По тренингот на првата средба со новинарите најдобриот стрелец на Баварците, зборуваше за преговорите за продолжување на договорот и за кандидатурата за „Златната топка“.

Актуелниот договор на Кејн со Баерн истекува на крајот од сезоната 2026/27, па англискиот голгетер потврди дека наскоро ќе започнат преговорите за продолжување на соработката. „Јасно ставивме до знаење дека сакаме да разговараме по Светското првенство и по мојот одмор. Разговорите ќе започнат оваа или следната недела. Сега е вистинското време за почеток на преговорите, бидејќи ни преостанува само уште една година. Двете страни се опуштени“, изјави Кејн.

Што се однесува до престижната „Златна топка“ (Ballon d'Or), Кејн остана скромен, но и оптимист. „Многу сум горд на сезоната што ја одиграв минатата година. ’Златната топка’ е најголемото достигнување од индивидуален аспект. Тоа не зависи од мене. Го направив она што беше во моја моќ во однос на моите настапи.

Секако, би било фантастично доколку се оствари тоа. Но, на крајот на краиштата, остануваат уште два или три месеци до одлуката.“ Кејн исто така истакна дека негов приоритет е што поскоро да се врати во ритам и да смета на настап во германскиот Суперкуп против Борусија Дортмунд, кој ќе се одигра во сабота.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

За човек да ја види политичката матрица на талогот на СДС, не е потребно многу време, толку се површни, што потребни се неколку дена.

Начинот им е следен. Прво создаваат сомнеж, потоа шират паника и дезинформации, и кога на крај со факти ќе стигнат демантите од надлежните институции, од талогот на СДС кој со умисла го прават тоа, нема ниту извинување, ниту одговорност.

Таквото однесување на талогот на СДС, не е однесување на одговорна опозиција, туку обид со умисла, преку создавање недоверба на граѓаните во институциите, да се добиваат евтини политички поени.

Во изминатиот период беа пласирани тврдења поврзани со безбедноста на водата во Скопје, кои со факти, документи и докази беа демантирани од надлежните институции. Во меѓувреме, последните испитувања во Гостивар покажаа дека водата повторно е безбедна за пиење, а институциите продолжуваат да ја следат состојбата.

Наместо да ги поздрави информациите дека проблемот е надминат, предавничката СДС и талогот кој останал во неа, продолжува со обиди да создава сомнеж и вознемиреност кај граѓаните.

Тука се поставува едноставно прашање, зошто на СДС му смета и се спротивставува на секое потврдување дека институциите функционираат и дека проблемите се решаваат?

Многу е очигледно дека, без конкретна политика и решенија, со многу проблеми, во страв и хаос, СДС единствено се обидува од секоја тема да создаде политичка криза.

Граѓаните заслужуваат точни информации и факти, а не сценарија за создавање страв и паника кои ги креираат пајташите на СДС, и тоа додека Венко Филипче со неговиот ментор, Зоран Заев уживаат на јахтата во Паљури, во Грција.

Водата во Гостивар е безбедна за пиење, состојбата се следи, а политичкото профитирање преку ширење паника не може да ја замени одговорната политика.

СДС треба да разбере дека довербата кај граѓаните се гради со факти, одговорност и решенија, а не со ширење хистерија, дезинформации и со измислени кризи.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Владата повторно не презеде ниту една мерка да го ублажи ударот.

Ниту навреме, ниту сега.

Нема намалување на акцизата.

Нема привремена интервенција.

Нема ниту обид да се заштити животниот стандард на граѓаните.

Ова е директна последица на катастрофалната економска политика што ја води Христијан Мицкоски и неговата влада.

Додека Мицкоски се фали со статистика и зборува за „трета економија во Европа“, граѓаните плаќаат сè повеќе за гориво, за храна, за сè.

Поскапувањето на горивата директно удри врз:

• цена на основните производи,

• трошоци на земјоделците,

• транспорт,

• трошоци на работниците кои секојдневно патуваат.

Владата имаше можност да реагира. Не реагираше.

Затоа што на оваа власт ѝ е полесно да ги пушти граѓаните да платат, отколку да ја понесе одговорноста за сопствената економска политика.

Граѓаните го чувствуваат секој ден.

На каса.

На пумпа.

Во празниот паричник.

Тоа е вистинската статистика за Мицкоски.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.