Министерот за економија и труд, Бесар Дурмиши, денеска се обрати на Бизнис форумот Македонија – Турција, каде ја истакна посветеноста на Владата за создавање предвидлива, конкурентна и инвестициски ориентирана деловна средина, насочена кон поттикнување на нови инвестиции, економски раст и продлабочување на економската соработка меѓу двете земји.

Во своето обраќање, министерот Дурмиши нагласи дека Република Турција е еден од најзначајните економски партнери на Македонија, при што трговската размена континуирано расте, а турските компании со децении имаат значајна улога како инвеститори, работодавачи и партнери во развојот на македонската економија.

„ Македонија е отворена за нови инвестиции и нови партнерства. Нудиме стабилна макроекономска политика, стратешка географска положба, пристап до регионалните пазари, квалификувана работна сила и силна институционална поддршка за инвеститорите. Уште поважно, нудиме партнерство засновано на доверба и долгорочна соработка“, истакна министерот Дурмиши.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Инспирирани од сѐ почестите случаи на врсничко насилство и загрижувачките последици што тие ги оставаат врз младите, како и од неартикулираниот бес и фрустрации кои младите сѐ почесто ги насочуваат кон своите врсници, ја реализиравме оваа урбана уметничка акција со цел да понудиме поинаква порака и поинаков избор.

Наместо насилство, навреди и физички пресметки, сакаме да ги поттикнеме младите својата енергија да ја насочат кон спорт, креативност и други позитивни активности кои придонесуваат за личен развој и градење здрави односи.

Во рамки на акцијата поставени се десетина боксерски вреќи на фреквентни локации и спортски маллски игралишта низ Скопје, места каде младите најчесто го поминуваат своето слободно време. На вреќите се испишани пораки како: „Удри во вреќата, не во човекот“, „Остави го ударот овде“ и „За удирање – вреќа. за луѓе – почит“, со кои се поттикнува размислување за последиците од насилството и да се охрабруваат младите својата енергија да ја насочат кон спорт, креативност и други позитивни активности.

Свесни сме дека десетина боксерски вреќи не можат да го решат проблемот со врсничкото насилство, но веруваме дека можат да го свртат вниманието кон него за да не го заборавиме дека постои и дека е околу нас и да поттикнат поширока општествена дебата. Со оваа акција сакаме да ги охрабриме младите, родителите, образовните институции, локалните власти и државните институции посериозно да се посветат на овој проблем и заеднички да создаваат повеќе можности за спорт, култура, креативност и квалитетно поминување на слободното време како алтернатива на насилството кај младите.

Во услови кога врсничкото насилство станува сè почеста појава во Македонија, а бројни инциденти во последните месеци ја вознемирија јавноста, ваквите иницијативи имаат за цел да потсетат дека насилството не е неизбежен дел од растењето и дека секое општество има обврска да создава услови во кои младите ќе можат да се развиваат без страв, притисоци и агресија. Дополнителна загриженост претставува фактот што со почетокот на летниот распуст младите ќе имаат повеќе слободно време и помал надзор, што може да придонесе за зголемување на различните форми на насилство.

Иако примарниот фокус на акцијата е врсничкото насилство, таа испраќа порака и против сите други форми на насилство во општеството, вклучително и семејното насилство и насилството врз жените. Веруваме дека секој удар што нема да заврши врз друго човечко суштество е чекор кон побезбедна и похумана заедница. Спортот, културата и креативноста не се само хоби – тие се алатки преку кои младите можат да изградат самодоверба, почит и здрави модели на однесување.

Центар за современи уметности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

По серијата беспрекорни изданија на црвениот тепих, луѓето имаа можност да видат еден нејзин жежок стајлинг и далеку од гламурот.

Џенифер Лопез работи напорно на промоцијата на филмот „Канцелариска романса“ во кој игра една од главните улоги.

Сега мегапопуларната Џеј Ло изненади со жешко издание кое го покажа во филмот.

Таа „контроверзна“ сцена брзо стана вирална и предизвика разни чувства меѓу гледачите - многумина останаа без здив од еден поглед на нејзиното тело во мало бикини.

Во кадарот латино дивата ужива на плажа во друштво на нејзиниот колега од филмот Брет Голдштајн, а нејзиното издание во бикини привлече најголемо внимание.

Позната по својата нереална фигура на 57-годишна возраст, Џеј Ло не се срамеше да им покаже на своите обожаватели што има на располагање овој пат - нејзините стомачни мускули и прекрасни облини беа забележливи, и не е ни чудо што на многумина им се допадна оваа сцена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.