Најмногу казни за не носење заштитни маски во возило

-Во изминатото деноноќие за неносење заштитни маски во тетовско изречени се казни на 101 лице. 

Луѓето кои во тетовскиот регион се казнети за не носење на задолжителната маска за лице за заштита од Ковид-19 најмногу овој прекршок го прават кога патуваат во исто возило заедно со други лица кои не се дел од нивните семејства, образложуваат од СВР Тетово.

Следуваат прекршоците кај оние кои не држат растојание на отворен простор и најмалку од казните се изречени за оние кои немале маски во затворен објект.

-Во изминатото деноноќие за неносење заштитни маски во тетовско изречени се казни на 101 лице. Носењето на заштита на лицето е задолжително освен: доколку се носи посебна заштита на лицето во рамките на извршување на нивни работни обврски, ако се престојува во двор од куќа, ако се вози велосипед или индивидуално се спортува на отворено, ако се патува во возило со лица со кои живее во заедница или домаќинство и доколку се движи на отворен простор и е оддалечен на растојание од два метра од друго лице, потенцира Марјан Јосифоски, портпарол на СВР Тетово.

Нови решенија за изолација од Државен санитарен и здравствен инспекторат изготвени им се на вкупно 40 лица (ТЕ-40 и ГВ-2), додека вкупно биле контролирани 525. Едно лице потпишало изјава за самоизолација додека контрола имало на 100 луѓе.

ЈСП: Јавниот превоз утре по неделен возен ред, жичницата на Водно нема да работи

Јавното сообраќајно претпријатие Скопје соопшти дека утре јавниот превоз ќе функционира по неделен возен ред, а жичницата на Водно нема да работи.

Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.

Националниот џез оркестар со програмата „Џез лектира" ќе гостува во Велес

По концертот во Скопје, Националниот џез оркестар со програмата насловена „Џез лектира" вечер од 20 часот  ќе гостува во театарот „Јордан Хаџи Константинов-Џинот“ во Велес. 

Концертот ќе биде осврт на творештвото на Каунт Бејси биг бендот - Вилијам Џејмс (Каунт Бејси) познат како „Кралот на свингот" - американски џез пијанист, органист, водач на бенд и композитор.

-Во 1935 година тој го формира оркестарот „Каунт Бејси“ и ја води оваа група речиси 50 години. Неговата работа резултира со низа иновации во музичкиот израз, како употреба на два „поделени“ тенор саксофони, нагласување на ритам секцијата, рифови во биг бенд композиции, аранжери за дополнително проширување на биг бенд звукот и слично, соопшти Националниот џез оркестар.

Најмалку пет мигранти се удавија обидувајќи се да го преминат Ла Манш

Најмалку пет мигранти денеска се удавија во обид да го преминат Ла Манш со брод од францускиот град Вимеро, јави локалниот француски весник „Гласот на северот“.

Портпаролката на локалната полиција рече дека не може да каже колку луѓе имало во чамецот, но додаде дека се пронајдени неколку безживотни тела.

Портпаролот на крајбрежната стража изјави дека во тек е потрага по исчезнати на море. /МИА

притисни ентер