Портпаролот на Кремљ, Дмитриј Песков, изјави дека шефот на ЦИА не се сретнал со рускиот претседател Владимир Путин, но нагласи дека Путин бил веднаш и целосно информиран за исходот од разговорите.

Песков одби да каже што точно се разговарало зад затворени врати, велејќи само дека контактите се одржувале преку безбедносните служби. Тој нагласи дека ваквите контакти често продолжуваат дури и во најтешките периоди во односите меѓу двете земји, но додаде дека е прерано да се каже до кој степен ова ќе помогне односите да излезат од длабока криза.

A convoy with US diplomatic license plates was spotted in Moscow following the arrival of a US military aircraft. At the same time, the Kremlin stated it had no information regarding the aircraft, while Peskov assured that no meetings with US administration representatives were… pic.twitter.com/1VehaaaMe8

— WarTranslated (@wartranslated) August 25, 2026

Мистериозната и ненајавена посета се случи во време кога Вашингтон собира информации за руските планови за нова мобилизација и ескалација, и во услови на застој во напорите за постигнување договори за војните во Украина и Иран. Корисниците на Flightradar и очевидци забележаа американски воен транспортен авион C-17A Globemaster и авион C-40B како слетуваат на московскиот аеродром Внуково рано во вторник наутро, по што следеше конвој дипломатски возила што минуваа низ Москва.

If I had to wager, I’d say Ratcliffe is in Moscow to warn about Russian escalation against Europe/NATO. Linked to U.S. intelligence shared with Poles, Balts and Scandinavians, and comes amid a noticeable uptick in suspected GRU sabotage operations and Russian drone activity. See…

— Michael Weiss (@michaeldweiss) August 25, 2026

Итно предупредување од САД?

Ратклиф помина само четири часа во руската престолнина пред неговиот авион да се врати назад. Мајкл Вајс, еден од најупатените американски новинари за безбедносни прашања, истакнува дека толку краток престој јасно укажува дека руската страна добила само итна порака и директно предупредување од Вашингтон.

Според Вајс, целта на посетата била да се предупреди Москва за опасноста од руска ескалација против Европа и членките на НАТО, што е поврзано со американските податоци за саботажа од страна на руската воена разузнавачка служба (ГРУ) во европските земји. Ситуацијата потсетува на ноември 2021 година, кога тогашниот директор на ЦИА, Бил Бернс, отиде во Москва за да ги предупреди Русите за последиците од нападот врз Украина.

Поранешната заменик-директорка на американското национално разузнавање, Бет Санер, забележува дека целта на посетата може да биде јасна порака до Москва дека Вашингтон знае што се планира, но и предупредување поради руската воена и политичка поддршка за Техеран по новиот бран американски санкции против Иран.

Тајните канали никогаш не престануваат да работат

Иако политичките и дипломатските односи меѓу Вашингтон и Москва се на најниско ниво, безбедносните канали за комуникација останаа активни. Ратклиф и шефот на руската Служба за надворешно разузнавање (СВР) Сергеј Наришкин се во редовна комуникација од пролетта 2025 година за да одржат стратешка стабилност и да избегнат директен воен конфликт.

Руските аналитичари потсетуваат дека двете страни гледаат голема вредност во овие тајни линии. Додека политичарите разменуваат остри пораки јавно, шефовите на разузнавачките агенции зад затворени врати можат многу подиректно и попрагматично да разговараат за најопасните точки на конфликт на глобално ниво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црвените ѓаволи од Манчестер веќе подготвиле понуда од околу 50 милиони евра за играчот од средниот ред на Реал Мадрид.

Англискиот клуб бара засилувања во средниот ред, а Камавинга се наметнува како прва опција како се ближи крајот на преодниот рок.

Последните денови од преодниот рок во Европа, интерс за Камавинга покажа и тимот на Челзи.

Камавинга му се приклучи на Реал Мадрид од Рен во 2021 година за сума од приближно 40 милиони евра и оттогаш со клубот ги освои сите важни трофеи.

Французинот може да игра како централен или дефанзивен играч за врска, па дури и како лев бек, што го прави особено привлечен за Јунајтед, клуб кој бара разновиден играч способен да покрие повеќе позиции. Иако останува клучен дел од тимот на Реал, неговата позиција не е сосема недопирлива.

Плановите на Реал за летото делумно зависат од можните заминувања, а Манчестер Јунајтед се обидува да ја искористи таа ситуација за да го доведе 23-годишниот Французин на „Олд Трафорд“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Како наследство од еден од најголемите одбранбени системи во светот, долж границата на Западна Сахара, останати се околу седум милиони противпешадиски мини распоредени долж речиси 3.000 километри.

Во периодот меѓу 1980 и 1987 година, Мароко изгради линија од утврдувања во Западна Сахара, која практично ја дели оваа пустинска територија на два дела.

Позната како „Песочниот ѕид“ или „Берм“, оваа бариера ги раздвојува областите под контрола на Мароко од територијата контролирана од фронтот Полисарио.

Противниците на мароканската влада бариерата ја нарекуваат „ѕид на срамот“, а нејзината изградба е директно поврзана со повеќедеценискиот спор околу Западна Сахара.

Конфликтот води потекло од 1975 година, кога Шпанија се повлече од Западна Сахара.

Мароко и Мавританија по заминување на Шпанците ја поделија тероторијата на два дела, а жителите на Сахара кои бараа независност, ја продолжија борбата преку фронтот „Полисарио“.

Во 1976 година, фронтот „Полисарио“ ја прогласи Сахрависката Арапска Демократска Република, а конфликтот со Мароко прерасна во долготрајна војна. Соочен со герилски напади во огромниот пустински предел, Мароко во 1980 година започна да гради систем на утврдувања.

Ѕидот не бил изграден одеднаш, туку бил прошируван во неколку фази, со што мароканската линија на контрола постепено се поместувала кон исток и југ. Изградбата траела со години, а до втората половина на 1980-тите, системот прераснал во бариера долга околу 2.700 километри, пренесе „Сајанспост“ (Sciencepost).

„Берм“ не е само насип од песок. Тоа е воен систем составен од повеќе песочни насипи, ровови, бункери, бодликава жица и огромни мински полиња.

Според проценките наведени во текстот, околу седум милиони мини се поставени околу ѕидот, поради што оваа област се смета за една од најминираните во светот.

Долж линијата се распоредени и воени бази, артилериски позиции и аеродроми, додека радарските системи овозможуваат откривање движења на големи растојанија. Се наведува дека ѕидот го чуваат околу 100.000 марокански војници, иако некои проценки спомнуваат бројка од 120.000.

Изградбата на ѕидот му овозможи на Мароко да ја задржи контролата врз повеќе од две третини од Западна Сахара, додека Фронтот Полисарио ја контролира територијата источно од бариерата.

Во 1991 година, со посредство на Обединетите нации, бил постигнат прекин на огнот со што завршила војната долга скоро 15 години.

Сепак, спорот околу статусот на Западна Сахара не беше решен, а прекинот на огнот беше сериозно прекршен во ноември 2020 година, по што повторно беа забележани судири. Една од најтешките последици од војната останаа минските полиња. Мини поставени за време на изградбата на системот никогаш не беа целосно отстранети и претставуваат опасност, особено за номадското население што се движи низ оваа пустинска област. ж

Според податоците наведени во текстот, во периодот меѓу 1975 и 2013 година, најмалку 2.500 луѓе загинале или биле повредени од мини и други експлозивни остатоци од војната, објави „Сајанспост“ (Sciencepost). Операциите за деминирање беа прекинати по избувнувањето на новите судири во 2020 година. Деминирањето беше повторно започнато источно од ѕидот во мај 2023 година, а продолжи и на југот на територијата во почетокот на 2024 година. Така, со децении по изградбата на „Берм“ (одбранбениот ѕид), милиони мини остануваат една од најопасните последици од конфликтот околу Западна Сахара.

Извор: Мондо.рс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.