Заборски од „Макпетрол“: Итно да се промени селекторскиот кадар на карате репрезентацијата - Канал 5

Други спортови

Заборски од „Макпетрол“: Итно да се промени селекторскиот кадар на карате репрезентацијата

Како клуб кој редовно партиципира во сите национални тимови и загрижени поради катастрофалниот лош настап на нашата репрезентација од последното светско првенство, се обраќаме до сите членови на ИО на КФРСМ и до сите карате клубови.

Заборски од „Макпетрол“: Итно да се промени селекторскиот кадар на карате репрезентацијата

Карате клубот „Макпетрол“ реагира на настапот на сениорската карате репрезентација на Македонија на неодамна одржаното Светско првенство во Будимпешта и прикажаните резултати, за кои директно го обвинува селекторот Александар Кузмановски и стручниот тим на националната селекција во дисциплината борби. Во продолжение пренесуваме дел од реакцијата на тренерот на карате клубот „Макпетрол“, Бошко Заборски.

„Како клуб кој редовно партиципира во сите национални тимови и загрижени поради катастрофалниот лош настап на нашата репрезентација од последното светско првенство, се обраќаме до сите членови на ИО на КФРСМ и до сите карате клубови. По завршувањето на светското карате првенство за сениори во Будимпешта, не можеме, а да не посочиме на некои основни работи кои се погрешно поставени во КФРСМ и затоа во моментов немаме, а ако нешто не промениме, нема ни да имаме повеќе врвни сениорски спортски резултати.

Бараме одговорност за неуспешниот период на стагнација на сениорскиот тим и посочуваме дека резултати нема да имаме ако веднаш не се престроиме и направиме итно промени во водечкиот дел на тренерскиот и селекторскиот кадар, таканаречен стручен тим на КФРСМ, каде што предводници се селектори на сениорскиот тим и тимот помлади сениори (У21). Да напоменеме дека во тој стручен тим, во моментов не се вклучени најдобрите тренери и клубови, оние од кои во најголем број е составена репрезентацијата, а тоа се клубовите „Макпетрол“ - Скопје и „Штип“ - Штип.

Основниот проблем е што во КФРСМ во моментов имаме 75 регистрирани клубови, од кои еден дел воопшто не работат ништо, поголем дел работат детско или пионерско - кадетско карате и имаме многу мал број клубови кои работат натпреварувачко карате, на сериозни спортисти јуниори, помлади сениори и сениори. За селектори во КФРСМ се поставија и назначија тренери кои немаат постигнато никакви позначајни спортски резултати. Некои дури немаат ни спортски сали, има селектори кои немаат сопствен пионер кој бил државен првак. Ако сакаме да водиме и во иднина ваква политика, сениорски резултати едноставно нема да имаме.

Како најтрофеен клуб кој веќе 27 години редовно партиципира со спортисти во сите национални тимови и клуб кој работи натпреварувачко карате, сериозно сме загрижени по дебаклот и катастрофално лошиот настап и резултатски постигнувања на нашата репрезентација од светското и претходно одржаното европско сениорско првенство. Одговорност за лошите резултати претпоставуваме дека ќе се побара од селекторите кои го изработија планот и програмата. Овој пат тие тренери и селектори сами ги водеа подготовките и имаа максимална поддршка, како никогаш досега, од страна на ИО и клубовите и за таа намена се потрошија големи финансиски средства, а резултати нема.

Најважно од се е можеби тоа што репрезентативците имаа забележителен и очигледен пад на спортската форма, сите спортисти претходно беа многу добро подготвени, тие на контролните балкански и светски натпревари освоија високи пласмани и медали и демонстрираа многу добра форма. Кога репрезентацијата остана да работи самостојно, спортската форма која претходно се создаде и вроди резултати се сруши и спортистите на светското првенство не можеа да го дадат ни оптимумот кој секогаш го давале. Ако репрезентацијата е составена од индивидуалци кои имаат повеќекратно освојувано европски и светски медали, се наметнува прашањето што се случи со репрезентацијата кога остана сама да се подготвува, зашто репрезентативците не беа доволно мотивирани сплотени и подготвени да направат поголеми резултати.

Мора да се прифати фактот дека сениорската репрезентација на Македонија е најслаба репрезентација на Балканот. Сите балкански држави од нашето опкружување освоија медали. Ние не успеавме да освоиме ниту медал, ниту пак остваривме висок пласман на ова првенство, што е повторување на искуството од минатото европско сениорско првенство. Веќе сме во длабока криза и континуирано одиме во надолна линија. Факт е дека нашите спортисти и тимови не поминаа повеќе од второ коло и затоа мораме најитно да промениме нешто ако сакаме да ја задржиме оваа генерација на сениори, после која ние како федерација немаме квалитетна генерација. Затоа сме загрижени дека ќе навлеземе во многу голема криза од која нема враќање.

Ако сакаме да се вратиме на вистинскиот пат мора да направиме и промена во делот од Правилникот за направен сениорски резултат и резултат за помлади сениори (У21). Демотивирачки е кога селекторот неправедно ги зема наградите со години наназад, за кои нема реализирано ниту еден тренинг, награди од по 5.000 евра за постигнат врвен спортски резултат. Таа пракса кога селекторите ги добиваат незаслужено наградите за кои други тренери вложиле голема стручност, финансии и лично залагање, внесе големо незадоволство кај клупските тренери кои се најзаслужни за овие спортски резултати, по што нивната мотивираност за постигнување резултати видно се намали. Овој дел од Правилникот треба да се промени, во спротивно сениорски резултати ние нема да имаме. истакнува д-р сц. Бошко Заборски, тренер на карате клуб „Макпетрол” од Скопје. “

Реакцијата на К.К.Макпетрол и тренерот Бошко Заборски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Осудени се шестмина по трагедијата во Ламанш, кога пред пет години загинаа 30 мигранти

Судот во Париз прогласи шест мажи за виновни за убиство без умисла поради давење на повеќе од 30 лица во Ламанш пред пет години. 

Осудени се шестмина по трагедијата во Ламанш, кога пред пет години загинаа 30 мигранти

Тоа беше најлошата регистрирана несреќа со мигранти во морскиот премин меѓу Франција и Велика Британија. Уште седум мажи беа прогласени за виновни за помали кривични дела поврзани со шверц со различен степен на сериозност, вклучително и помагање и поттикнување на нелегален влез во земјата како дел од организирана група и криминално здружение, објави Ројтерс.

Мигрантите починаа откако нивниот преполн чамец се издуваше додека преминуваше еден од најпрометните водни патишта во светот. Француски рибарски брод ги извести службите за итни случаи откако забележа тела како пловат покрај францускиот брег во близина на Кале во ноември 2021 година. Пронајдени се 27 жртви, додека најмалку четири лица никогаш не беа пронајдени. Само двајца мажи преживеаја.

Шестмината мажи прогласени за виновни за убиство без умисла беа осудени на шест до десет години затвор. Другите добија казни од шест месеци условна до четири години затвор. Еден маж беше ослободен.

Повеќето од жртвите беа ирачки Курди

Жртвите беа претежно ирачки Курди, но меѓу нив имаше и Авганистанци, Етиопјани, еден Египќанец, еден Сомалиец, еден Иранец и еден Виетнамец. За време на судењето, роднините на некои од жртвите го опишаа страдањето што им го предизвика трагедијата.

„Живеам со неизвесноста дали некогаш ќе дознаам нешто за неговото исчезнување, дали ќе најдам тело или гроб“, изјави пред судот Зана Маманд Мухамед, чиј брат Твана, тогаш 18-годишен, никогаш не беше пронајден по несреќата. „Живеам со оваа постојана болка“, рече тој низ солзи, држејќи фотографија од својот брат.

Тагови: Ламанш мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Каракачанов посоодветно е да ги покани своите истомисленици Заев и Филипче на пренесување на моштите на цар Самоил во Бугарија

Во однос на поканата на Каракачанов до лидерот на ВМРО- ДПМНЕ Мицкоски за присуство на пренесување на моштите, би посочиле дека посоодветно е поканата да ја испрати до неговите истомисленици Зоран Заев и Венко Филипче. 

ВМРО-ДПМНЕ: Каракачанов посоодветно е да ги покани своите истомисленици Заев и Филипче на пренесување на моштите на цар Самоил во Бугарија

Впрочем да не заборавиме дека Заев беше тој кој велеше дека Бугарите биле ослободители а не фашисти, дека биле администратори, дека македонскиот јазик е после 44та итн. А Венко Филипче и денес има идентичен став со бугарската политика, прво Бугари во Устав, а после се друго.

Тоа се мотивите на една срамна и предавничка политика, јавно етаблирана во Преспанскиот договор и Бугарскиот договор за добрососедство кои се една иста страна од паричката.

Во однос на удирањето во гради со пренесување на моштите на Цар Самоил во Бугарија, ќе потсетиме дека англискиот крал Ричард I е во Франција, иако тоа не го прави французин. Притоа ќе потсетиме и на мудриот потег на Бугарија во минатото кога моштите на Гоце Делчев ги предаваат на Македонија. Добро е да објасни тогаш што е Гоце Делчев за нив и бугарските гласноговорници? За нас, за разлика од Заев, Филипче или Каракачанов вистината е едноставна, а тоа е дека е еден од најсветлите ликови во македонската историја. За жал, таа мудрост ја нема официјална Софија, но истовремено ја поздравуваме возбудата со која Бугарија го почитува делото на Цар Самоил кој има неизбришива трага за Македонија, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Инфлуенсер јава желка, додека таа положува јајца- Украинецот се извини, Оман му подготвува казна (ВИДЕО)

Украинскиот државјанин Вадим Олејник, фитнес тренер и инфлуенсер, и неговата сопруга се соочија со критики откако беше објавено видео од Рас ал-Хад, Оман, на кое двојката седи на заштитена морска желка која положува јајца.

Инфлуенсер јава желка, додека таа положува јајца- Украинецот се извини, Оман му подготвува казна (ВИДЕО)

Олејник подоцна се извини и рече дека направил грешка бидејќи не бил запознаен со правилата на однесување кон желките, објави Сурфер.

Рас ал-Хад, во државата Оман, во југозападна Азија, е важно подрачје за морските желки кои положуваат јајца таму. Оманските власти постојано ги потсетуваат посетителите да не се приближуваат, допираат или вознемируваат морските желки кои положуваат јајца или нивните младенчиња. Овие животни се заштитени со оманскиот закон, а секое кршење на правилата во врска со нив е казниво со закон. Без оглед на казните, луѓето постојано ги третираат дивите животни како можности за фотографирање или предмети за забава.

Украински фитнес инфлуенсер се соочува со глобална реакција и можни правни последици откако се појави снимка од него како седи на морска желка додека таа положува јајца во заштитен резерват во Оман. Олејник (32) и неговата партнерка Олена Кравченко биле на одмор кога се случил инцидентот во областа Рас ал-Дин во Оман, една од најпопуларните дестинации во Оман каде што заштитените морски желки ги положуваат своите јајца. Фотографиите и видеото го покажуваат Олејник како се качува на оклопот на желката додека таа ги положува своите јајца, додека Кравченко, кој исто така е фотографиран како седи на животното, го снима видеото. Двојката е обвинета и за држење на новоизведените желки.

Олејник првично ја споделил снимката со своите повеќе од 200.000 следбеници на Инстаграм, пред да ја избрише. Сепак, како што често се случува на интернет, снимката брзо се проширила на други платформи и социјални медиуми.

Реакцијата на јавноста била брза: сметката посветена на науката и зачувувањето *Biologicamente* го опишала инцидентот како пример за „перверзен туризам“ и ја критикувала употребата на диви животни како реквизити за содржини на социјалните медиуми. Д-р Кристин Фигенер, биолог специјализиран за морски желки и океански конзерватор, коментираше на една од објавите: „Драго ми е што се соочуваат со правни последици. Зошто е воопшто потребно да се привлече вниманието на луѓето кон загрозениот статус на еден вид? Не е ли доволно што ова е живо суштество кое не треба да се злоупотребува?

Исто така, обрнете внимание на бебето зелена желка во неговата рака.“ Оманскиот орган за животна средина исто така се приклучи на случајот, наведувајќи дека видеата што циркулираат на интернет покажуваат „дела што ги вознемируваат морските желки“ и претставуваат кршење на прописите за заштита на дивите животни. Службениците изјавија дека се преземаат „неопходни законски мерки“ против вклученото лице и повторија дека практиките што им штетат на дивите животни или природните живеалишта нема да бидат толерирани. Имаше извештаи дека Олејник и Кравченко биле приведени, но ова не е официјално потврдено.

Олејник оттогаш се извини

„Не ги видов правилата. Направив грешка и им се извинувам на сите“, рече тој. Олејник се извини директно до Оманскиот орган за животна средина и до организацијата што ги штити зелените морски желки. „Немав намера да ја повредам желката или да ѝ направам нешто лошо“, рече тој.

Олејник, кој се опишува себеси како светски шампион во гимнастика (форма на тренинг за сила) и фитнес тренер, ја избриша оригиналната објава со која се обидуваше да се пофали, но интернетот имаше други планови.

Тагови: желка инфлуенсер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер