Новинарка му кажува на Харисон Форд (84) дека „сè уште е згоден“ , неговата реакција е хит - Канал 5

Магазин

Новинарка му кажува на Харисон Форд (84) дека „сè уште е згоден“ , неговата реакција е хит

Харисон Форд на 13. јули го прослави својот 84. роденден, а по тој повод тимот на порталот Е! News повторно ја подели снимката од неговата реакција од претходен разговор со новинарите што насмеа многумина.

Новинарка му кажува на Харисон Форд (84) дека „сè уште е згоден“ , неговата реакција е хит

Славниот актер одговара на прашања на новинари, а посебно внимание привлече една новинарка која без да се воздржи одлучи да му даде комплимент на славниот актер.

„Сè уште мислам дека сте многу згоден“, му вели таа пред насобраните, предизвикувајќи смеа во просторијата. Уште позабавна е реакцијата на Харисон Форд. Актерот ја погледнува малку збунето, длабоко воздивнува и неколку моменти останува без зборови.

Новинарката не застанува на тоа. „Сè уште изгледате одлично“, продолжува таа, а потоа го прашува како успева во тие години да се одржи во форма.

Форд за момент станува сериозен, а потоа одговара во својот препознатлив стил, со хумор. „Имав среќа да бидам благословен со ова тело. Фала што забележавте“, вели актерот, повторно предизвикувајќи смеа пред насобраните лица.

„Харисон Форд е легенда“

Снимката набргу стана вирална, а многумина на социјалните мрежи ја пофалија неговата смисла за хумор. „Изразот на лицето после комплиментот кажува сè“ – прокоментирал еден корисник. „Харисон Форд сè уште има неверојатна харизма“, додал друг.

Многумина се согласија дека токму таа негова опуштеност и способност да се пошегува на сопствена сметка е причина што публиката го сака и после 50 години кариера.

Тајната на неговата форма се крие во активниот живот

Иако Фрод се пошегува, сепак зад неговата фигура стојат години дисциплина и активен живот. Актерот претходно откри дека редовно вежба, вози велосипед и игра тенис, а на тренинзите се фокусира на одржување на силата, подвижноста и кондицијата.

Во своите 80-ти години, како што изјави во една прилика, целта не е да се изгледа како бодибилдер, туку да се остане силен и подвижен. Со помош на тренинг прилагоден на возраста тој работи на цело тело, а особено му е важно да ја одржи рамнотежата и да го намали ризикот од повреди.

Форд говореше и за својата исхрана, која со текот на годините ја променил. Не консумира месо и млечни производи, туку се одлучил на исхрана богата со зеленчук и риба. Ваквиот начин на исхрана, со редовната физичка активност, му помогнал да ја задржи својата форма во текот на своите осумдесетти години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската влада започнува голема воена кампања за повторно освојување на сите области во земјата контролирани од Хутите

Јеменската влада, поддржана од Саудиска Арабија и меѓународно призната, соопшти дека започнува голема воена кампања за повторно освојување на сите области во земјата контролирани од Хутите, поддржани од Иран.

Јеменската влада започнува голема воена кампања за повторно освојување на сите области во земјата контролирани од Хутите

Вооружените сили на владата ќе продолжат со офанзивата „сè додека земјата не се ослободи од стисокот на терористичката милиција“, изјави јеменскиот претседател Рашад Ал-Алими во телевизиско обраќање.

Портпарол на војската подоцна ги повика Хутите да го положат оружјето.

Хутите, го држат главниот град на Јемен, Сана, и огромни делови од северозападот, каде што живее поголемиот дел од населението, од 2014 година. Тие досега издржаа серија напади во текот на годините од страна на Саудиска Арабија, Емиратите и нивните западни сојузници, и го осовременија своето оружје со помош на Иран.

Движењето минатиот месец започна изненадувачка офанзива со која го освои стратешкиот теснец Баб Ел-Мандеб,на Црвеното море за само неколку недели, давајќи им на Хутите нова предност над меѓународната поморска рута.Тој напредок, исто така, отвори нов фронт во пошироката американско-израелска војна започната во февруари против Иран кои вклучуваа задушување на транспортот на нафта низ Ормутскиот теснец.,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црногорскиот претседател донесе тениски рекет во Ватикан, Папата: Ѓоковиќ е Србин

Црногорскиот претседател Јаков Милатовиќ викендов билпримен во аудиенција кај папата Лав XIV за време на неговата официјална посета на Светата Столица.

Црногорскиот претседател донесе тениски рекет во Ватикан, Папата: Ѓоковиќ е Србин

„Папата Лав XIV би бил првиот папа во историјата што би ја посетил Црна Гора. За време на разговорите било потврдено пријателството меѓу Црна Гора и Светата Столица, како и заедничката посветеност на мирот, меѓусебното почитување и достоинството на секое човечко суштество“, соопштија од Кабинетот на претседателот на Црна Гора.

Милатовиќ истакна дека оваа година се одбележуваат 140 години од Конкордатот меѓу Кнежевството Црна Гора и Светата Столица, 20 години од воспоставувањето дипломатски односи и 15 години од потпишувањето на Основниот договор. За време на средбата, посебно внимание било посветено на натамошното зајакнување на соработката, вклучително и на отворањето на Апостолска нунцијатура во Подгорица.

На крајот од средбата, претседателот Милатовиќ му подарил на папата специјално изработен тениски рекет со црногорски државни симболи, рачно изработен филигран инспириран од добротската чипка и репродукција од првата страница на Конкордатот меѓу Кнежевството Црна Гора и Светата столица од 1886 година.

Милатовиќ му подарил тениски рекет на папата поради неговата страст кон тенисот.

При врачувањето на подарокот, тој го споменал тенисерот Новак Ѓоковиќ. „Тој се изјаснува како Србин“, одговори папата. „Тој исто така е многу наклонет кон Црна Гора“, одговорил Милатовиќ.

Тагови: Папата Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер