Во Австрија стапува на сила законот за задолжителна вакцинација против ковид - Канал 5

Свет

Во Австрија стапува на сила законот за задолжителна вакцинација против ковид

Денеска во Австрија стапи на сила законот за задолжитена вакцина против ковид за сите полнолетни граѓани.

Во Австрија стапува на сила законот за задолжителна вакцинација против ковид

Неколку држави досега имаа воведено обврска за задолжителна вакцина за повозрасните граѓани и медицинските лица, но Австрија е првата европска држава која воведува закон за задолжителна вакцина на сите граѓани над 18 години.

Според австриската влада вакцината е најдобрата и најефикасна заштита за граѓаните во битката со пандемијата на корона. Според Владата на Австрија воведувањето на ваков закон е неопходен за да се избегнат нови блокади и протести.

Австриската министерка за ЕУ ​​и устав Каролин Едштадлер објасни дека администрацијата е свесна дека тоа е многу тешка мерка, но дека е неопходна.

– Ние како политичари имаме одговорност да ја обезбедиме работата на здравствениот систем, за општеството да може нормално да функционира – рече Едштадлер.

Министерката воедно признава дека задолжителната вакцинација е мешање во човековите права, но посочува дека во овој случај тоа е оправдано.

- Неопходно е да се излезе од пандемијата, а вакцинацијата е единствениот начин да се вратиме во нормален живот - вели таа и објаснува дека законот за задолжителна вакцинација истекува во јануари 2024 година, но тоа може да се случи и порано и доколку дозволи пандемијата.

Според новиот закон граѓаните кои ќе одбијат вакцинација ќе се соочат со казни од 600 до 3.600 евра. Единствен исклучок од вакцинација е дозволен само поради медицински причини или бременост.

Извор: Информер.рс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На покана од Рубио, Муцунски во Вашингтон на министерска конференција „Подемот на политичкиот тероризам“

Министерот за надворешни работи и надворешна трговија Тимчо Муцунски, на покана на американскиот државен секретар Марко Рубио, денеска и утре ќе престојува во дводневна работна посета на Вашингтон.

На покана од Рубио, Муцунски во Вашингтон на министерска конференција „Подемот на политичкиот тероризам“

Министерот за надворешни работи и надворешна трговија Тимчо Муцунски, на покана на американскиот државен секретар Марко Рубио, денеска и утре ќе престојува во дводневна работна посета на Вашингтон, каде што ќе учествува на министерска конференција посветена на заканите од политичкиот тероризам.

Состанокот, како што соопшти министертвото, ќе обедини високи претставници од повеќе од шеесет држави, со цел унапредување на меѓународната соработка и зајакнување на институционалната подготвеност за справување со современите форми на политички мотивирано насилство и тероризам.

Во фокусот на разговорите ќе бидат транснационалниот карактер на политичкиот тероризам, радикализацијата во дигиталната ера, како и потребата од зајакната меѓународна координација во превенцијата и раното препознавање на заканите.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски предложи нов премиер на Украина

Украинскиот претседател Володимир Зеленски во средата го предложи шефот на државната енергетска компанија „Нафтогас“ за нов премиер, пренесува германската агенција ДПА. 

Зеленски предложи нов премиер на Украина

Парламентот ја доби номинацијата за Серхиј Корецки, соопшти претседателот на ова тело, Руслан Стефанчук, на социјалната мрежа Фејсбук.

Стефанчук не соопшти кога Врховната рада ќе гласа за неговото потврдување, но се очекува гласањето да се одржи уште во четврток, пренесува ДПА. Зеленски во неделата изјави дека има намера да ја реорганизира владата со цел да ги зајакне односите со клучните меѓународни партнери.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран нападна цели во Бахреин и Кувајт по новите американски удари и поморската блокада

САД го напаѓа Иран петти ден по ред, насочувајќи се кон крајбрежната одбрана и ракетни бази  откако повторно воведоа поморска блокада на иранските пристаништа.

Иран нападна цели во Бахреин и Кувајт по новите американски удари и поморската блокада

До рано утрово во четврток на Блискиот исток, сирените се огласија во Бахреин, а Кувајт соопшти дека реагира на „непријателски закани со беспилотни летала“ откако Иран вети дека ќе одговори на американските напади.

Главниот преговарач на Иран, Мохамед Бакер Калибаф, изјави дека Техеран е во „егзистенцијална војна“ против САД и дека неговата безбедност зависи од контролата на Ормутскиот теснец.

Американскиот претседател Доналд Трамп тврди дека Иран сака да се смири и дека наскоро ќе биде поразен.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер