Поволните временски услови деновиве само приврмено ја стивнаа темата со загадувањето на воздухот во Скопје. Иако се чини како да се диши полесно официјалните мерења сепак покажуваат дека денеска сме на 14 то место во светот по загаденост.
Дел од светските метрополи воведуваат современи методи за намалување на загадувањето за да се тргнат од оваа листа на која остануваат градови до неразвиените земји како што се бангладеш пакситан авганистан и слично. Какви се мерки може да се применат за намалување на загадуавњето следат и нашите врвни научници од областа на метрологијата.
Професорт Владо Спиридонов од институот за физика при Природно математичкиот факултет како главни причини за високото ниво на загадувањето ги смета тоа што Скопската котлина во зимскиот период е подложна на температурни инверзии кои спречуваат вертикалното движење и мешање на воздухот, што доведува до акумулација на загадувачки материи во слоевите на земјата. Според проф Спиридонов како мерки за намалување на загадувањето трба да се размилсува во правец на иновативни решенија. Многу важна алатка која треба да се развива е современ систем за прогноза и навремена најава од 7 до 10 дена на загадуавњето за да се носат превентивни мерки.
Една од мерките која може да се примени е расчистувањето на маглата со помош на ЦЕ-О2, метода развиена пред 20 години во соработка со прод Норихико Фукута за која има бројни светски признанија и награди.
„Контрола на аерозагадувањето во урбаните средини може да се воспостави и со примена на техниката за расчистување на магла. Постапката работи на принцип распрскување сосема мали количини течен CO2 во преладената магла и загадена средина, кој ја менува агрегатната состојба на маглата, иницира одредени термодинамички и микрофизички процеси во маглата, процес на хомогена нуклеација, раст на ледените кристали во текот на постапката, постепена дисперзија и таложење на покрупните кристали на земјината површина. Во услови на погуст и подебел слој на магла во скопското подрачје, кога температурата на средината е пониска од 0 °С, ефектот е поизразен. Притоа, со сосема мала количина на течен CO2 се расчистуваат големи пространства.“
Според проф Спиридонов треба да се следат и искуства како светските метрополи се справуваат со аерозагадувањето.
Таму се практикуваат подигање на урбани градини и зелени површини, засадување на Ветрови-тунели , поставување на паметни системи за управување со сообраќајот и промоција на јавен превоз.
Како пример посочи дека такви ветрови тунели може да се изведат од горното течение на варрдар кај Сарај па се до лисиче кои што значително ќе ја зголемат циркулацијата на воздухот а воедно и апсорпшцијата на штетните честички од воздухот а долгороќно треба да се планира Скопје да се шири само кон сверниот дел.