Македонија

Муцунски за „Канал 5“: Хасани објасни дека станува збор за техничка грешка

Националноста Македонци стои во графата за националност во пописот во Албанија.

Албанската агенција за статистика по еден ден од објавата на резултатите изврши корекција и наместо Северномакедонци сега стои Македонци. Промената доаѓа по реакција на МНР и средбата на министерот за надворешни работи Тимчо Муцунски со неговиот албански колега на форумот во Дубровник.

-Заедно со претседателот на Владата Мицкоски ја следевме ситуацијата. Имавме во неколку наврата комуникација и со службите во министерството за надворешни работи. Утврдивме некои прашања за кои што како држава имаме сериозна грижа, тие беа денес и јавно воочени во објава која што ја имаше од страна на МНР. Тука е и колегата Хасани, албанскиот министер за надрворешни работи. Стапив во контакт со него. Тој потоа стапи во контакт веројатно со соодветните служби во соседна Албанија. Информираше дека по однос на тоа прашање се работело за техничка грешка. Исрено ќе кажам дека сум му благодарен за брзата интервенција, изјави за Канал 5 министерот за надверешни работи Тимчо Муцунски.

Прелиминарни податоци од пописот во Албанија за жал не ја отсликуваат соодветно реалната бројка на етнички Македонци во земјата, соопштија од Министерството за надворешни работи, откако и македонски друштва во Албанија реагираа за, како што велат, направен груб пописен фалсификат по објавената бројка од пописот за над 7. 000 Бугари во Албанија.

За натамошните чекори, МНР ќе го повика амбасадорот Данчо Марковски на итни консултации во Скопје.

-Ќе зборуваме прво со нашиот амбасадор, секако, околу неговиот ангажман таму по однос на овие прашања. Околу тоа која е нашата стратегија во однос на сите овие прашања кои што јавноста секако будно ги следи и ние во одредени детали многу повеќе ги следиме и ќе ја договараме нашата заедничка стратегија. Но ќе повторам, стратегија која има за цел да ги заштити правата на Македонците кои што живеат на територија на Р. Албанија, но исто така и да работиме, да имаме добри биулатерални односи со Албанија како наш значаен сосед, вели Муцунски.

Најстарото здружение на Македонците во Албанија, „Друштво Преспа“, резултатите ги смета за груб пописен фалсификат и бараат од Европската Унија да преземе мерки против Бугарија која врши манипулација со Македонците во балканските држави, им дава бугарски пасоши како можност за емиграција во Западна Европа под услов да потпишат писмена изјава дека се ‘Бугари по потекло‘. За ова уште вчера за Канал 5 сведочеше Васил Стеријовски, претседатот на Mакедонска алијанса за европска интеграција..

-Овој процес е одамна започнат, во кој се вклучени пред се албански функционери. Во бизнисот со бугарски пасоши, лица кои посредуваа се лица од партијата на власт. После тоа, издаваат незаконски потврди од општините за бугарско потекло, бидејки сега последно, такво бара Бугарија. Бидејќи немаат такви ингеренции албансите институции, тоа е коруптивен начин кој што еве си тера непрекинато, иако се докажа дека со 100 евра можеш да си купиш лажна потврда. Сепак тој процес продолжува, Албанија го дозволува, вели Васил Стеријовски- претседател на МАЕИ

Ова е првпат на попис во Албанија да се попишат лица од буграска националност. Во сите досегашни 11 спроведени пописи ниту еден жител на Албанија не се изјаснил како Бугарин, реагираа македонските здруженија и партии во албанија. Албанија во октомври 2017 година официјално призна постоење бугарско национално малцинство во земјата, по заканите од Софија за вето на во ЕУ.

Живот

Слушнале необични звуци и го раскопале тротоарот- под него извлекле 3 крокодили (ВИДЕО)

Следното видео наводно е снимено во Индонезија, а веќе некое време кружи на социјалните мрежи.

Сѐ започнало кога случајни минувачи слушнале необичен звук што доаѓал од под тротоарот, а на местото биле повикани комуналните служби.

Кога искршиле дел од асфалтот, пред шокираните луѓе се појавил крокодил.

Еден од работниците го фатил рептилот со специјални држачи, а потоа се појавил друг и се упатил кон камерманот!

На видеото се гледа и трет крокодил кој останал мирен, под скршениот асфалт, а му се гледа само грбот.

Не се знае што се случило потоа - дали некој е повреден, а што се случило со крокодилите кои најверојатно се движеле по водоводната цевка и завршиле на необична локација.

Регион

Швајцарец снимал голи деца на плажа во Хрватска- пронашле докази во камерата

Полициски службеници спровеле кривична истрага за 62-годишен швајцарски државјанин кој со мини камера снимал голи деца во Истра.

Полициските службеници утврдиле дека сторил кривично дело искористување деца за порнографија, пишува Аваз.

Швајцарецот е осомничен дека во петокот околу 15 часот и 20 минути во туристички објект снимал деца без облека со мини камера закачена на прст со ластик, што го забележало обезбедувањето и повикало полиција.

Мажот е приведен во полициска станица. По наредба на надлежниот суд, извршен е увид на камерата и техничките уреди кои ги поседува, кои се пронајдени при претресот. На уредите биле пронајдени видеа со инкриминирачка содржина.

Осомничениот вчера попладнето бил приведен во притворското одделение на ПУ на Истра, соопшти полицијата.

Регион

Грција од денеска воведува шестдневна работна недела, за синдикатите тоа е варварски

Додека компаниите во земјите ширум светот размислуваат да воведат пократки работни недели, во Грција на вработените им е кажано со новата регулатива дека сега можат да работат шест дена во неделата.

Додека компаниите во земјите ширум светот размислуваат да воведат пократки работни недели, во Грција на вработените им е кажано со новата регулатива дека сега можат да работат шест дена во неделата, поради „турбо зголемувањето на продуктивноста“, според властите, објави Гардијан.

Откако ги надмина другите Европејци во однос на економскиот раст, нацијата која некогаш беше во срцето на најтешката финансиска криза на континентот, уште еднаш го отфрли трендот, воведувајќи 48-часовна работна недела. Мерката, која синдикатите ја осудија како „варварска“, стапува на сила денеска, пренесе Гардијан.

„Нема никаква смисла“, рече Акис Сотиропулос, член на извршниот одбор на синдикатот на државните службеници „Адеди“. „Додека речиси секоја друга цивилизирана земја воведува четиридневна недела, Грција одлучува да оди на обратен начин“, рече тој.

Конзервативната влада на премиерот Киријакос Мицотакис вели дека иницијативата била неопходна поради двојната закана - намалувањето на населението и недостигот на квалификувани работници. Пред да го објави воведувањето на законодавството, како дел од поширокиот збир на закони за работни односи донесени минатата година, Мицотакис ја опиша демографската ситуација како „темпирана бомба“. Се проценува дека околу 500.000 претежно млади, образовани Грци емигрирале откако избувна должничката криза на крајот на 2009 година и траеше речиси десет години.

Шестдневната недела, велат надлежните, засега ќе важи само за приватните компании кои даваат услуги 24 часа. Во рамките на продолжената работна недела, персоналот во избраните индустрии и производствени погони ќе има можност да работи дополнителни два часа дневно или дополнителни осумчасовни смени, наградени со 40% бонус додаден на дневната плата.

Двата избори, тврди централно-десничарската влада, ќе го решат проблемот со неплаќањето на прекувремената работа на вработените, а во исто време ќе се зафатат и со сеприсутниот проблем со работата „на црно“.

„Сржта на овој закон е погодна за работниците, длабоко ориентиран кон раст“, рече Мицотакис пред грчкиот парламент да го одобри законот. „И тоа ја прави Грција рамноправна со остатокот од Европа.

Но, реакцијата беше жестока. Во земја каде што речиси и да нема традиција за инспекции на работното место, критичарите тврдат дека реформата на крајот става крај на петдневната работна недела, не само затоа што им овозможува на работодавците да диктираат дали е неопходен шестиот работен ден. За противниците, кои веќе излегоа на улица во знак на протест, реформата ја нагризува правната заштита и ги укинува одамна воспоставените работнички права во име на флексибилноста.

„Во реалноста, тој беше усвоен од страна на влада идеолошки посветена на создавање сè поголем профит за капиталот“, рече Сотиропулос. „Подобрата продуктивност доаѓа со подобри работни услови, подобар квалитет на живот за вработените, а тоа, сите знаеме, се помалку часови, а не повеќе“, тврди тој.