Трамп не го доби Гренланд, но договори трајно американско присуство - Канал 5

Свет

Трамп не го доби Гренланд, но договори трајно американско присуство

САД добија речиси се’ освен присвојување на Гренланд – по неколкумесечните тензични кои предизвикаа глобален геополитички потрес, Вашингтон и Копенхаген постигнаа договор.

Трамп не го доби Гренланд, но договори трајно американско присуство

САД добија речиси се’ освен присвојување на Гренланд – по неколкумесечните тензични кои предизвикаа глобален геополитички потрес, Вашингтон и Копенхаген постигнаа договор, САД влегува трајно, воено, на арктичкиот остров – Кралството Данска го задржува суверенитетот. Од сега натаму, ниту еден непријател на Америка нема да воспостави база, ниту воено присуство на оваа стратешка точка, порача американскиот претседател Трамп, кој најави дека набргу американската војска ќе стартува процес за развивање на големо воена видливост на соодветни позиции на Гренланд.

-Ова е „бесконечен“ договор, не постои крај. Веднаш ќе го започнеме процесот за воспоставуање на големо воено присуство на соодведен дел од Гренланд, а такви има многу. Ќе работиме со граѓаните на Гренланд на негово развивање и градење. Ова решение е голема за САД, Данска, Гренланд и сите наши сојузници. Дополнително, од сега па натаму, ниту еден непријател на САД никогаш нема да има база на Гренланд, нема да има воено присуство на Гренланд или да прави чувствителни инвестиции на Гренланд, без наше напишана согласност,- Трамп – Трут соушл.

Позитивен тон доаѓа и од Копенхаген – премиерката Мете Фредерискен го оцени договорот како голем и позитивен чекор за вклучените страни, кој ќе придонесе за заедничка безбедност, воедно не задирајќи во суверенитетот и територијалниот интегритет. На одобрување наиде и кај граѓаните на Данска.

-Беше навистина лоша ситуација за Данска и Гренланд, овој период кој е речиси една година, каде што навистина не знаевме што може да се случи, па навистина е добро што сега има договор и се надевам дека е добар договор и одржлив договор. Знаете со Трамп, денеска имате еден договор, утре можеби друг договор.

Ќе биде потивко сега. Мислам дека САД веројатно ќе го добијат она што можеа да го добијат во целиот период ако прашаа пристојно. Па, во таа смисла, мислам дека ќе биде добро.

На договорот, кој треба да се потпише наредната недела во генералното собрание во Њу Јорк, од почетокот на годинава му претходеа најави за можна инвазија и употреба на воена сила од страна на САД. Данска и Гренланд остро се спротивставија, беа децидни – островот не е на продажба, а во тоа беа поддржани и од европските сојузници. Според аналитичарите, „топката сега е на земја“.

-Притисокот на САД врз Гренланд предизвика пукнатина помеѓу САД и доведе до прашања во Европа дали САД се сојузници, па затоа беше и голема работа кога претседателот започна да зборува за тоа, а јас зборував и со американски и со европски челници пред неколку минути и двете страни изгледаат среќно. Тој(Трамп) сакаше да ги обезбеди американските инвестициски права пред кинеските и руските инвестициски права кога станува збор за критични минерали, нешто што го обезбеди со овој договор,- Ник Шифрин – Новинар и аналитичар.

САД со договорот добиваат траен безбедносен пристап кон островот и право на прелетување, безразлика дали во иднина тој ќе се осамостои од Данска, а Кина, Русија и останатите не-НАТО држави ја губат добија „рампа“ за амбициите на островот.

Американците ќе можат да развиваат воени бази, меѓу кои е вселенската и клучна Путифик чија цел е предупредување од балистички ракети и противракентна одбрана. А, во преговорите тема била и противракетната „Златната Купола“ на САД.

Данска го задржува суверениетот и територијалниот интегритет, и заедно со Гренланд добиваат посилна безбедносна позиција на Арктикот во рамките на НАТО. Островот доби право на самоопределување, без пренос на суверенитетот кон САД, но сега доби и поголема стратешка важност и меѓународна „тежина“.

Тагови: Гренланд Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Ева Лонгорија укажува на проблем со кој се соочуваат милиони жени

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

Ријана откри дека во „сефот“ чува купишта нова музика, дури 170 необјавени песни

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Безос: „Можеме да стигнеме до Месечината за три дена“

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер