Живот

Спомен на Првиот Вселенски собор

Македонската православна црква - Охридска архиепископија одбележува 1700 години од Првиот вселенски собор на кој присуствувале и тројца македонски епископи: Александар, Епископ на Солун, Будиј, Епископ на Стоби и Дакиј, Епископ на Скупи.

Чествувањето ќе биде во археолошкиот локалитет „Стоби“, каде што денеска ќе биде отслужена Света Божествена литургија, со која ќе чиноначалствува Архиепископот Охридски и Македонски г. г. Стефан, во сослужение со повеќе македонски архијереи и со бројно свештенство.

Првиот Вселенски собор се одржал во градот Никеја, во областа Витинија во Мала Азија, во 325 година за време на владеењето на светиот цар Константин Велики (305-337). Овој собор бил свикан за да се отстрани забуната што Ариј, свештеник од Александрија, ја создал со своите лажни учења. Имено, тој го ширел учењето дека Господ Христос, Синот Божји, не е вистински Бог, туку дека е создаден од Бога во времето, и затоа не е превечен Син Божји, еднаков по суштина и битие на Бога Отецот. Поради ваквото учење на Ариј, тој прво бил осуден од неговиот епископ, Свети Александар Александријски (и тоа двапати: во 319 и 323 година на соборите во Александрија), но Ариј не го послушал ова, туку дури и поттикнал некои од неговите пријатели и истомисленици епископи да поведат борба против Свети Александар и Православието што тој го претставувал. Кога чул за овој спор, царот Константин го испратил во Александрија стариот и искусен епископ Хосиј, од градот Кордоба во Шпанија, но бидејќи не бил воспотавен мир во Црквата, светиот цар ги повикал сите епископи во градот Никеја во мај 325 година.

На овој собор учествувале околу 318 свети отци, меѓу кои биле: Свети Хосиј, како претседател на соборот, Свети Александар Александриски и неговиот ѓакон Свети Атанасиј Велики (кој подоцна станал епископ Александриски и најголем борец за православието против ариевата ерес), потоа Свети Евстатиј Антиохиски, Свети Јаков Низибиски, Свети Никола Мирликиски, Свети Спиридон Тримитунски, Свети Ахилеј Лариски, Свети Пафнутиј Тиваиски, Свети Макариј Ерусалимски, Свети Александар Солунски, Евсевиј Кесариски, Јован Персиски, Аристарх Ерменски и многу други од Истокот. А од Запад, покрај Свети Хозиј, биле: Теофил Готски, Кекилиј Картагински, претставници на Свети Силвестер Римски и други.

Соборот го осуди учењето на Ариј, а наго и неговите поддржувачи ги предаде на анатема, бидејќи ниту тој ниту тие сакале да се покаат. Затоа биле протерани од царот во Илирик, т.е. на Балканот. Потоа Светиот Вселенски собор, со божествена мудрост, ја образложил и изразил вистинската вера на Црквата Христова за Него како вистински и вечен Син Божји и Бог, што Црквата ја има од самиот почеток од Господ и Светите апостоли. Накратко изложена, таа вера во Светата Троица, во Синот Божји и Неговото овоплотување заради нашето спасение, се нарекува Симбол на верата и главната задача на овој собор била да го воспостави тој Симбол на верата, еден и единствен за сите верни. Светиот собор конечно го утврди вселенскиот Симбол на верата, но бидејќи на овој собор било само накратко споменато за Светиот Дух, на Вториот Вселенски собор во 381 година во Цариград Симболот на верата е дополнет и дефинитивно запечатен, така што стана и остана непроменлив низ сите векови, исто како што правилната (православна) вера на Црквата остана непроменета и непроменлива низ сите векови. (Подоцна, Латините, Римокатолиците, во 11 век, почна да го менуваат Симболот на верата, поради што потоа отпаднаа од Православната Црква).

Покрај тоа, Првиот Вселенски собор го утврди и точното време за прославување на Христовата Пасха = Велигден, заедничко за сите христијани и сите помесни Цркви (но Латините подоцна го променија и ова). Соборот конечно пропиша и 20 свети канони за управувањето во Црквата Христова и за начинот на христијанскиот живот и однесувањето во него.

Историја на Вселенските собори

Во досегашната историја на Црквата се одржани седум Велики Вселенски собори. Првиот Вселенски собор, се одржал во Никеја во 325 година, а повод за него било еретичкото учење на Ариј, кој Господа Исуса Христа Го сметал за создание, а не за предвечен Син Божји, како што учат православните Отци на Црквата. Никејскиот Собор, според зборовите на Св. Атанасиј Велики, е „разобличување на секаква ерес… бидејќи тој ја исповеда совршената и потполна вера во Света Троица… вера во којашто и ние се крштеваме и преку која се соединуваме со Бога“. На тој Собор е составен Символот на верата, кој потоа е дополнет на Вториот Вселенски Собор.

Вториот Вселенски собор е одржан во Цариград во 381 година. Повод за неговото свикување била духоборната ерес, чиишто претставници тврделе дека Светиот Дух е создание, а не Бог. Црквата го отфрлила нивното учење и го дополнила Никејскиот Символ на верата, проширувајќи го осмиот член во којшто се нагласува дека на Светиот Дух Му припаѓа истата слава и поклонение како и на Отецот и Синот, со други зборови, дека според божеството е со иста чест како Отецот и Синот. Поради ова надополнување, како и поради изразувањето на верата во Црквата, едно Крштение, Воскресение и живот на Идниот век, востановениот Символ на верата се нарекува Никејско-Цариградски.

Третиот Вселенски собор се одржа во Ефес во 431 година за да ги потврди одлуките на претходните Собори и да ја одбрани верата на Црквата од Несториевата ерес. Несториј сметал дека и на Божествената и на човечката природа Христова треба да ѝ припаѓа по една личност. Отците на Третиот Собор го отфрлиле неговото учење со кое би се внела поделба во Личноста на Господ Христос. На овој Собор е потврдено дека Господ Исус Христос е Една Личност со две природи: Божествена од вечноста, од Отецот и човечка, која ја примил во времето од Пресвета Богородица.

Несториј исто така велел дека Пресвета Дева Марија не Го родила Бога, туку човекот Исуса и затоа не Го прифатил називот Богородица, туку ја нарекол човекородица или Христородица. Бидејќи Исус нема човечка личност и бидејќи мајката може да биде само „нечија“ мајка, а не мајка на нешто, т. е. на природа, Марија Дева е навистина Мајка Божја, односно Богородица.

Несториевата заблуда во врска со Богородица произлегла од неговиот страв на Дева Марија да не ѝ се припишат божествени особини. Исповедајќи дека Дева Марија е Богородица и дека Го родила Бога во тело, Црквата сепак, не ѝ дава особини на божица. Таа не Го родила предвечниот Бог по Божествената природа, туку Бога Словото по човечката природа. Слегувајќи на земјата, Он зеде облик на човек, но не престана да биде бесмртен Бог, Кој од вечноста е во заедница со Отецот и Духот Свет.

Четвртиот Вселенски собор е одржан во Халкидон во 451 година поради монофизитската ерес. Монофизитите (μόνη φύσις – една природа), го застапувале ставот дека Христовата човечка природа во Овоплотувањето до таа мера се слеала со Божествената што потполно се изгубила во неа. Православната Црква своето учење во врска со оваа догма го формулирала во таканаречениот „Орос“ (одлука), во кој е наведено дека Христос е овоплотениот Син Божји и Слово, Една Личност со две природи: Божествена, со која е едносуштен на Отецот; и човечката, после овоплотувањето, со којашто постана едносуштен со нас. Монофизитите поради своето погрешно учење направиле раскол во Црквата и останале до ден денес отцепени од неа (Копти, Етиопјани и Ерменци).

Петтиот Вселенски собор го свикал цар Јустинијан во 553 година во Цариград за на него уште еднаш да се потврди учењето на Црквата за Господ Христос како овоплотен Син Божји. Во одлуките на Соборот се кажува за Исус Христос како за една Личност со две природи, така што по соединувањето, кое се случило со овоплотувањето, природата на Словото не се претворила во природа на телото, ниту природата на телото се претворила во природата на Словото. Цар Јустинијан ја напишал познатата Литургиска химна „Единороден Сине“ што зборува за Синот Божји Кој се овоплоти, беше распнат на Крстот и смртта ја победи, останувајќи и понатаму Еден од Света Троица.

Шестиот Вселенски собор е одржан во Цариград кон крајот на 680 година и почетокот на 681 година. Повод за овој Собор биле монотелитската ерес (μόνο θέλημα = една волја) и моноенергитската ерес (μόνη ἐνἐργεια = една енергија). Поддржувачите на овие учења погрешно сметале дека Господ Христос имал една волја и една енергија. Наспроти нив, Свети Максим Исповедник велел дека во Христос постојат две природи и според тоа две природни волји и енергии, Божествена и човечка. Овие две волји и енергии се во меѓусебно општење и проникнување, а Едната Личност на Христос Богочовекот ги придвижува Своите природни волји и енергии и дејствува во нив.

Седмиот Вселенски собор се одржал во Никеја во 787 година, а како повод му била иконоборната ерес. Иконоборците биле против почитувањето на светите икони во Црквата, тврдејќи дека тоа е грев на идолопоклонство. Бранителите на светите икони, Свети Јован Дамаскин и Свети Теодор Студит, истакнувале дека почитувањето на иконите е можно и правилно, бидејќи Синот Божји примил човечко тело: „Словото стана тело“ (Јован, 1, 14), и затоа како Овоплотен Бог може и да се наслика. Оние коишто ги отфрлале иконите, го отфрлале и Христовото Овоплотување и го сметале за привид и фантазија. Светите икони треба да ги почитуваме и да им се поклонуваме, но не и да ги обожуваме. Поклонувајќи се на Пресвета Богородица и на Светиите изобразени (претставени) на иконите, се поклонуваме на Прволикот – Господ Христос, Кој е темел на секој лик насликан на иконата. Секој Светија е повторен Христос, Кој и според ликот потсетува на Господа Христа. Затоа, поклонувајќи се на Светиите се поклонуваме на Самиот Господ Христос, Кому тие служеле и Кого со својот живот Го прославиле.

Тагови: Првиот Вселенски собор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Словенија на референдум ќе решава за забраната за носење бурки на јавни места

Коалицијата на партиите од парламентарното мнозинство во Словенија поднесе предлози за распишување три консултативни референдуми .

Коалицијата на партиите од парламентарното мнозинство во Словенија поднесе предлози за распишување три консултативни референдуми - за намалување на ДДВ-то за енергија и храна, поедноставување на јавната администрација и забрана за носење бурки на јавни места, објавува словенечкиот портал 24 ур.

Тие би се одржале на истиот ден со законодавниот референдум за законот за развој на Словенија, објавија претставници на Словенечката демократска партија (СДС), Нова Словенија (НСи) и Демократите.

Пратеникот на НСи, Јанез Жакел, изјави дека енергијата и храната се неопходни за живот и дека се очекува нивните цени да се зголемат. Според неговата проценка, намалувањето на ДДВ-то за храната може да доведе до пад на цените од четири проценти, што би им донело заштеди на семејствата од околу 100 евра годишно.

Намалувањето на ДДВ-то за храната е веќе предвидено во законот за развој на Словенија, за кој граѓаните исто така ќе одлучуваат на референдум. Иницијатори од редовите на синдикатите и граѓанското општество собраа повеќе од 40.000 потписи потребни за покренување на постапката.

Претставниците на владејачката коалиција сметаат дека досега имало многу дезинформации за законот во јавната сфера и нагласуваат дека сакаат граѓаните јасно да го искажат својот став за намалување на ДДВ-то за храна и енергија.

Вториот референдум би се однесувал на рационализација на јавната администрација. Пратеникот на СДС, Звонко Чернач, оцени дека непотребните бирократски процедури треба постепено да се намалуваат, а јавниот сектор да се рационализира. Тој, исто така, предложи воведување на уставна одредба со која би се ограничила јавната потрошувачка во однос на бруто домашниот производ, за што би било потребно двотретинско мнозинство.

Чернач ги повика граѓаните да размислат дали јавните услуги се со подобар квалитет денес отколку пред 35 години, кога значително помалку луѓе биле вработени во јавната администрација. Според него, референдумот би ѝ дал на владата јасен сигнал да започне реформи, иако нивното спроведување би одзело повеќе време.

Третиот референдум би се однесувал на забраната за покривање на лицето на јавни места, вклучително и носење бурки.

Шефицата на Демократската парламентарна група, Елена Завадслав Ушај, изјави дека тие предлагаат општо и неутрално правило кое нема да биде насочено против одредена религија, облека или група луѓе, туку да спречи покривање на лицето кога тоа го спречува или значително го отежнува идентификувањето на лицето.

Според неа, законот треба да предвиди разумни и пропорционални исклучоци, вклучително и од здравствени причини, работа, безбедност, временски услови, спорт, култура и традиција.

Жакелј, сепак, отворено рече дека проблемот е бурката. Тој изјави дека, поради зголемената имиграција, важно е јасно да се дефинира што е прифатливо, со очекување дека имигрантите ќе се прилагодат на словенечките обичаи и култура.

Претставниците на владејачката коалиција сакаат сите четири референдуми да се одржат истовремено, но сè уште не откриле датум. Тие оценија дека предлозите се суштински поврзани и дека заедничкото гласање би било попрактично за граѓаните.

Како одговор на критиките на опозицијата дека владата користи законодавни референдуми за да додаде советодавни, Жакелј одговори дека референдумите се најдемократската форма на донесување одлуки.

Завадлав Ушај додаде дека одржувањето заедничко гласање треба да ги намали трошоците и да им заштеди време на гласачите.

На прашањето зошто предлогот на опозицијата за воведување два дена за референдум годишно не беше поддржан претходно, Чернач одговори дека за сè постои вистинско време и потсети дека слична иницијатива претходно била разгледувана во парламентот.

Тагови: бурки словенија

Забава

Бруклин Бекам ѝ посветил 70 тетоважи на сопругата- сега ја покажа најдолгата, на грбот (ФОТО)

Бруклин Бекам покажа голема тетоважа посветена на сопругата Никола Пелц на фотографија направена за време на фитинг за модната ревија на Баленсијага во Париз.

Најстариот син на Викторија и Дејвид Бекам и неговата сопруга пристигнаа во француската престолнина по повод Неделата на модата, а за време на нивниот престој беа само на неколку километри од неговото семејство, со кое е во конфликт. Неговите родители, браќа и сестра исто така беа во Париз за да ја поддржат Викторија на нејзината модна ревија, објавува Дејли Меил.

Љубовно писмо истетовирано на грбот

Бруклин (27) позираше без маица за време на пробата за модната ревија на Баленсијага, а фотографијата ја сподели неговата сопруга Никола (31), со која е во брак четири години. На фотографијата јасно се гледа голема тетоважа на грбот, една од најмалку 70 тетоважи што ѝ ги посветил на својата сопруга.

Станува збор за љубовно писмо што Никола му го напишала непосредно пред нивната свадба, а кое Бруклин решил трајно да го зачува на својата кожа.

„Љубов моја, читај го ова секој пат кога ќе почувствуваш вознемиреност. Сакам да знаеш колку длабоко си сакана. Имаш најпрекрасно срце од сите што сум ги запознал и се надевам дека никогаш нема да морам да поминам ниту еден ден без твојата љубов. Мислам дека си неверојатна“, пишува во првиот дел од пораката.

Писмото продолжува: „Само знај дека заедно можеме да пребродиме сè ако дишиш полека и имаш вера. Те сакам повеќе отколку што зборовите можат да опишат. Со љубов засекогаш, твојата идна сопруга.“

Во ист град, но далеку од семејството

Бруклин и Никола пристигнаа во Париз минатата недела, каде што присуствуваа на модни ревии и уживаа во заедничките излегувања. Во среда, тие имаа романтична вечер и присуствуваа на модната ревија на Баленсијага што се одржа во Тенискиот клуб во Париз.

Иако се појавија на голем број настани за време на Неделата на модата во Париз, Бруклин беше отсутен од модната ревија на неговата мајка Викторија за време на викендот. Додека Дејвид, Харпер, Ромео и Круз Бекам, заедно со девојките на Ромео и Круз, ја гледаа модната ревија на Викторија од првиот ред во париската Консиержи, Бруклин и Никола беа во близина на Лувр.

И покрај фактот дека биле во ист град, немало средба со семејството и засега нема индикации дека нивните нарушени односи би можеле наскоро да се поправат.

Извори тврдат дека станува збор за провокација

Луѓе блиски до семејството се прашуваат дали Бруклин и Никола намерно привлекле внимание за време на нивниот престој во Париз, знаејќи дека и остатокот од семејството Бекам бил таму. Тие исто така истакнуваат дека нивниот престој во градот бил документиран од фотограф од папарацо агенцијата со која вообичаено работат.

„Се чини дека намерно го провоцираат семејството. Човек мора да се запраша дали Никола и Бруклин уживаат во дополнителната тензија. Со помош на папарацо агенција, тие се погрижиле да бидат видени насекаде“, изјавил извор за Дејли Меил.

„Иронично е, се разбира, што Бруклин ги критикуваше своите родители затоа што закажале фотосесија, а сега сè укажува на тоа дека тој и неговата сопруга го прават истото“, додаде тој. Според изворите, помирувањето во моментов не е веројатно. „Без оглед на растојанието меѓу двете страни, нема апсолутно никаква шанса некој да подаде рака за помирување или да се смири во скоро време.“

Викторија му се заблагодари на семејството за нивната поддршка

По ревијата, Викторија објави порака на Инстаграм во која им се заблагодари на семејството и пријателите за нивната поддршка, што некои го протолкуваа како индиректна реакција на отсуството на Бруклин. „До моите пријатели и семејство, се чувствувам благословен што ве имам сите покрај мене“, напиша модниот дизајнер.

Дејвид Бекам, исто така, јавно ја пофали својата сопруга. „Многу сме горди на вас. Уште еднаш покажавте елеганција, страст и убавина преку начинот на кој сакате луѓето да се чувствуваат во вашата облека. Многу сме среќни што можевме да бидеме дел од вашата прекрасна вечер на место кое толку многу го сакаме. Браво, не можеме да бидеме погорди“, напиша тој.

Интересно е што само неколку часа пред модната ревија на Викторија, на Дејвид му се допадна видеото на Бруклин и Никол од модната ревија на Месика. Дејли меил го протолкува тој потег како уште еден обид да се зближи со својот син, но се чини дека досега тоа не доведе до промена во нивниот однос.

Ниту браќата не се сретнаа

Викторија пристигна во Париз дури минатиот петок, 2 октомври, додека помладиот брат на Бруклин, Ромео (24), веќе беше во градот. Во друштво на шпанскиот тенисер Карлос Алкараз, тој се забавуваше во хотелот „Плаза Атене“, на помалку од два километри од местото каде што престојуваше Бруклин.

View this post on Instagram

A post shared by Victoria Beckham (@victoriabeckham)

Сепак, браќата не се сретнаа, што, според изворите, им донесе олеснување на остатокот од семејството. „Ништо добро нема да произлезе од нивната средба бидејќи односите се сè уште исклучително затегнати“, рече изворот.

„Неделите на модата во Париз се многу посебни за Викторија. Таа сака да ја слави својата работа и сака кога нејзиното семејство е со неа. Тоа многу ѝ значи. Секако дека ѝ недостига Бруклин, секогаш ѝ недостига тој на големите семејни собири. И самиот уживаше во нив, но одлучи дека работите треба да бидат вака“, додаде тој.

Семејниот конфликт не стивнува

Бруклин и Никола последен пат присуствуваа на модната ревија на Викторија во септември 2025 година, месеци пред нивното скарање со остатокот од семејството да стане јавно. Емисијата беше снимена за серијата на Викторија на Нетфликс, во која двојката се појави накратко.

Односите оттогаш сериозно се влошија, а еден од настаните што дополнително го продлабочија јазот беше отсуството на Бруклин од сите прослави по повод 50-тиот роденден на неговиот татко. Иако во тоа време беа во Лондон, Бруклин и Никола не му се придружија на семејството на патувањето до лозје во Бордо, големата прослава во семејниот дом во Котсволдс или вечерата во ресторан во лондонскиот Нотинг Хил.

View this post on Instagram

A post shared by ROMEO (@romeobeckham)

Пријателите на семејството тврдат дека крајот на конфликтот сè уште не е на повидок. Тензиите дополнително се зголемија откако Бруклин објави долга порака од шест страници на Инстаграм во која упати низа остри обвинувања против своите родители. Меѓу другото, тој тврдеше дека неговата мајка Викторија го „киднапирала“ неговиот прв танц на свадбата и дека танцувала со него на „несоодветен начин“.

Тагови: Бруклин Бекам

Метео

Утре променливо облачно, ќе има повремени локални врнежи

Времето утре ќе биде променливо облачно, претпладне со сончеви периоди.

Попладне и во вечерните часови ќе има повремени локални врнежи од дожд. Наместа ќе биде нестабилно со пороен и пообилен дожд, појава на грмежи и засилен ветер. Минималната температура ќе биде во интервал од 7 до 15, а максималната ќе достигне од 22 до 28 степени.

Во Скопје, променливо облачно, попладне ќе има повремен дожд. Во делови од котлината ќе биде нестабилно со пороен дожд, појава на грмежи и засилен ветер. Минималната температура ќе се спушти до 13, а максималната ќе достигне до 26 степени.

Под влијание на циклонска активност до средината на следната седмица времето ќе биде променливо облачно со повремени врнежи од дожд. Во недела наместа врнежите ќе бидат пообилни над 20 l/m². Локално процесите ќе бидат во форма на невреме проследени со пороен дожд, засилен ветер и појава на грмежи. Од понеделник ќе дува засилен северен ветер, а дневната температура ќе биде во опаѓање. Во вторник под влијание на постуден бран врнежите на некои од повисоките планини ќе преминат во снег.

Тагови: врнежи од дожд