Османи: Во последен момент ја извлековме земјата од балканскиот вртлог - Канал 5

Македонија

Османи: Во последен момент ја извлековме земјата од балканскиот вртлог

Прес-конференција на министерот за надворешни работи Бујар Османи во форма на отчет за активностите во првите две години од неговиот мандат.

Османи: Во последен момент ја извлековме земјата од балканскиот вртлог

Министерот за надворешни работи Бујар Османи денеска на прес-конференција даде отчет за сработеното во двегодишниот мандат како министер, при што се осврна на петте приоритети во неговата мандатна мисија, почнувајќи со Бугарија како најголем предизвик.

– Ако се сеќавате на мојата прва средба како министер за надворешни работи кога ги презентирав приоритетите на мојот мандат, издвоив пет приоритети како основни цели што сакаме да ги постигнеме во овој мандат во надворешната политика. Тоа се добрососедските односи, Европската Унија, партнерството со САД, мултилатералната активност и економската дипломатија, рече Османи.

Тој посочи дека во текот на овие две години, преку бројни активности, комуникации, преговори, разговори, билатерални и меѓународни, успеале да постигнат неколку клучни резултати што се особено важни за утврдување на една динамика на односите со Бугарија.

– Тоа што сметам дека е најважно е дојдовме до ситуација, Владата на Бугарија да ја поништи озлогласената рамковна позиција на Бугарија по однос на европските перспективи, што беше озлогласена не само по однос на тонот и навредливоста, туку имаше и одредени цели односно навреди во тој процес, додаде Османи.

Шефот на дипломатијата посочи и дека во тој процес имало и одредени цели, а тоа е македонскиот јазик во ниту една ситуација да не биде дел од Преговарачката рамка.

– После две и пол години блокада се одржа втората меѓувладина седница што е обврска што произлегува од Договорот за добрососедство со Бугарија и да го потпишеме записникот од таа средба што популарно се нарекува Протокол. Тоа заживување го овозможи францускиот предлог, што беше основа за почеток на преговори за Република Северна Македонија со Европската Унија, вели Османи.

Тој појасни дека францускиот предлог претставува надградување на претходните три предлози и обиди на претседателства и решение прифатливо за двете страни.

– Знам дека јавноста сè уште е поделена, а убеден сум дека направивме добра и стратешка одлука за којашто времето ќе покаже дека тоа било така и успеавме во последен момент да ја извлечеме државата од балканскиот вртлог и да ја лансираме во еден неповратен пат на европеизација и стабилизација, но и зголемување на стандардот за граѓаните, додаде тој.

Османи посочи дека трите клучни елементи што успеале да ги постигнат се преговарачката рамка, усвоена од 27 земји-членки, вклучувајќи ја и Бугарија, во која македонскиот јазик е без додавки и фусноти, со што се заокружува прашањето на меѓународното етаблирање, како што сакаа граѓаните.

– Второто постигнување, се разбира е одржување на процесот чист, односно не внесување на историските прашања во одредници за пристап до процесот, имајќи ги предвид токму бугарските барања, да има посебно поглавје, односно да бидат исклучени од патоказите и историските прашања не се дел од преговарачкиот процес, појасни тој.

Во однос на третиот елемент, министерот за надворешни работи посочи дека е безусловната прва меѓувладина конференција за почеток на преговорите со ЕУ.

– После 6361 ден поминати со кандидатски статус, Република Северна Македонија ги започна преговорите со ЕУ. Скринингот како еден од најсуштинските елементи на преговорите ќе започне за две недели. Република Бугарија доби условена втора меѓувладина конференција пред отворање на поглавјето 23, со уставните измени за внесување на малцинствата во преамбулата и доби акциски план за малцински права во рамки на патоказите, додаде шефот на дипломатијата.

За односот со другите соседни земји, Османи истакна дека и покрај одличните односи си Грција, тие се продлабочиле и се интензивирала соработката. Нагласи дека се работи на отворање на два нови гранични премини, а исто така државата влегува во терминалот на природен гас, со цел да не зависи само од рускиот гас.

Со Србија, тој вели дека е решено историското прашање со црквата, додека со Албанија заеднички беа почнати преговорите со ЕУ. Со Косово беше одржана меѓувладина седница на која биле потпишани 11 меѓудржавни договори, а работат и на конкретни активности.

– Третиот приоритет беше односите со САД. Тука мислам дека не треба да кажам нешто многу. На 2 јуни на средба со Блинкен, Северна Македонија прва во регионот отвори стратешки дијалог со САД, што е и признание на постигнувањето, односно правецот што го има државата, вели Османи.

Како четврт приоритет тој го посочи претседавањето на Република Северна Македонија со ОБСЕ, што треба да започне од 1 јануари 2023 година до 31 декември 2023 година.

Во однос на економската дипломатија, тој истакна дека МНР уште на почетокот на неговиот мандат одлучи дека ќе даде акцент на улогата на надворешната политика со што ќе се привлечат странски инвестиции. Информираше дека е започнат пилот-проект со четири економски промотори, кои имаат остварено над 1000 средби оваа година, донесено бројни компании и дел од нив решиле да инвестираат.

Прашан кој е неговиот најголем неуспех во текот на неговиот мандат, Османи истакна дека кога се прави процена на успеси, се прават врз основа на очекувањата.

– Тоа што сте си го поставиле како параметар, затоа се обидов мојот извештај да биде согласно некои индикатори и реков на почетокот на мандатот имам остварено пет приоритети. За сите нив мислам дека се направени чекори и постигнувања коишто ги надминале дури и нашите првични амбиции, заклучи тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Чудно суштество трча по улици- луѓето велат дека е од „друга димензија“ (ВИДЕО)

Чудно суштество кое се појави на улиците ги збуни жителите на Сиетл, а видеото предизвика лавина од коментари на мрежите.

Чудно суштество трча по улици- луѓето велат дека е од „друга димензија“ (ВИДЕО)

Многумина се прашуваат дали станува збор за мутант, некакво „митско суштество“ или непознат вид животно.

Боите на неговото лице го открија

Суштество со долги нозе и значително скратено тело беше забележано во населбата Болард, на северозападниот дел од американскиот град. Видеото брзо се прошири на интернет, а многу корисници се пошегуваа дека изгледа како суштество од „друга димензија“.

Сепак, експертите за диви животни веруваат дека станува збор за ракун по име Џимоти, кој има исклучително ретко здравствено нарушување, објавува Дејли Меил.

Животното го забележала Киана Хол во понеделник вечерта, додека шетало во близина на продавницата Болард Гудвил. На почетокот помислиле дека е мачка што лежи под паркиран автомобил.

Сепак, таа била изненадена кога чудното суштество поминало низ тревникот, се искачило по скалите и исчезнало зад ограда.

Кога подетално го погледнала, особено карактеристичните белези на неговото лице, сфатила дека е ракун, но таков што никогаш порано не го видела.

Ретко вродено нарушување

Експертите веруваат дека Џимоти има таканаречен синдром на краток 'рбет, исклучително ретко вродено нарушување.

Кај оваа болест, делови од 'рбетните пршлени не се развиваат целосно, туку остануваат во форма на 'рскавица и се спојуваат. Како резултат на тоа, животното има значително „скратен“ грб, додека нозете продолжуваат да растат до нормална должина.

Жител кој тврди дека го гледал Џимоти како расте, вели дека е роден во дворот на неговиот сосед. Тој вели дека семејството животни „исчезнало осум месеци подоцна“, откако дрвјата во дворот биле исечени.

Џимоти не бил виден повторно до почетокот на минатата година, кога неочекувано истрчал пред нивното возило, неколку блока од местото каде што е роден.

„Јас и соседите бевме толку среќни што видовме дека е сè уште жив“, напишал тој, додавајќи дека е среќен што ракунот конечно „добива внимание што го заслужува“.

Тагови: суштество

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Паника: Бик избега од корида во Босна и почна да ги брка гледачите (ВИДЕО)

Традиционалната борба со бикови на Игман и оваа година собра голем број посетители од Босна и Херцеговина и земјите од регионот.

Паника: Бик избега од корида во Босна и почна да ги брка гледачите (ВИДЕО)

Во текот на целиот ден беше организирана богата програма со музика, дружење и борби со бикови, кои го привлекоа најголемото внимание на публиката.

Сепак, настанот беше обележан и со еден инцидент. За време на една борба, бик излезе од оградениот простор и се упати кон просторот каде што беа гледачите, што предизвика паника кај толпата.

Во тој момент, посетителите брзо се оддалечија за да го избегнат животното, а снимки од настанот набрзо се појавија на социјалните мрежи.

Засега нема официјални информации дали некој е повреден, ниту пак властите дадоа повеќе детали за околностите под кои бикот го напуштил оградениот простор.

Тагови: бикот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Семејства ја тужат болницата- по 38 години со ДНК тест е откриена ужасна грешка (ВИДЕО)

Две семејства од Северна Дакота поднесоа тужба против локална болница, тврдејќи дека нивните деца биле „заменети по грешка“ пред речиси четири децении.

Семејства ја тужат болницата- по 38 години со ДНК тест е откриена ужасна грешка (ВИДЕО)

Кајл Бајлин и Џереми Морисон се родени на ист ден во 1988 година во Медицинскиот центар Јунити во Графтон. Нивните семејства сега тврдат дека болничките работници „направиле грешка“ и дека бебињата биле дадени на погрешни родители по раѓањето.

Како сè започнало?

Според тужбата, поднесена во Окружниот суд на округот Волш, сè започнало кога Џереми решил да го истражи своето потекло преку веб-страница за генеалогија преку интернет.

Неговата тетка го доставила својот примерок од ДНК, а името на Кајл Бајлин се појавило меѓу резултатите како наводен „внук“.

Џереми бил изненаден затоа што, рече тој, немал роднини кои одговараат на описот, а лицето кое се појавило во резултатите било целосен странец.

Тој вели дека со години забележувал дека „физички не се вклопува во своето семејство“.

„Во моето семејство немав никој што личеше на мене. Јас бев русокосото момче кое се издвојуваше меѓу луѓето со кафеава коса“, рече Џереми.

Потоа беше спроведен дополнителен ДНК тест, кој покажа дека луѓето што го одгледале Џереми всушност биле „биолошките родители на Кајл Бајлин“, според Унилад.

Тие сè уште не се запознале

Џереми рече дека често размислува за тоа каков би му бил животот ако „завршел со своите биолошки родители“ веднаш по раѓањето.

„Ако ме пратеа дома со мојата вистинска мајка, ќе работев на фарма со мојот брат за кој никогаш не знаев дека постои“, рече тој.

Двајцата мажи кои тврдат дека биле „променети при раѓање“ сè уште не се сретнале лично.

YouTube video

Тужба против болницата

Тужбата ја поднесоа двајцата мажи заедно со нивните родители. Во неа се обвинува Медицинскиот центар Јунити за „небрежност, лекарска грешка, емоционална вознемиреност и измама“.

Семејствата бараат повеќе од 50.000 долари отштета и е побарано судење со порота.

Во соопштението за медиумите, Медицинскиот центар „Јунит“ изјави:

„Мажите се родени во нашата болница на истиот ден во 1988 година и ние го признаваме длабокото влијание што ова откритие го имаше врз нив и нивните семејства.“

Болницата додаде дека поради текот на времето, „медицинските и персоналните досиеја повеќе не постојат“ што би можеле да дадат понатамошно објаснување и дека ниту еден од членовите на медицинскиот тим што ги родиле бебињата во тоа време „повеќе не е вработен во установата“.

„Иако длабоко сочувствуваме со мажите и нивните семејства, не пронајдовме докази што ги поддржуваат тврдењата дека нашите вработени се одговорни за обвинувањата“, се вели во соопштението.

Тагови: болница ДНК тест

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер