Денеска се празнува Мала Богородица: Еве каква ќе биде есента ако на овој ден осамне облачно утро - Канал 5

Живот

Денеска се празнува Мала Богородица: Еве каква ќе биде есента ако на овој ден осамне облачно утро

Денеска, 21 септември, православна црква и верниците ја одбележуваат Мала Богородица, празникот Раѓање на Пресвета Богородица, со кој се поврзуваат бројни обичаи и верувања.

Денеска се празнува Мала Богородица: Еве каква ќе биде есента ако на овој ден осамне облачно утро

Денеска, 21 септември, православните верници ја одбележуваат Мала Богородица, празникот Раѓање на Пресвета Богородица, со кој во македонската народна традиција се поврзуваат бројни обичаи и верувања. Едно од нив е особено интересно во овој период од годината – се верува дека времето на Мала Богородица може да навести какви ќе бидат есента и зимата.

А денешниот ден во Македонија осамна облачно. Утрото го пречекавме под облаци, додека во текот на денот се очекуваат периоди на разведрување и појава на сончеви интервали.

Токму поради тоа, ако се водиме според старото народно толкување, денешниот празник Мала Богородица би можел да се опише како своевидна „мешавина од знаци“. Не нè пречека целосно ведро и сончево утро, но облачноста не значи дека целиот ден ќе остане под облаци. Есента и зимата, фигуративно кажано, денеска „испраќаат порака“ – облачното утро според народното верување може да најави порано заладување, додека разведрувањето и сончевите периоди во текот на денот оставаат простор за верување дека нè очекуваат и уште многу убави и благи денови.

Што вели народното верување?

Според едно од распространетите народни верувања, доколку на Мала Богородица е ведро, сончево и без облаци во поголемиот дел од денот, претстојната есен и зима би требало да бидат благи, без многу студени денови.

Спротивно на тоа, облачното време на овој празник во народната традиција се толкувало како најава за постуден период. Во некои народни преданија се наведува дека особено се набљудувала промената на времето во текот на самиот ден, па смената на облаци и сонце можела да се толкува како најава за променлива есен.

Во минатото, кога немало современи временски прогнози, луѓето внимателно го следеле однесувањето на облаците, ветерот, температурата, животните и растенијата и врз основа на искуството создавале изреки и правила кои се пренесувале од генерација на генерација.

Мала Богородица била важен пресврт во годината

Не е случајно што токму со овој празник се поврзуваат толку многу верувања за времето. Мала Богородица се одбележува во периодот кога летото дефинитивно се приближува кон својот крај, а природата влегува во есен.

Во традиционалниот живот во Македонија, овој празник имал и практично значење – се поврзувал со почетокот на есенските земјоделски работи, орањето и сеидбата на озимите култури, а периодот околу Мала Богородица бил поврзан и со почетокот на есенските свадби.

Затоа, некогаш погледот кон небото на овој ден се сфаќал многу посериозно отколку денес. Времето не било само прашање дали денот ќе биде пријатен за прошетка или работа – од него зависеле земјоделските активности, приносот и подготовката на домаќинствата за постудениот дел од годината.

А според денешното небо, по облачното утро, сончевите периоди во текот на денот оставаат простор за различни толкувања. Ако се протолкува во духот на старото народно верување, есента би можела да биде променлива – со први постудени периоди, но и со доволно сончеви и топли денови.

Тагови: Мала Богородица православен календар празник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Почина синот на Синди Крафорд: Трагедија во семејството на познатата манекенка, Пресли имаше само 27 години

Пресли, синот на славниот топ модел Синди Крафорд и Ренди Гербер, почина за време на престојот во центар за рехабилитација. 

Почина синот на Синди Крафорд: Трагедија во семејството на познатата манекенка, Пресли имаше само 27 години

Пресли Гербер, синот на Синди Крафорд и Ренди Гербер, почина на 27-годишна возраст.

Според лекарскиот извештај, Пресли починал во неделата во центарот за рехабилитација, а причината за смртта ќе биде позната по извршената обдукција.

Портпаролот на Синди Крафорд ја потврди тажната вест и побара да се почитува приватноста на семејството.

Во јануари 2019 година, Пресли бил уапсен поради возење под дејство на алкохол, а подоцна истата година беше осуден на тригодишна условна казна и општокорисна работа.

TMZ стапи во контакт со Каја Гербер, сестрата на Пресли која тргна по стапките на својата мајка, и таа потврди дека нејзиниот брат починал.

Тагови: синди крафорд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Од опозиција Филипче вели Македонија не е на продажба а сите паметиме како со Заев го продадоа името

Од опозиција Филипче вели Македонија не е на продажба, а сите паметиме како на власт со Заев го продадоа името и распродаваа идентитетот.

ВМРО-ДПМНЕ: Од опозиција Филипче вели Македонија не е на продажба а сите паметиме како со Заев го продадоа името

Венко Филипче, сега опозиција зборува за непродажба на Македонија, а граѓаните паметат како со Зоран Заев на власт го продадоа името и го распродаваа идентитетот и националните интереси.

Додека Филипче зборува дека државата не е на продажба, откако со Заев потпишаа бланко бел лист хартија со бугарски барања, токму тој се нуди и го продава идентитетот и јазикот на Бугарија, само за да дојде на власт.

Малку му се фирмите во Бугарија, па сега Филипче сака само да дојде на власт за да може да краде, да мести тендери, да зема проценти и провизии, односно да продолжи од таму каде што застана во владата на неговиот ментор Заев.

Освен својот личен интерес и џеб, Венко Филипче друго не го интересира, ниту СДС, партијата што ја води, ниту државата, ниту граѓаните го интересираат. Затоа СДС ја сведе на маргинална опозиција и на праг од биолошкиот минимум и е против се што во државата значи инвестиции, развој и подобар живот на граѓаните.

Филипче сака само тој да има хациенди на Водно, стан во Дубаи, да добива Ауди Q8 од фирмите на кои им мести тендери, сака провизија од 20% од набавката и поставувањето на модуларни болници, сакаше да ќари на Ковид вакцини кои потоа на граѓаните ќе им ги продаваше по три пати повисока цена.

Ова е вистинскиот Венко Филипче кој се што може се продаде и распродаде, како што со Заев ги распродаваа националните интереси, само за да дојде на власт.

Да го спречи секој развој на државата и секоја инвестиција која ќе значи подобар животен стандард за граѓаните, за државата да стагнира само за тој да има тема за медиумско појавување.

Одамна е прочитан Филипче дека освен неговиот интерес, ништо друго не го интересира, затоа и граѓаните и партиските членови и симпатизери не му веруваат, на избори за него не гласаат.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Минималната кошничка речиси 90.000 денари - власта има за авион и DJ, но нема за работникот!

Сојузот на синдикати ја направи септемвриската пресметка: синдикална минимална кошничка е скоро 90.000 денари. 

СДСМ: Минималната кошничка речиси 90.000 денари - власта има за авион и DJ, но нема за работникот!

За еден месец порасна околу 800 денари. Храната и пијалоците се околу 25.000.

Со кирија за стан од 60 квадрати - близу 90.000.

Студент што изнајмува стан во град, со сметки и превоз, често не го затвора месецот ни со 95.000.

Просечната плата не ја покрива кошницата. Минималната е далеку под животниот стандард.

Пензионерот живее уште потешко. Линеарните илјада денари не се никаква политика.

Тие се понижување.

Земјоделецот плаќа поскапо гориво, машини и ѓубриво, додека продава поевтино.

Субвенциите пресечени и намалени за 40 милиони евра. Зелената нафта доцни. Откупот е понижувачки. Помошта од Унијата стои затоа што Мицкоски ги затна реформите и го забави патот кон ЕУ.

Доаѓа зима. Сметките за струја и греење уште не стигнале. Ќе стигнат.

Ова не е судбина. Ова е резултат.

СДСМ бараше мерки на почеток на кризата: акциза на гориво да се укине, ДДВ на енергенси да се намали на 5 проценти, а минималната плата да изнесува 600 евра.

Во време на најголемата криза со короната, почетокот на војната во Украина и големата енергетска криза, СДСМ даде над 2 милијарди помош за населението. Оваа екипа, со Мицкоски на чело, не даде ништо.

Не прифатија ништо. Горивото го пуштија да порасне до плафон. Со него порасна и лебот, превозот, нивата, киријата. Сега продаваат статистика. Статистиката не полни фрижидер.

Има за авион. Има за мебел. Има за луксуз. Нема за работникот.

Човек што носи еден часовник од колекцијата од 60.000 евра и одело од пет или десет илјади, остава народот да гладува. 5,53 милиони за Дејвид Гета. 1,6 милиони да ја делат опозицијата. Провизија има. Плата нема.

Собранието да го усвои предлогот на СДСМ за минимална плата од 600 евра. Не како подарок. Како праг под кој државата не смее да дозволи граѓанинот да заработува.

Без тоа оваа есен нема „стабилност“. Туку пресметка на организираната криминална група врз кошницата.

Арамијата живее над неа. Народот во неа.

Скопје, 21.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер