Портокаловиот аларм од утре ќе биде вклучен во Скопската и Полошката котлина , а веќе од четврток на целата територија на земјата. Од УХМР најавуваат високи дневни температури од 32 до 40 степени, со стабилна и многу топла воздушна маса. Под вклијание на топлотниот бран кој доаѓа од северозапдот на африка ќе биде Целиот Балкански полуостров .
-Овој тренд на пораст на температурите ќе продолжи, така што според она што прогнозираме, односно според оние температури што ги прогнозираме за наредните денови целата наша територија ќе биде во портокалова фаза и тоа почнувајќи од четврток па до недела се очекуваат тие високи температури.- Ленче Ризова – синоптичар
Благ пад на температурите се очекува од почетокот на идната недела, а дотогаш од УХМР во соработка со Институтот за јавно здравје и Министерството за здравство ги најавуваат препораките за заштита на населението, според кои: бремените жени и лицата на возраст од 60 години се ослободуваат од работни обврски. Во градинките, децата не треба да се изнесуваат на отворено од 11 до 17 часот, а Црвениот крст и Центрите за социјални работи да им помагаат на постарите,болните и бедомните лица. Ќе важат и општите препораки како што се што се консумирање на лесна храна, поголемо внесување на течности, носење на лесна облека,
- Институтот за јавно здравје и Министерството за здравство ги информираме за постоење на такви температури и за овие фази за опасност од високи температури. Според материјалите најновите денеска со кои располагаме иако сеуште во понеделник ќе биде топло, меѓутоа ќе има промена на времето. Се очекува опаѓање на температурите според некои нумерички модели.- Ленче Ризова- синоптичар
Високите температури се и аларм за здравјето, особено за лицата со хронични болести, па лекарите апелираат навремено земање на терапијата. Зголемена е и појавата на труења и цревни заразни заболувања па лекарите препорачуваат задолжително миење на земјоделско – градинарските производи пред нив на употреба, термичка подготовка и комсумирање веднаш по подговката.