Британскиот принц Хари, кој во последните години предизвика вистинска бура во кралското семејство и придонесе доста незгодни детали да испливаат во јавноста, во 2019 г. одбил да се сретне со својот брат Вилијам и со тоа го продлабочил раздорот помеѓу нив.
Ова го откри британскиот портал „Сан“, повикувајќи се на информации од најновата книга за едно од најмоќните семејства во светот: „Дворјани: Скриената моќ на круната“, на Валентин Лоу, долгогодишен дописник на магазинот Тајм. . Според неговите тврдења, Вилијам пред три години се обидел да се зближи со својот брат и му испратил порака да се сретнат кога ќе се врати од патувањето во Јужна Африка, но настаните што следеле само ја продлабочиле кризата.
Имено, Лоу тврди дека по враќањето во Лондон, Хари бил принуден да стапи во контакт со секретарот на Вилијам за да го праша каде е неговиот брат, што воопшто не му се допаднало.
„Тоа го налутило Хари и повеќе не му паѓа на памет да разговара со својот брат“, вели Лоу во книгата, повикувајќи се на тврдења од неименуван извор.
Освен тоа, Хари по секоја цена сакал да го сокрие фактот дека сакал да се сретне со својот брат и стравувал дека тимот на Вилијам ќе го пренесе тоа на сите медиуми. Очигледно му било важно да не се расчуе дека на кој било начин се обидел самоиницијативно да го реши проблемот кој во тоа време избувна само и исклучиво поради неговата сопруга, поранешната американска актерка Меган Маркл.
Книгата на Лоу, исто така, наведува голем број други изненадувачки наводи за Сасексите од периодот кога биле членови на кралското семејство.
- Вистинскиот хаос настана и откако принцот и принцезата од Велс, Вилијам и Кејт Мидлтон, беа на турнеја во Пакистан, кога Хари и Меган дадоа едно од првите експлозивни интервјуа од градината во Јоханесбург. Во разговорот со Том Бреби за телевизијата „ITV“, Меган откри како се бори со строгите правила на кралскиот живот како новопечена мајка, се сеќава Лоу.
Маркл тогаш, да потсетиме, им се заблагодари на новинарите што ја прашаа како се чувствува, нагласувајќи дека тоа одамна никој не ја прашал, алудирајќи на фактот дека во кралското семејство се чувствува отфрлено и несфатено.
И тогаш, Хари прв пат отворено одговори на прашањето на Бреби за односот со неговиот брат.
- Сега сигурно сме на различни патеки. Како браќа, знаете, имате добри денови, имате лоши денови - двосмислено рекол младиот принц.
Овие коментари на Хари и Меган ги налутија Вилијам и Кејт, кои ваквото однесување го сфатија како обид да се извалкаат нивните имиња.
- Еден ден по емитување на интервјуто, Вилијам преку „Воцап“ го прашал својот брат дали може да дојде да се видат. Хари на почетокот бил среќен, но набргу откако дознал дека приватната секретарка на Вилијам знае за нивната средба, му рекол на Вилијам дека не сака да се видат поради стравот од протекување информации. Ваквиот потег им го скршил срцето на останатите членови на кралското семејство – се наведува во книгата „Дворјани“.
Како што се открива понатаму, оттогаш комуникацијата помеѓу браќата се одвива исклучиво преку јавните канали, а не преку приватни врски и мобилни телефони.