Македонија

26-годишник убиен во скопски Чаир – двајца напаѓачи пукале од моторцикл и побегнале

Како на филм, дошле со голема брзина на мотоцикл, отвориле оган и по неколку секунди двајцата веќе биле во бегство – синоќа околу полноќ е убиен 26 годишник во скопски Дуќанџик.

Во моментот на нападот, жртвата со уште четворица стоела пред бутик од трговски центар во тесните улички позади Скопската Чаршија. Иако напаѓачите истрелале неколку куршуми, никој од другите не е повреден, а ниту има дупка од куршум во големите стаклени излози пред кои се наоѓале. За инцидентот единствено сведочат трагите од крв кои и денеска се видливи на асфалтот. Чаури од испуканите куршуми се подигнати за вештачење.

-Токму на ова место стоела групата кога наишле двајцата напаѓачи со мотоцикл и отвориле оган кон нив, дали само еден или повеќемина биле мета, засега останува мистерија.

Набргу по нападот, повредениот со итна медицинска помош бил пренесен во ургентниот центар на клиничкиот комплекс „Мајка Тереза“, но и покрај напорите на докторите, починал, бил погоден со еден, фатален куршум во главата по што дошло до мозочно искрварување.

-Во текот на вчерашниот ден, некаде пред полноќ донесен е пациент во критична состојба во ургентен центар, повикан е веднаш анестезиолог, заради тежината и сериозноста на повредите пациентот е веднаш интубиран, и поради целата негова е внесен веднаш во операциона сала, но за жал за кратко време, после интервенцијата, пациентот подлегнува на повредите. - Д-р. Марта Тренева Ничевска – Спец. Анестезиолог на КАРИЛ – ТОАРИЛУЦ

За синоќешниот инцидент, никој од околните продавници и куќи не сакаше да зборува. По двајцата напаѓачи, кои ги искористиле тесните улички брзо да побегнат, се уште се трага, а нивниот мотив засега останува непознат. Во меѓувреме надлежните работат на расчистување на случајот.

-Извршен е увид на самото место, прибрани се траги кои ќе бидат предмет на вештачење, дадена е наредба за обдукција. Се преземаат сите мерки за расветлување на случајот. - ОЈО Скопје

Улицата „Војдан Чернодрински“ само во изминативе година и половина сведочи на три оружени напади. На 14 март лани беше пукано во 16 годишник кој доби прострелна рана во раката, а само месец и половина подоцна беше извршен идентичен напад како синоќешниот. Тогаш среде бел ден двајца напаѓачи, исто така од мотоцикл стрелаа врз 31-годишник кој им подлегна на повредите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Тензично во Тирана: Полицијата со водени топови и солзавец, студентите со бехатон плочки и запалени контејнери (ВИДЕО)

Демонстрантите се судрија со полицијата пред Министерството за образование во Тирана.

Со слоган на кој пишуваше „Рама во затвор, Бериша во затвор“, студентите јасно им ставија до знаење на демократите дека не се поканети на нивниот протест пред Министерството за образование, објави Топ ченел.

Демократските пратеници не заминаа, туку останаа на крајот од протестот, набљудувајќи ги од далечина поддржувачите кои се судрија со оние кои бараа нивниот претседател да биде во затвор.

Попладнево демонстрантите запалија два контејнера, а полицијата одговори со бибер спреј и солзавец. Агресивните демонстранти беа растерувани со водени топови.

Тагови: водени топови Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Епилог на трагедијата во Шпанија: Европското обвинителство поведе истрага за злоупотреба на пари при реновирање на пругата

Европското обвинителство денеска соопшти дека покренало истрага за можна злоупотреба на средствата на Европската унија (ЕУ) за време на реновирањето на пругата меѓу Мадрид и Севиља.

Европското обвинителство денеска соопшти дека покренало истрага за можна злоупотреба на средствата на Европската унија (ЕУ) за време на реновирањето на пругата меѓу Мадрид и Севиља, каде на 28 октомври се случи тешка железничка несреќа во која загинаа 69 лица.

Агенти на Централната оперативна единица (УЦО) на Цивилната гарда пристигнале во седиштето на Управата за железничка инфраструктура (АДИФ), Државната агенција за безбедност на железницата (АЕСФ) и Ревизорскиот суд за да подигнат документи, пренесува „Паис“.

Истрагата е покрената на иницијатива на тоа обвинителство по трагичната несреќа на 28 октомври во Урда.

Ова не е прв пат Европското обвинителство, независно тело задолжено за истрага на злосторства кои ги загрозуваат финансиските интереси на ЕУ, да покрене истрага за работите на тој дел од шпанската железница.

Тоа тело покрена истрага и по железничката несреќа во Адамуз во јануари годинава, кога загинаа 46 лица.

Во двата случаи, фокусот на истрагата е да се утврди како Шпанија искористила субвенција од 111 милиони евра доделена од Брисел во јуни 2024 година за големото реновирање на железничката линија Мадрид-Севилја, која е најстарата брза линија во Шпанија.

Европското обвинителство побара договори и досиеја за работи поврзани со делниците каде што се случија несреќите.

Обвинителството има истражен модел сличен на оној на многу земји на ЕУ, во кои обвинителите ја водат истрагата, додека судијата назначен во Шпанија е единствено одговорен за надзор над напредокот на постапката во согласност со законските гаранции, надзор на мерките што ги ограничуваат основните права, како што се претреси на куќи или прислушување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Застрелан полицаец од блиску пука во напаѓачот во Краков (Вознемирувачко видео)

Драматично видео од полициската интервенција по денешната пукотница на главниот градски плоштад во Краков, Полска, во која загинаа пет лица, а повеќе од десет беа повредени, се појави на социјалните мрежи.

Видеото го објави и полскиот портал Niezależna.pl, наведувајќи дека го прикажува моментот во кој полицаецот пука во напаѓачот.

На видеото се гледа полицаец како стои над маж во маскирна облека и пука во него. Недолго потоа, полицаецот исто така паѓа на земја, веројатно ранет.

Moment wyeliminowania zagrożenia, super postawa policjanta, ale wygląda jako że śmieć był nabity sprzętem Kraków #krakow https://t.co/bBiPXkdhRV
— London Goldynov (@LondonGoldynov) November 7, 2026

Полицијата потврди дека напаѓачот е ранет и уапсен

Полската полиција потврди дека напаѓачот е ранет и уапсен за време на интервенцијата.

„Во инцидентот на главниот плоштад, пет лица загинаа, а повеќе од десет беа повредени. Полицајците го раниле сторителот и тој во моментов е превезен во болница. Интервенцијата на службите на местото на настанот сè уште е во тек“, објави полицијата.

Полицијата, исто така, потврди дека меѓу повредените има полицајци, но сè уште не објавила детали за нивните повреди.

Влегол на плоштадот со автомобил и почнал да пука

Нападот се случил околу 15 часот во историскиот центар на Краков, една од најпосетуваните туристички области во Полска.

Според полициското соопштение, мажот влегол на главниот градски плоштад со автомобил и почнал да пука кон минувачите.

„Во тек е полициска операција на главниот плоштад во Краков. Околу 15 часот, еден маж почнал да пука кон случајни луѓе од автомобилот што го користел за да влезе на плоштадот. Сторителот е уапсен“, објави полицијата.

Првичните информации беа за двајца мртви, но полицијата подоцна потврди дека бројот на мртви се искачил на пет.

Идентитетот на напаѓачот и мотивот за пукањето се уште се непознати. Полицијата продолжува да ги истражува околностите на нападот.

Тагови: краков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.