Технологија

„Спејс-Икс“ најверојатно не е подготвена за месечевата мисија со луѓе во 2027 година

Месечевиот модул на американската вселенска компанија „Спејс-Икс“ (SpaceX) наиде на проблем и најверојатно не е подготвен за својата месечева мисија со луѓе најавена за во 2027 година.

Имено, проблемот е кај Системот за слетување со луѓе (ХЛС) е верзија на вселенско летало „Старшип“ (Starship), направено за пренос на астронаути меѓу орбитата на Месечината и нејзината површина, објави „Спејс њуз“ (Space News).

- Распоредот на ХЛС се соочува со значителни предизвици, а според нашата проценка, мисијата „Артемис 3“, за слетување на Месечината во 2027 година би можела значително да се одложи, изјави аналитичарот за безбедност на НАСА, Пол Хил, по обиколката на објектот „Старбејз“ на „Спејс-Икс“.

Главниот проблем е поврзан со криогениот пренос на гориво, бидејќи тимот на „Спејс-Икс“ сè уште нема начин да го наполни леталото со гориво во ниската Земјина Орбита пред тоа да се упати кон Месечината.

Можеби ќе ве интересира: „Прада“ креатор на вселенскиот костим од „Артемис 3“ на НАСА

Ова одложување доведе до шпекулации дека развојот на настаните би можел да ѝ даде предност на Кина околу мисиите со луѓе на Месечината. Кина, имено, разви свое месечево возило - „Ланјуе“, коешто би можело да слета на површината на Месечината до 2030 година.

Лансирањето на мисијата „Артемис 2“ е сè уште на распоред - за почетокот на 2026 година. Оваа мисија ќе испрати четири астронаути на патување околу Месечината, но не и на површината. Нема временска рамка кога американскиот тим ќе ги реши новонастанатите пречки со „Артемис 3“. Претседателката на „Спејс-Икс“, Гвин Шотвел неодамна изрази надеж дека „проектот нема да биде толку тежок како што некои инженери мислат“ дека би можел да биде.

Поминаа повеќе од 50 години откако американските астронаути, според наводите, последен пат стапнаа на површината на Месечината. Последната „Аполо“ мисија со човечки екипаж на нашиот природен сателит се случи во 1972 година.

Тагови: Спејс-Икс Артемис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и бројките - или како да се лаже со статистика додека фрижидерот е празен

ВМРО-ОКГ денеска повторно се фали со „бројки“ и тврди дека СДСМ ширел паника за инфлацијата.

Ајде да ги видиме тие „деманти“:

27 март – Филипче вели: цените на храната растат секој ден.

Реалност: инфлацијата во април достигна 5,7%.

Граѓаните плаќаат повеќе за леб, масло, млеко и месо.

На граѓаните не им треба статистика - им треба полн фрижидер.

22 април – Филипче предупредува, спиралата на поскапувања е започната.

Реалност:

Бензинот беше 70 денари - денес 91 денари за литар.

Дизелот беше 65 денари - денес 100 денари за литар.

Треба ли уште објаснување?

21 јуни - Филипче вели дека Владата потфрли и дека растот на цените е огромен.

Реалност: откако сè веќе поскапе, сега се фалат дека поскапувањето забавило. Класика.

ВМРО вели: „Ама просекот е понизок од 2022 година!“

Реалност: споредуваат со една од најтешките светски кризи - пост-ковид, почеток на војната во Украина и енергетската криза.

А не споредуваат што граѓаните можат да купат денеска со истата минимална плата од околу 400 евра.

Ете како ВМРО ја пласира својата статистика.

14 јули - Филипче повторно укажува на пад на стандардот и нова спирала на поскапувања поради горивата.

Реалност: дизелот е 100 денари, минималната плата во Македонија е најниска во Европа.

И ако ВМРО сака да ја споредува 2022 година со денес, тогаш да споредиме и цени:

• Млеко - поскапено околу 50%

• Леб - поскапен околу 60%

• Ориз - поскапен околу 70%

• Јајца - поскапени околу 60%

• Месо - поскапено меѓу 50 и 70%

И што сега, ВМРО?

Морате да сфатите дека бројките што Мицкоски ги црта по табла како Вучиќ, и соопштенијата што ви ги пишуваат Манасиевски и Петрушев, повеќе не поминуваат.

Ова е истата логика како и досега:

• Трета економија во Европа, а луѓето немаат за леб,

• Најголема куповна моќ, а фрижидерите се празни,

• Буџетот е во одлична кондиција, а секоја недела ново задолжување (државата ја задолжија со 2,5 милијарди евра за две години),

• Инфлацијата е под контрола, а сè што се јаде и пие чини повеќе,

Бројките на Мицкоски живеат во презентации. Граѓаните живеат во продавница.

И таму статистиката е јасна: паричникот е потенок, а сметките се подебели.

Продолжете да се фалите со проценти.

Народот веќе одамна ве мери со празни кеси.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Вечерва во Драчево продолжува киното на отворено со филмот „Трето полувреме“

Откако вчеравечер филмскиот викенд започна со култниот „Бал-Кан-Кан“, киното на отворено во Драчево продолжува и вечерва.

Општина Кисела Вода, во соработка со Кинотека на Македонија, ги поканува граѓаните на уште една филмска вечер во Амфитеатарот на Домот на културата во Драчево.

Вечерва, 09.08.2026 (недела), со почеток во 20:00 часот, на големото платно ќе се прикаже „Трето полувреме“, уште едно извонредно остварување на режисерот Дарко Митревски.

Присутните ќе имаат можност да погледнат филмска приказна инспирирана од вистински настани, во која ќе можат да уживаат во одличните улоги на Катарина Ивановска, Сашко Коцев, Ричард Самел, Раде Шербеџија, Емил Рубен, Митко Апостоловски, Мето Јовановски, Владо Јовановски, Тони Михајловски и други.

Влезот за сите посетители е слободен.

Тагови: Драчево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

23-годишниот Аријан Ејупи по потекло од Македонија стана шампион во бокс на Германија до 76 кг.

Аријан Ејупи по потекло од Македонија го оствари својот сон од неговата пет годишна возраст, кога единствена желба му била да биде најдобар боксер во Германија каде е роден.

Во категоријата од 76 килограми со своите 23 години тој е првак во Германија, и во ноември продолжува на светско првенство.

-Почнав кога имав пет години. Тренирам целиот мој живот. Тренер ми е мојот татко, да тренизите се мојот живот. Но, треба многу да сте дисициплинирани. Мора да сте внимателни што јадете, нема излегување во доцна до ноќта, одите рано да спиете, рано будење. Да, имам голема дисциплина, благодарејќи на мојот татко кој ме научи да се будам многу рано од мал. - Аријан Ејупи

Иако е роден во Германија, неговите родители се по потекло од Македонија. Омилено му е да доаѓа во Македонија предизвик му е да има натпревар и во Македонија.

-Македонија е мојот дом, да исто така и е мојот дом и сакам да имам борба во Македонија, тоа е мојот сон“, вели Ејупи.

Ејупи на шала кажува дека освен што доаѓа и за фамилијата, омилена храна што ја сака кога ќе дојде се ќебапите. И кога доаѓа најинтересно е што со неговите пријатели разговара и го вежба македонскиот јазик.

- Јас сум Аријан, од Македонија сум и сакам ќебапи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.