Хороскоп

Неделен хороскоп за 1.- 7. јули 2024 година

Неделен хороскоп за периодот од 1.-7. јули 2024 година.

Рак 22.6-22.7.

Љубов

Се повеќе ќе се занимавате со вашите внатрешни аспекти , иако нема да го запоставите ниту друштвото. Сепак ,што се однесува до емоциите , ќе проработи вашата интровертна страна , што навистина е реткост. Некои љубоморно ќе ја чуваат својата љубов и нема да ја покажуваат пред никого.

Кариера

Се подобро ќе се поврзувате со луѓето од истата професија , кои не живеат во вашето место. Некои ќе добијат големо количество информации низ кои ќе ги прошируваат своите знаења и ќе воспостават нови потенцијални соработки. Ќе бидете соработник отворен за сите.

Здравје и совет

Можна е посета на непријатни роднини.

Лав 23.7-22.8.

Љубов

Доколку копнеете за љубов , малку подобро погледнете ги лицата од вашата работна околина. Еден Меил или телефонски повик би можел да ви донесе многу пријатно познанство , а подоцна и нешто повеќе. Оние кои се во врска , ќе уживаат во своето секојдневие.

Кариера

Не сте потполно свесни за своите можности. Од вас се очекува повеќе и подобро зашто сте способни за тоа. Потрудете се да го одработите она што морате , а тогаш посветете му се на она што го сакате. Така ќе напредувате на стабилен и сигурен начин. Тоа е вашиот стил.

Здравје и совет

Немојте да бидете прескромни.

Девица 23.8.-23.9.

Љубов

Деновиве ќе им бидете многу интересни на другите , па во секој момент ќе бидете подготвени на разговори. многумина ќе ја развиваат својата друштвена способност. Ако сте веќе во врска , би требало да ја подобрите , а партнерот ќе биде подготвен уште повеќе да се врзе за вас. Осамените често ќе излегуваат.

Кариера

Како што ќе минува неделата , ќе ви станува се појасно дека вашите работи почнуваат долгорочно да се стабилизираат. Ова сознание ќе ве поттикне на развој на нови планови. Сепак, ќе ви недостига енергија за веднаш да ги остварите.

Здравје и совет

Не влегувајте во расправија со надредените.

Вага 24.9.-23.10

Љубов

Ќе бидете активни во создавање контакти , па доколку сте осамени , би можеле некого значаен да запознаете. Или само за пријатен разговор со кафе. Некои ќе потрошат повеќе од планираното за да ја импресионираат саканата личност. Сепак , кога ќе пресметате , нема зошто да сте незадоволни.

Кариера

Ќе увидите дека лесно се заморувате, односно ви е потребно двојно повеќе време за да извршите некоја работа што претходно лесно сте ја правеле. Затоа треба внимателно да ги пресметате работните часови и да не ја расфрлате својата сила. Тоа добро го знаете.

Здравје и совет

Одморајте се редовно и спијте повеќе.

Шкорпија 24.10-22.11.

Љубов

Вашиот љубовен живот ќе продолжи добро да се развива. Ќе бидете задоволни со постигнатото. Оние кои сеуште се сами , ќе излегуваат без притисок дека нешто мора да се случи. Ќе има забави , како и убави доживувања во домашна атмосфера. Една опуштена емотивна недела.

Кариера

Работната недела ќе биде шарена. Од една страна едвај ќе дочекате за да се изразите и да покажњете што можете , а од друга страна за некои теми ќе биде подобро да молчите или да ги одложите. Најдобро ќе поминат оние кои ќе знаат да балансираат.

Здравје и совет

Следете ја својата интуиција.

Стрелец 23.11.-21.12.

Љубов

Во текот на наредните денови ќе влезете во малку подискретна љубовна фаза. Ќе се засили потребата за повлекување. Оние кои се сами нема да инсистираат на излегувања , додека оние во врска се повеќе време ќе минуваат дома заедно со својот партнер.

Кариера

Ќе биде можно напредување во кариерата , но тоа за вас ќе биде напорно. Потребна е подобра организација , како на плановите , така и при извршувањето на работата. Во тоа вие ќе бидете во предност , зашто во моментов имате доволно енергија. Ќе ги поттикнувате и другите да работат.

Здравје и совет

Вежбајте јога.

Јарец 22.12.-20.1.

Љубов

Секојдневните страсти и емоции ќе бидат обележје на вашиот приватен живот. Постојано ќе ви се случува нешто убаво и пријатно. Многумина ќе ги запаметат овие денови по добро. Лицата од спротивниот пол со задоволство ќе ве канат во друштво. Со одредена дискреција.

Кариера

Кој и да се обиде да ви противречи, вие ќе имате одговор. Не е идеално , но некогаш нема да можете да си помогнете. Оние кои им се шефови на други , ќе бидат во големо искушение. Оние , пак кои имаат шефови ќе имаат помалку стрес. Ќе биде подобро да се воздржите.

Здравје и совет

Немојте да живеете на стара слава.

Водолија 21.1.-19.2.

Љубов

Повеќето од слободното време ќе го минувате во сонување и осаменост. Доколку веќе сте во врска, поради нешто ќе бидете отуѓени. Шансите за љубов едноставно ќе ве одминуваат . Немојте да тагувате , зашто оваа фаза набргу ќе помине. Бидете трпеливи.

Кариера

Откако ќе ги добиете потребните информации , ќе тргнете уште поупорно во акција. Ова веројатно е вашито подем , кога почнувате да ги остварувате повеќето од вашите планови. Нема да заборавите ниту еден детал , а ќе треба и напор за да успеете.

Здравје и совет

Одете чекор по чекор.

Риби 20.2.- 20.3.

Љубов

Веројатно ќе станете незаинтересирани , зашто малку работи ќе ги исполнуваат вашите љубовни очекувања. Не се разочарувајте , со смиреност и хумор може да одржувате добра рамнотежа во вашиот љубовен однос. Бидете дипломат.

Кариера

Понекогаш ќе ви се чини дека околу вас има премногу луѓе со кои мора да комуницирате за неважни работи. направете селекција и одредете што ви е приоритет. Така нема да ви се случи да имате чувство дека сте изгубиле време на непотребни разгледувања.

Здравје и совет

Помалку јадете и движете се повеќе.

Овен 21.3-20.4.

Љубов

Во љубовниот живот ќе бидете фокусирани на секојдневието. Нема да имате големи барања , туку напротив , ќе бидете поскромни од вообичаено. Оние кои се сами , љубов ќе побараат на скромни места и без притисок дека мора да ја најдат. Тоа ќе биде релаксирачки.

Кариера

Резултатите од вашите напори полека излегуваат на виделина , но има уште нешта што треба да се направат. Сепак , се повеќе има задоволство , па и напредувања.Оние кои имаат менаџерска работа , ќе бидат пофалени. Сите ќе имаат желба за работа.

Здравје и совет

Мали проблеми со младите .Насмејте ги.

Бик 21.4- 20.5.

Љубов

Може да очекувате квалитетни љубовни денови . Ако има мала пречка меѓу вас и партнерот , сега и двајцата ќе се отворите и повторно ќе најдете заеднички јазик. Ќе има уште малку несоодветни однесувања , но тоа ќе биде занемарливо во споредба на она што поминало.

Кариера

До неодамна само фантазиравте за некои деловни потези , а сега ќе имате време сето тоа да го осмислите и разработите . Истовремено , малку повеќе ќе се занимавате со прашањето за вложувања. Ќе најдете начин да затворите една финансиска конструкција.

Здравје и совет

Мали потешкотии со документите. Не се нервирајте.

Близнаци 21.5.-21.6.

Љубов

Ќе бидете подготвени за нови лица и нови познанаства , но и натаму има можност за провокации , па и распарви кои нема да ви се допаднат. Станува збор дека треба да внимавате како комуницирате.Затоа не се залетувајте. Бидете тактични и внимателни.

Кариера

Ќе продолжите со тивката дипломатска стратегија , а она што ќе го договорите , веднаш ќе го спроведете во дело. Така ќе примените два стила во работењето- еден потивок , а другиот динамичен. Вие без проблеми ќе се прилагодувате малку кон едниот и малку кон другиот.

Здравје и совет

Поработете на својата кондиција.

Македонија

Градежниот сектор бара законски измени за јавните набавки, законот за градба ...

Потребни се измени на законот за јавни набаки, законот за градба и укинување на недела неработен ден во делот на градежниот сектор ова се дел од барањата кои компаниите ќе ги испратат до надлежните по денешната средба во Стопанската комора.

Се жалат градежништвото стагнира, компаниите се оставени сами на себе, а кадарот постојано си заминува. Работата според здружението за граджништво им ја земаат странските инвеститори, велат државата со години е свесна за проблемите со кои се соочува секторот но за домашните компании не се прави ништо.

„Интервенција во законот за градба, предлагаме итни измени на постојниот закон со оглед дека новиот текст на законот не ги задоволува барањата на градежниците и по нас треба да биде отфрлен. Треба да се оди со брзи промени во законот за градба се со цел техничко административните бариери кои ги имаат при реализација на проектитие да бидат тргнати, во однос на законот за работни односи бараме бариерите како недела не работен ден и многу бројните празници да бидат сведени на минимум. И бараме интервенција во законот за јавни набавки, “-изјави Андреа Серафимовски - Здружението за градежништво, индустријата на градежни материјали и неметалите.

Нивните анализи покажале дека за десет години - учеството на градежништовото во бруто домашниот производ од 7,1% се свело на само 5 %, бројки што според комората говорат за лошата состојба во која се наоѓа секторот. Како позитивна ја оценија највата на Валдата за поддршка на проекти изработени од општините, каде велат, очекуваат ќе им се даде предност на одмашните фирми.

„Градежните фирми се оставени сами на себе, сами да си ги креираат капациетите, сами да си ги подигнуваат потенцијалите, гледајќи како други компнаии ни ја градат државата, ни го одлеваат кадарот, но и ни оставаат еден куп не решени проблеми на наше тло и ги користат административните пропусти и лошите политики,“ -изјави Андреа Серафимовски - Здружението за градежништво, индустријата на градежни материјали и неметалите.

Минатата недела Државниот завод за ревизија го обајви извештајот за реализацијата на капиталните инвестиции, каде предмет на ревизијата биле 24 проекти вредни речиси 4 милијарди евра, а од овие проекти досега е завршен само еден.

Македонија

Македонското знаме повторно се вее на Голем Кораб

Македонски планинари го вратија знамето на врвот Голем Кораб кое беше отстрането а на негово место беше ставено албанско.

На видеото кое го објавија на социјалните мрежи се гледа како го поставуваат македонското знаме и пишуваат – Македонија секогаш имала храбри синови!

Знамето на Македонија беше отстрането а потоа заменето со знаме на Албанија пред три дена од страна извесен Изет Шулку од Пешкопеја кој себеси се нарекува Дебарски Тарзан објавувајќи видео снимка на социјалните мрежи пишувајќи под објавата – Кораб и припаѓа на Албанија и за македонското знаме нема место таму. Министерството за внатрешни работи вчера единствено информираше дека утврдиле оти се работи за лице кое не е македонски државјанин и најави дополнителни мерки за расчистување на случајот.

Денеска повеќе детали не се откриваат околу случајот ниту што конкретно ќе биде преземено. Целиот чин предизвика лавина реакции во јавност. Стојанче Ангелов од Достоинство отстранувањето на македонското знаме го смета за дивјаштво.

-Сосема во ред е да ги има и двете знаиња, и знамето на Македонија и знамето на Албанија бидејќи двете држави овде граничат. Според мене вандализам и дивјаштво е тргањето на македонското знаме бидејќи знамето никому не треба да смета, ниту македонското ниту албанското. Овој врв е заеднични, граничната линија минува низ него. Јас ги повикувам сите планинари планинските врвови да ги користат за планинарење а не за политички или меѓуетнички пресметки,- изјави – Стојанче Ангелов – Достоинство .

Реагираше и ЛДП која изрази длабока разочараност од инцидентот на врвот Голем Кораб и чинот го нарече неприфатлив и спротивен на принципите на спортот и планинарењето.

Сличен настан имаше и пред неколку години кога косовски државјанин постави албанско знаме на Самоиловата тврдина во Охрид. Тој доби парична казна и петгодишна забрана за влез во Македонија. Казните се предвидени во Кривичниот законик во делата против честа и угледот на Р. Македонија.

Македонија

Министрите Јаневска и Андоновски на средба со Британски совет за развој на дигитални вештини

Министрите Јаневска и Андоновски на средба со Британски совет за развој на дигитални вештини кај учениците.

Британскиот совет ќе продолжи да ги поддржува заложбите на Владата за унапредување на квалитетот на националниот образовен систем, особено во делот на обезбедување квалитетна едукација на учениците за стекнување дигитални вештини и развој на дигиталната писменост.

Како што информира Министерството за образование и наука, ова било потврдено на денешната средба на министерката за образование и наука проф. д-р Весна Јаневска и министерот за дигитална трансформација Стефан Андоновски со директорката на Британскиот совет за Западен Балкан, Клер Сиарс, и Олга Бороданкова од Делегацијата на Европската Унија, на која биле презентирани и резултатите од досегашното спроведување на програмата „Училишта на 21 век“ со финансиска поддршка од Британската влада.

-Двете страни се согласуваат дека младите мора да бидат подготвени за добро управување со новите дигитални технологии, да размислуваат креативно и критички, а токму програмата „Училишта на 21 век“ дава значаен придонес кон постигнувањето на оваа цел. Јаневска и Андоновски соопштија дека политиките на новата Влада се усогласени со Дигиталниот акциски план на ЕУ, а меѓу клучните приоритети во следниот период ќе биде подобрување на дигиталните вештини кај младите. Во таа насока, Министерството за образование и наука ќе се заложи за надградување на наставните програми со содржини кои ја поттикнуваат дигиталната писменост и способностите на младите да применуваат современа технологија за креирање решенија за лични или општествени предизвици, информира МОН.