Крај за Субару „BRZ“, се чека нова генерација - Канал 5

Автомобилизам

Крај за Субару „BRZ“, се чека нова генерација

Атрактивниот спортски модел е настанат во 2012 година како плод на соработката со Тојота, која истиот модел го продава под ознаката „GT86“.

Крај за Субару „BRZ“, се чека нова генерација

Субару престана да прима нарачки за изработка на нови примероци од моделот „BRZ“, сообјаснување дека сите нови нарачки ќе бидат задоволени од претходните залихи во продажните салони.

Оваа информација е објавена на сајтот на Субару во Јапонија, со што е обелоденето дека производството на актуелната верзија од спортското купе официјално престанува.

„BRZ“ и Тојота „GT86 “ се прават во иста фабрика во Јапонија, во погонот на Субару, што значи дека и верзијата на Тојота ќе престане да се произведува.

Тоа исто така значи дека се ближи времето за откривање на следната генерација на двата сестрински модели.

Се очекува дека новиот „BRZ“ и близнакот од Тојота конечно ќе добијат помоќен боксер мотор со турбо полнење, а најверојатно станува збор за 2.4 литарски агрегат со 260 коњски сили кои се вградува во моделите на Субару „Legacy“и „Ascent“.

Тојота и Субару уште минатата година потврдија дека ќе се произведуваат нови генерации од двата модели, кои би требало да бидат базирани на „TNGA“ механичката платформа на Тојота, како и дека овие автомобили ќе добијат нов турбо-бензин мотор.

Моделите во заминување главно добиваа пофалби за совршеното управување, а критиките беа насочени главно кон 2.0 литарскит боксер мотор заради недоволниот обртен момент.

Преоѓањето на мотор со турбо полнење би го решил тој проблем, а се очекува и дека новата платформа ќе оствари подобрување и во управувањето и безбедноста.

Субару и Тојота наводно планирале да го претстават новиот модел ова лето, но заради пандемијата која е во тек, премиерата е одложена. Новиот модел веројатно ќе биде претставен кон крајот на годината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Пензионер може да добие 315.000 евра, доколку сака- причината е неверојатна

Пензионерот Анџес Кер од Англија, кој зачувал буре шкотско виски од дестилеријата Гленротес, кое го купил во 1971 година за 130 фунти (150 евра), сега е во можност да го продаде за 270.000 фунти (315.000 евра).

Пензионер може да добие 315.000 евра, доколку сака- причината е неверојатна

Кер (81) еднаш го купил бурето како „инвестиција“, со намера да го продаде за пет години, објавува Би-Би-Си.

Проблеми на самиот почеток

Кер рекол дека штом го купил бурето шкотско виски, добавувачот банкротирал и дека сите траги од неговата купување потоа исчезнале, а тој бил убеден дека неговиот имот е изгубен.

„Немав полномошно, немав доказ за сопственост, немав идеја каде е бурето. Мислев, тоа е тоа, повторно изгубив сè. Пијам вино, а не виски, и не знаев што да правам со него, го напуштив“, рекол Кер.

Тој додаде дека го открил бурето со шкотско виски неколку години подоцна кога компанија со седиште во Глазгов го контактирала за да побара надомест за неговото складирање.

Најстарото виски на аукција

Кер рече дека неодамна контактирал брокер за да се обиде да го продаде бурето кога добил вест дека бурето со 55-годишно виски е проценето на 270.000 фунти, 2.000 пати повеќе од цената што ја платил во 1971 година.

Се верува дека е најстарото виски од Гленротес некогаш понудено на јавна продажба.

51-годишно Гленротес продадено минатата година за 37.000 фунти (43.000 евра) по шише.

Тагови: пензионер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Мета се согласи на спогодба од 16,7 милијарди долари казна поради предизвикување зависност кај децата

Технолошката компанија „Мета“ се согласи на спогодба со 29 американски држави во тужбата за безбедноста на децата на „Фејсбук“ и „Инстаграм“. 

Мета се согласи на спогодба од 16,7 милијарди долари казна поради предизвикување зависност кај децата

Според судските документи, компанијата ќе плати до 16,68 милијарди долари, пишува Би-Би-Си.

Спогодбата ја обврзува Мета да воведе низа правила за тинејџерите, вклучувајќи дневни временски ограничувања и блокирање на пристапот до платформите ноќе. Иако се согласи со условите, Мета ги негираше обвинувањата за прекршок.

Новите безбедносни мерки вклучуваат и ограничување на пристапот до децата за време на училишните часови, построг родителски надзор и сигурна проверка на возраста за малолетни корисници.

„Ова е историска победа“

Компанијата беше обвинета за кршење на бројни федерални и државни закони за приватност на децата. Федералните држави што ја поднесоа тужбата тврдеа дека „Мета“ ги користела своите платформи за „да ги намами, ангажира и на крајот да предизвика зависност кај младите и тинејџерите“.

Во тужбата, исто така, се наведува дека компанијата ја занемарила штетата предизвикана на „менталното и физичкото здравје на американската младина“. Главниот обвинител на округот Колумбија, Брајан Швалб, ја нарече спогодбата „историска победа за јавното здравје“.

„Безбедносните карактеристики што Мета мора да ги имплементира од темел веднаш ќе го променат начинот на кој младите луѓе ги користат Инстаграм и Фејсбук“, додаде Швалб. Од Мета беше побарано да коментира за случајот.

Тагови: зависност Мета

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се огласи за посетата на шефот на ЦИА на Москва: Од тоа би можело нешто да произлезе

Американскиот претседател Доналд Трамп ја опиша ненајавената средба на директорот на ЦИА, Џон Ратклиф, со руските разузнавачи во Москва како „полурутинска“. 

Трамп се огласи за посетата на шефот на ЦИА на Москва: Од тоа би можело нешто да произлезе

Ратклиф пристигна во руската престолнина вчера со воен авион, каде што учествуваше во разговорите, а замина само неколку часа подоцна, што ги поттикна шпекулациите за причините за посетата.

Трамп не ги откри деталите од разговорите, но рече дека нешто може да произлезе од средбата и додаде дека Вашингтон би сакал да види крај на војната во Украина. Кремљ потврди дека имало контакти на ниво на разузнавачките служби, но негираше дека директорот на ЦИА се сретнал со рускиот претседател Владимир Путин, пишува Би-Би-Си.

„Имаше контакти со разузнавачките служби“, рече портпаролот на Кремљ, Дмитриј Песков. „Немаше средба со претседателот на Русија. Тоа е сè што можам да кажам на таа тема. Секако, претседателот Путин веднаш добива извештаи за сè“, додаде Песков на редовната прес-конференција.

„Прерано е да се каже како ова ќе влијае на односите“

Портпаролот на Кремљ нагласи дека е прерано да се зборува за влијанието на средбата врз билатералните односи. „Прерано е да се каже колку ова ќе влијае на целокупниот процес на закрепнување на нашите билатерални односи од длабоката криза во која се наоѓаат“, рече тој.

Сепак, Песков ги оцени контактите меѓу разузнавачките агенции како позитивен феномен и позитивен процес и истакна дека тие често продолжуваат дури и во најтешките моменти од односите меѓу двете земји. Посетите на толку високи американски разузнавачки претставници на Русија се ретки.

ЦИА, Белата куќа и Пентагон сè уште официјално не ја коментирале посетата на Ратклиф. Претходната посета на директорот на ЦИА на Москва се одржа во ноември 2021 година, кога Вилијам Бернс ја предупреди Русија да не започнува инвазија на Украина. Неколку недели подоцна, Кремљ ја започна војната.

Тагови: Доналд Трамп ЦИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер