесе барање за официјална промена на името, со цел да се откаже од презимето на татко си Бред Пит.

Според судските документи поднесени до Вишиот суд во округот Лос Анџелес, таа сака нејзиното име да се промени од Вивиен Маршелин Џоли-Пит во Вивиен Маршелин Џоли.

Како причина за промената се наведени „лични причини“, а рочиштето е закажано за 2 ноември. Ова не е првпат Вивиен јавно да ја покаже својата желба да се дистанцира од презимето на татко си.

Во мај 2024 година, додека работеше како продуцент на бродвејската претстава „The Outsiders“ заедно со нејзината мајка Анџелина Џоли, таа во театарската програма беше наведена едноставно како Вивиен Џоли.

Вивиен, родена во 2008 година заедно со нејзиниот брат близнак Нокс, сега е четвртото дете на поранешниот холивудски пар што одлучило да се откаже од презимето на таткото.

Нејзината постара сестра Захара (21) и братот Медокс (24) претходно го направија истиот чекор, бидејќи и тие сакаат официјално да го користат само презимето Џоли.

Според законите во Калифорнија, поединците што сакаат да го променат своето име или презиме се должни да објават јавно соопштение во весник четири последователни недели пред судското рочиште – чекор што Захара и Медокс веќе го презедоа, пренесува CdM.

Тагови: Анџелина Џоли

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

ЕУ го одобри новиот пакет санкции против Русија по неколку недели натегања и преговори

Новиот 21 пакет санкции на ЕУ против Москва од Руската инвазија на Украина во 2022 година, вклучува одржување на сегашното ниво на горната граница на цената на руската нафта.

ЕУ го одобри новиот пакет санкции против Русија по неколку недели натегања и преговори

Преговорите за новите економски санкции воведени поради војната во Украина се одолговлекуваа откако неколку земји инсистираа на ублажување на поединечните елементи од пакетот.

На 22 јули беше објавено дека 27-те земји-членки на ЕУ донеле привремена одлука да го задржат горната граница на цената на руската нафта на 44 долари за барел во текот на една недела за да се спречи нејзиното автоматско зголемување.

Мерката има за цел да ги ограничи приходите на Москва од глобалниот извоз на сурова нафта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром со јавен повик за пријавување штети од силното невреме

Општина Аеродром започнува постапка за обесштетување на граѓаните што претрпеа материјална штета предизвикана од силното невреме што го зафати подрачјето на Град Скопје на 21 јули 2026 година.

Општина Аеродром со јавен повик за пријавување штети од силното невреме

По одржаниот координативен состанок во Град Скопје, Општина Аеродром веднаш формира Комисија за утврдување на фактичката состојба и ја започна постапката за прием на барања, како предуслов за обесштетување на граѓаните, што ќе се реализира во соработка со Владата и со Градот Скопје.

Образецот за пријавување штета е достапен во просториите на Општина Аеродром, а може да се преземе и од официјалната веб-страница на следниов линк:

https://shorturl.at/L3rcJ

Образецот, заедно со потребната документација, се доставува во Архивата на Општина Аеродром секој работен ден од 8:00 до 15:00 часот, во рок од 30 дена од денот на настанување на штетата.

Кон барањето задолжително да се приложат и следниве документи:

Важешка лична карта или патна исправа (фотокопија);

Доказ за сопственост (фотокопија од имотен лист);

Фотографии од локацијата по претрпената штета;

Записник од МВР за настанатата штета;

Општина Аеродром ги повикува граѓаните навремено да ги поднесат своите барања, со цел постапката за утврдување на штетите да се реализира ефикасно и во најкраток можен рок. Сите поднесени пријави ќе бидат разгледани во согласност со законските процедури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Паѓа довербата во владата на Радев

Само два месеца по преземањето на власта, бугарскиот премиер Румен Радев се соочува со првиот посериозен пад на довербата.

Паѓа довербата во владата на Радев

Новото истражување на „Маркет линкс“ покажува дека поддршката за него и за неговата влада се намалува додека расте бројот на граѓани кои сметаат дека кабинетот не ги исполнува високите очекувања.

Во мај Радев имал доверба од 56 проценти, а 22 проценти од испитаниците изразувале недоверба.

Во јули неговиот позитивен рејтинг се намалил на 50 проценти, додека негативниот се зголемил на 33 проценти.

Меѓу главните причини за падот се реакциите на предложениот буџет за 2026 година, недостигот од убедливи резултати во домашната политика и слабеењето на пораките за решителна борба против корупцијата и стариот модел на управување.

Тагови: Бугарија Румен Радев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер