Невремето предизвика поплави, лизгање на земјиштето, прекин на електричната енергија и паднати дрвја.

Во Франција, три лица загинаа кога паднало дрво врз нивниот автомобил од силината на ветерот во департманот Од, во североисточна Франција. Едно лице е повредено.

Во Швајцарија обилните дождови предизвикаа лизгање на земјиштето во југоисточниот дел на земјата. Четворица се жртви на катастрофата.

Започна евакуацијата на туристите од кампот во Моњо и од фудбалскиот турнир во Печа.

Неколку котлини во близина на долината Маџа не се пристапни и нема струја. Дел од кантонот Тичино е без вода за пиење.

Евакуации има и во областа Рона во кантонот Вале.

Лошото време зафати и делови од северна Италија и Германија.

Само во последната недела Русија фрлила 800 бомби за планирање над Украина, изјави Зеленски денеска во Киев. Тој објави видео со големи уништувања и пожари во регионите Херсон, Дњепропетровск, Одеса и Запорожје.

„На Украина и требаат повеќе системи за противвоздушна одбрана. Ни треба силна поддршка од нашите партнери“, рече Зеленски.

Тој додаде дека на Украина и се потребни средства за соборување на руските бомбардери./МИА

Тој на почетокот на редовната седница на неговата Влада изјави дека „секојдневно се убиваат десетици терористи“.

„Тоа е тешка борба и се води над земја, понекогаш лице в лице, а исто така и под земја“, рече израелскиот лидер.

„Ние сме посветени на борбата додека не ги постигнеме сите наши цели, елиминирање на Хамас, враќање на сите наши заложници и да обезбедиме Газа никогаш повеќе да не претставува закана за Израел, а нашите граѓани безбедно да се вратат во своите домови на север и на југ“, додаде Нетанјаху.

Тој повтори дека нема замена за победата. „Нашите борци не паднаа залудно. Нема да ја прекинеме војната додека не ги постигнеме тие цели“, рече премиерот на Израел и најави дека во текот на денот ќе ја процени ситуацијата со Јужната команда на израелската армија и внимателно ќе го следи напредокот на борбите и плановите за постигнување на целите на војната.

Во однос на ослободувањето на заложниците, тој истакна дека нема промена во ставот на Израел за предлогот за ослободување што го поздрави американскиот претседател Џо Бајден.

„Денес, сите ја знаат едноставната вистина, Хамас е единствената пречка за ослободување на нашите заложници“, рече Нетанјаху и најави дека преку комбинација на дипломатски и воен притисок, особено воен, ќе бидат вратени сите 120 заложници. /МИА