Маск загубил 7 милијарди долари по објава за мексикански милијардер - Канал 5

Свет

Маск загубил 7 милијарди долари по објава за мексикански милијардер

Во последните неколку недели, односите меѓу Илон Маск и Карлос Слим, мексиканскиот милијардер и сопственик на телекомуникацискиот гигант значително се влошија. 

Маск загубил 7 милијарди долари по објава за мексикански милијардер

Во последните неколку недели, односите меѓу Илон Маск, основачот на SpaceX и Tesla и шеф на Одделот за владина ефикасност во администрацијата на Трамп, и Карлос Слим, мексиканскиот милијардер и сопственик на телекомуникацискиот гигант América Móvil, значително се влошија.

Она што започна како потенцијално профитабилна деловна соработка помеѓу Starlink, сателитски интернет проект на Маск и телекомуникациската инфраструктура на Слим во Латинска Америка, се претвори во јавен конфликт со сериозни последици за двете страни.

Според извештаите на мексиканскиот магазин Proceso, конфликтот ескалирал во јануари откако Илон Маск сподели контроверзна објава на неговата платформа X, што сугерира дека Карлос Слим имал врски со нарко картели. Објавата првично беше креирана од профилот на Волстрит Мав, а во неа се тврди дека „Слим не може да стане милијардер во Мексико без да учествува во мрежа контролирана и заштитена од криминални групи“.

Споделувањето на оваа објава од Маск предизвика жестока реакција кај мексиканскиот милијардер. Иако нема официјални докази за поддршка на овие тврдења, Слим, според извори блиски до неговиот тим, одлучил да ги прекине сите деловни врски со Starlink на крајот на февруари.

Соработката помеѓу Starlink и América Móvil имаше за цел да го прошири пристапот до интернет во руралните области на Латинска Америка, особено во Мексико, каде што Слим доминира на телекомуникацискиот пазар. Прекинот на оваа соработка дојде брзо по потегот на Маск, што сугерираше дека Слим сака да ја заштити својата репутација и да испрати порака за неговата нетрпеливост кон таквите обвинувања.

Прекинот на соработката имаше значително финансиско влијание врз Старлинк. Иако точните бројки не се официјално потврдени, проценките на латиноамериканските медиуми како Expansión сугерираат дека вредноста на изгубените работни места во Латинска Америка би можела да достигне до седум милијарди долари.

Овој регион претставува клучен пазар за Starlink, кој се натпреварува со локални и глобални играчи како што се кинеските сателитски компании. За Маск загубата не е само финансиска, туку и стратешка, бидејќи Starlink ја губи можноста да се прошири во еден од најбрзо растечките региони за дигитално поврзување.

Во меѓувреме, América Móvil на Слим останува на силна позиција на домашниот пазар, а според Ројтерс, компанијата веќе истражува алтернативи за сателитски услуги, вклучително и преговори со европски и азиски партнери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Песков : „Сè уште не сме разговарале за за можната номинација на Орбан за генерален секретар на ОН. “

Вака портпаролот на Кремљ одговорил на прашањата во врска со медиумските извештаи дека американската администрација го промовира Орбан за оваа функција. 

Песков : „Сè уште не сме разговарале за за можната номинација на Орбан за генерален секретар на ОН. “

Портпаролот на Кремљ, Дмитриј Песков, изјави дека за време на последниот телефонски разговор, рускиот лидер Владимир Путин и американскиот претседател Доналд Трамп не разговарале за можната номинација на поранешниот унгарски премиер Виктор Орбан за генерален секретар на ОН.

Вака портпаролот на Кремљ одговорил на прашањата во врска со медиумските извештаи дека американската администрација го промовира Орбан за оваа функција. Песков исто така напомена дека „доколку се појави таква кандидатура, таа ќе биде разгледана“.

„Волстрит џурнал“, повикувајќи се на извори од три земји, објави дека администрацијата на американскиот претседател Доналд Трамп го предложила Орбан за генерален секретар на Обединетите нации.

САД го повика поранешниот премиер на Унгарија, Виктор Орбан да се кандидира и го охрабрија да го стори тоа.

Планот во моментов чека конечна одлука.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Jан Облак стана татко, неговата свршеница тенисерката Олга Даниловиќ роди син

Српската тенисерка Олга Даниловиќ се породи и доби син. 

Jан Облак стана татко, неговата свршеница тенисерката Олга Даниловиќ роди син

Таа и нејзиниот свршеник,ѕвездата на Атлетико Мадрид, словенечкиот голман Јан Облак, уште претходно го избраа името Максим.

Олга направи долга пауза во кариерата поради бременоста, а последниот натпревар го одигра на 4 февруари на еден турнир во Романија.

Србинката падна на 390-тото место на ВТА-листата, но, се разбира, тоа сега не е важно. Олга Даниловиќ и Јан Облак се во врска од 2023 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструкцијата на спортската сала во СОУ Гимназија „Добри Даскалов“ влегува во завршна фаза

Активностите за реконструкција на спортската сала се одвиваат согласно предвидената динамика, а просторот добива нов, современ и функционален изглед.

Јанчев: Реконструкцијата на спортската сала во СОУ Гимназија „Добри Даскалов“ влегува во завршна фаза

„Реконструкцијата на спортската сала во СОУ Гимназија „Добри Даскалов“ влегува во завршна фаза!

Активностите за реконструкција на спортската сала се одвиваат согласно предвидената динамика, а просторот добива нов, современ и функционален изглед. Со поставување нов спортски под, уредување на ѕидните површини, модернизација на осветлувањето и подобрување на системите за греење, вентилација и противпожарна заштита, се создаваат услови за поквалитетно, побезбедно и поудобно одвивање на наставата по физичко образование и спортските активности.

✔️ Со инвестиција од 4.200.000 денари, Општина Кавадарци продолжува да вложува во подобрување на училишната и спортската инфраструктура, ставајќи ги потребите на учениците во преден план.

🏫 Уште еден значаен чекор кон создавање современи услови за младите, нови можности за спорт и подобра училишна средина.

Продолжуваме со посветена работа и конкретни резултати за подобра иднина на нашите ученици!“- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер