Живот

Жена пронашла повреден еж – ветеринарите се запрепастија кога го виделе: „Госпоѓо, ова воопшто не е еж“!

Неназначена Британка, инаку голем љубител на животни, доспеа во медиумите ширум светот благодарение на својот потег кој требало да биде хуман, но се испостави дека е урнебесно забавен. Ако ништо друго, барем многумина добро ги насмеа.

Имено, оваа жена на тротоар пронашла повредено „ежево бебе“, по што ја зела животинката и „целата ноќ бдеела над неа“. Таа го сместила малиот еж, односно она за што верувала дека е еж, во картонска кутија и покрај него ставила садче со храна.

Следното утро жената го однела повреденото суштество во природниот резерват „Lover Moss Wood“ во Чешир, каде што има и болница за диви животни. Но, кога управителката на болницата и ветеринарка Џенет Коце ја отворила кутијата во која се наоѓал ежот, останала без зборови.

One of the funniest headlines I have ever seen

Woman nurses 'baby hedgehog' overnight only to find it's a hat bobble https://t.co/IfZGLOjU70 via @MailOnline
— Justine Rutland (@JustineRutland) March 27, 2024

Ежот всушност воопшто не бил еж, туку влакнеста топка која на некого му отпаднала од капа. Џенет не можела да поверува во тоа што го гледа, а кога ѝ рекла на хуманата жена за што се работи, таа само изговорила: „Се шегувате“, и тоа со длабока засраменост. Наскоро со кутијата во раце срамежливо излегла од болницата, пишува „Daily Mail“.

„Госпоѓата дојде со кутија, кажа дека го пронашла овој еж на тротоарот, дека надвор било студено и дека го земала. Бев многу вознемирена затоа што е премногу рано за ежови бебиња. Ја отворив кутијата и едноставно не можев да поверувам во тоа што го гледам. Помислив: ‘Ова дефинитивно не е еж, можеби е некое друго влакнесто суштество’. Сфатив дека воопшто не реагира на ништо, па го кренав и веднаш почувствував дека тоа воопшто не е еж ниту било какво друго животно. Жената беше навистина мила и имаше добри намери. Ја зеде кутијата од мене и замина доста брзо. Подоцна сето тоа ми беше смешно, но не можев да поверувам што видов“, раскажала ветеринарката.

Сепак, таа напоменала дека постои ситуација кога еж навистина има потреба од помош – а тоа е кога ќе го видите дење на отворено.

„Златното правило е дека ежовите не излегуваат дење, особено не малечките, но таа постапи исправно… единствено што тоа не беше еж. Главно, ако навистина ги забележите дење на отворено, дефинитивно нешто не е во ред и треба да ги однесете во центар за спасување“, заклучила Џенет.

Тагови: ветеринарите еж животни

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк, УС Опен во конкуренција на мешани двојки.

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.