Забава

Социјален работник: Сите парови би требало почесто да си го поставуваат ова прашање!

Многу парови, иако често се расправаат, признаваат дека нивните конфликти не се за големи проблеми, туку за ситници кои прераснуваат во поголеми расправии, тврди социјалниот работник Роберт Таиби.

Тој објаснува дека главната причина не е самата тема, туку тонот, гестовите и начинот на комуникација кои несвесно ги притискаат чувствителните точки на вашиот партнер.

„Често тоа се емотивни рани од детството, како што се чувствата дека сте критикувани, игнорирани или погрешно разбрани. Кога едниот партнер ќе го повиши тонот или ќе се повлече од расправијата, другиот може тоа да го сфати тоа како отфрлање или контрола, иако реалните причини се различни. Паровите често тврдат дека партнерот постојано „ги вади од такт“ и предизвикува расправии. Но, наместо да се фокусираат на она што сакаат нивниот партнер да престане да прави, важно е јасно да го изразат она што им е потребно“, објаснува овој социјален работник за „Psychology Today“.

Наместо нејасни барања, како „биди поотворен“, подобро е да давате конкретни предлози, како: „Може да ми кажеш како ти помина денот додека вечераме? или „Кога зборуваме за одмор, кажи ми што би сакал ти, наместо само да ми кажеш, добро е“. Колку се појасни барањата, толку помали се шансите за недоразбирања и нови конфликти, вели тој.

„Искреноста и јасната комуникација се важни чекори кон поздрава врска“

За долгорочна стабилност на врската, клучно е да се чувствувате безбедно кога ги изразувате вашите потреби и да можете заедно да ги решавате проблемите.

„Разбирањето на сопствените чувствителни точки и тие на вашиот партнер може значително да го намали конфликтот. Искреноста и јасната комуникација се важни чекори кон поздрава врска. Затоа, клучно прашање што треба да се постави е: „Како сакаш да разговараме за ова - дали сакаш само поддршка или сакаш заедно да смислиме како ќе ја решиме ситуацијата? Или, ајде заедно да ја решиме ситуацијата?“, советува Таиби.

„Иако многу парови брзо учат како да го намалат конфликтот, некои продолжуваат да се заглавуваат на истите проблеми или не успеваат да ги контролираат своите емоции за време на расправиите. Ако расправиите станат премногу интензивни, може да биде корисно да побарате стручна помош", заклучил тој.

Македонија

Протестен марш во Скопје: „Доста бевме ние, системот е следен!“

Под мотото „Доста бевме ние, системот е следен!“, вечерва во Скопје се одржува протестен марш во организација на граѓанската иницијатива „Кој е следен?“...

Протестот започна во 18 часот и 59 минути, симболично за 59-те жртви, на плоштадот Македонија, па продолжи пред Собранието и Владата...

Таму е Дејан Трајковски... Дејан, кои се пораките и барањата на граѓаните?

Свет

Сијарто: Повеќето земји- членки на ЕУ сакаат да продолжи војната во Украина

Унгарскиот министер за надворешни работи Петер Сијарто изјави дека повеќето либерални бриселски лидери сакаат војната во Украина да продолжи.

Унгарскиот министер за надворешни работи Петер Сијарто изјави дека повеќето либерални бриселски лидери сакаат војната во Украина да продолжи, но дека Унгарија останува посветена на својата позиција дека се потребни преговори, врз основа на американско-рускиот договор, за да се запре војната.

Сијарто рече дека Брисел ја покренал идејата за заобиколување на унгарското вето за да може да обезбеди дополнителна помош за Украина. Тој за РТ изјави дека Унгарија во текот на изминатите три години јасно стави до знаење дека нема решение на бојното поле за украинскиот конфликт, кој може да се запре само преку преговори.

„Претходната американска администрација фаворизираше војна, додека претседателот Доналд Трамп сака мир“, рече Сијарто, пренесе агенцијата МТИ.

Тој нагласи дека Унгарија високо ги цени тековните преговори меѓу САД и Русија. Сијарто истакна дека добрите односи меѓу Вашингтон и Москва се добри за глобалната безбедност.

„Светот стана многу побезбедно место благодарение на Трамп. Ризикот од ескалација е далеку помал отколку за време на администрацијата на Бајден“, оцени Сијарто.

Според него, Централна Европа „сега е многу поблиску до мирот отколку кога било во изминатите три години“. Сијарто рече дека лидерите на ЕУ спроведоа „многу лоша стратегија“ од избувнувањето на војната во Украина, нанесувајќи им штета на европската безбедност и економијата. „Секогаш ќе постапуваме во согласност со нашите национални интереси“, рече Сијарто, оценувајќи дека тоа е „непријатно за повеќето европски либерали“, пренесе Телеграф.

Македонија

„Вие сте херои“ и аплауз за медицинските работници од учесниците на протестот

Со аплазуз и скандирање „Вие сте херои“ учесниците на вечерашниот марш, минувајќи покрај Градската болница во центарот на Скопје ги поздравија медицинските работници.

Претходно, пред Собранието упатија повеќе пораки и го исвиркаа. Скандираа: „Убијци“, „Системот е следен“,„Доста беше смрт", „Секој еден, може да е следен"...

Протестниот марш моменто минува покрја хотелот „Холидеј ин“ од каде преку преку мостот „Филип Втори“ и преку булеварот „Гоце Делчев“ треба да пристигне до Владата, каде ќе има собир, 16-минутен молк за загинатите и говори.