Седма жртва на западнонилска треска, почина 66-годишен пациент од Гази Баба - Канал 5

Македонија

Седма жртва на западнонилска треска, почина 66-годишен пациент од Гази Баба

66 годишен маж од Гази Баба е седмата жртва на западно нилската треска....Тој на Инфективната клиника ја загуби битката по 38 дена борба со вирусот „Западен нил“.

Седма жртва на западнонилска треска, почина 66-годишен пациент од Гази Баба

Западно нилската треска ја зеде и седмата жртва, шеесет и шестгодишен маж од Гази Баба кој повеќе од еден месец бил хоспитализиран на Инфективната клиника поради воспаление на мозокот и мозочните обвивки, а имал и повеќе хронични болести. Иако имало во дел од лекувањето имало подобрување, последните неколку дена, состојбата драстично се влошила и тој бил приклучен на апарати за дишење. Во меѓувреме има 8 нови потврдени случаи, најголем дел од Скопје север, а еден суспектен од Гази Баба, а тројца се на респиратор и се борат за живот.

Статистички, кај нас мажите речиси четири пати почесто заболуваат од жените, појаснуваат здравствените власти. На прашањето зошто сите смртните случаи се мажи, Клековски како можни фактори ги посочува хроничната бубрежна болест и претходно прележаните мозочни удари. Според него, една од можните причини е и тоа што мозочните удари почесто се јавуваат кај мажите отколку кај жените.

„Две состојби се поврзани со заболувањето и смртноста, а тоа се хроничната бубрежна болест и претходните мозочни удари (цереброваскуларни инциденти), кои статистички почесто ги погодуваат мажите. Можно е, хипотетички, кај мажите да се почести цереброваскуларните инциденти, бидејќи знаеме дека статистички жените, посебно во добар дел од животот, се заштитени од кардиоваскуларни инциденти.“

Новите потврдени случаи се во регионот на Скопје Север и Бутел, а и Радишани, па Клековски вели дека веќе е стапено во контакт со локалните власти за да се вклучи алармот и да се обрати внимание на можните жаришта односно застоени води кои се ризик, поради тоа овозможуваат соодветни услови за размножување на комарците што го пренесуваат вирусот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Словенија: Дедо со автомобил удри во зграда и им влезе на луѓето во дневната соба (ФОТО)

Вчера попладне, полициските службеници од Копер спроведоа истрага за сообраќајна несреќа во која 79-годишен возач на автомобил тргнал право по кривина, удрил во станбена зграда и пробил бетонски ѕид. 

Драма во Словенија: Дедо со автомобил удри во зграда и им влезе на луѓето во дневната соба (ФОТО)

Предниот дел од автомобилот завршил во дневната соба на станот на приземје. Во несреќата биле повредени две лица, пренесе Телеграф.

Непосредно пред 17 часот, полициските службеници од Копер добиле пријава за сообраќајна несреќа во Анкаран. Несреќата се случила на улицата Регентова.

Полицијата на местото на настанот утврдила дека 79-годишниот возач на автомобил, кој се движел по патот од Хрватин до Анкаран, тргнал право по десна кривина, преминал низ тревна површина и пристапниот пат и удрил во станбената зграда. Дедото со автомобилот удрил во станот на приземје, го пробил бетонскиот ѕид и со предниот дел удрил во дневната соба на станот.

Возачот и неговиот сопатник, кој бил една година помлад од него, биле заробени во возилото за време на ударот. Пожарникарите од Противпожарната бригада на Копер ги извлекле од автомобилот со техничка интервенција. Двете лица во возилото се повредени.

Полицијата наредила вештачење на возачот, додека причината за несреќата сè уште се утврдува. Се истражува и дали е сторено кривично дело.

Тагови: дедото зграда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Докторите предупредуваат на ризик од мигрена кај децата поради употреба на мобилните телефони

Употребата на паметни телефони го зголемува ризикот од главоболки кај децата за 1,5 пати, а кај предиспонирани пациенти може да предизвика порано појавување на мигрена.

Докторите предупредуваат на ризик од мигрена кај децата поради употреба на мобилните телефони

Ова го изјави неврологот во Федералниот центар за неврохирургија во Новосибирск и вонреден професор на Одделот за невронауки на Државниот универзитет во Новосибирск, Галина Мојсак.

Еквиваленти или прекурсори на мигрена

„За жал, мигрените кај најмладите ретко се препознаваат на време денес. Честопати, возрасните ги толкуваат проблемите на децата како нормално преоптоварување на училиштето или замор. Сепак, првите напади можат да се појават уште на возраст од три до пет години“, објасни Мојсак.

Таа забележа дека клиничката слика на мигрена кај децата може значително да се разликува од онаа кај возрасните. Болеста не секогаш започнува со карактеристична еднострана пулсирачка главоболка.

„Покрај типичната болка од мигрена, децата доживуваат таканаречени еквиваленти или прекурсори на мигрена. Тие вклучуваат, на пример, повторливи, интензивни епизоди на повраќање во отсуство на гастроинтестинални или заразни причини или ненадејни напади на вртоглавица. Само по некое време, понекогаш месеци или години, овие симптоми се развиваат во класична главоболка“, нагласи специјалистот.

Намалување на сивата материја во мозокот

Според докторката, важно е родителите да не ги игнорираат повторувачките циклични поплаки на своето дете за лошо расположение и гадење, особено по преоптоварување или продолжено изложување на дигитални екрани, и навремено да се консултираат со педијатриски невролог.

Мојсак претходно изјави за ТАСС дека луѓето кои страдаат од хронични мигрени (со напади што се случуваат повеќе од 15 пати месечно) доживуваат намалување на сивата материја во мозокот, што може да доведе до намалена концентрација и оштетување на меморијата.

Таа наведе строго придржување кон дневната рутина, ограничување на предизвикувачите и одење во кревет во исто време како примарен метод за заштита на нервниот систем без лекови.

Тагови: мигрена телефони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Крдо од 12 диви свињи се прошетаа низ центарот на Солун (ВИДЕО)

Уште една „прошетка“ на диви свињи во населено место е снимена вчера вечерта во Солун, вториот по големина град во Грција.

Крдо од 12 диви свињи се прошетаа низ центарот на Солун (ВИДЕО)

Како што може да се види во видеото објавено на TikTok, вкупно 12 диви свињи се забележани во областа Харилау, објавија грчките медиуми.

„Мислам дека вечерните излети завршуваат тука“, напиша жител на областа, кој го снимаше крдото диви свињи.

Животните, кои можат да бидат исклучително опасни, мирно шетаа среде ноќ во потрага по храна, без никој да ги допре.

Тагови: диви свињи солун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер