Спогодбата е со обвинетиот Драган Стојанов од Кочани кој се спогоди со обвинителството за три и пол години затвор, а судот на 10 август ја прифати спогодбата иако предвидената казна за ова кривично дело изнесува од 5 до 20 години затвор.

Во судските списи кои ги сподели скопскиот Кривичен суд стои дека Стојанов учествувал во вкупно пет транспорти на марихуана преку границата со Србија или како возач на придружба или како чистач пред транспортот.

Како стои во списите, дрогата при транспортот била прикривана на различни начини. Во неколку наврати таа во камионите била сменета со перници, јоргани и постелнина а еднаш камионот бил пријавен како празен, а всушност имало марихуана која била ставена наместо царинетите тортички, ролати и кори за торта.

Ден по објавувањето на една од двете пресуди за шверцот на пет тони марихуана во јавноста постојат низа дилеми и неодговорени прашања зошто обвинителството се согласило на 3 години и 6 месеци, особено имајќи ги предвид обемот и тежината на дејствијата опишани во пресудата.

Адвокатот Јанаки Митровски објаснува дека спогодувањето дури и кога станува збор за потешки кривични дела како овој со ваков обем е инструмент за поефикасно завршување на постапката, при што судот неретко определува казна и под законскиот минимум.

--За член 215 став 3 предвидена е казна затвор 5 од 20 години, но за ова, како и за сите кривични дела постои институт, за вонерно ублажување на казна, која што е очигледно применет во пресудата за која што прашувате и е донесена со одлука на три и пол години затвор. Не е невообичаена пракса, особено кога има спогодби, да оди под законски минимум и особено кога се работи за неосудувани лица, сега не ги знаеме деталите и не би можел да ви конкретизирам зашто не ги знам деталите од предметот, така да тоа не е крајно невообичаено, инаку судот има право и да не ја прифати – вели Јанаки Митровски – адвокат.

Досегашната практика на Обвинителството покажува дека во вакви предмети одлуките се носат врз основа на прибраните докази, признанието на вина и конкретните околности во случајот, при што може да се договори видот и висината на санкцијата, а конечната оценка дали таа ќе биде прифатена ја дава судот.

Слична разврска имаше и случајот од 2021 со заплена на над 200 килограми маригуна на Плетвар, кога во сорабтока со ДЕА беа уаспени неколкумина меѓу кои и полициски началник од Прилеп.. Од шестмината обвинети, петмина не отидоа на целосно судење, туку склучија спогодби со Обвинителството за висината на казните, исто така под 5 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новите значително повисоки цени на дизелот кој од денеска се продава по цена од 98 денари за литар, и оние на бенизните, кои по вчерашната одлука на Регулаторна, изнесуваат 91,5 денари , односно 93,5 денари по литар за 95ка и 98ца – вчера ги прополнија безнинсиките пумпи, а на социјалните мрежи се појавија и фотографии дека на одредени продажни места поради трошење на залихите одредени деривати не се точат....

Денеска состојбата на терен е поинаква – резерви на горива има, гужви нема. Цените на дериватите по војната на Блискиот исток постојано варираат, како на светските берзи така и кај нас. Преговорите за крај на војната меѓу САД и Иран заглавија, а барел денеска се тргува по цена од над 90 долари. Според економскиот аналитичар Бранимир Јованович, иако цените на нафтата скокнаа, инфлацијата е разгорена, сепак вели иако се предвидуваа црни сценарија во овие 6 месеци од војната искуствоото и не е толку негативно.

„Прво намалена е глобалната побарувачка многу земји почнаа да штедат посебно азиските. Другите земји го зголемија производството, како во Либија, Америка, залихите се на релативно добро ниво. Исто така ако се погледанат глобалните залихи на нафта ќе видите дека тие се намалија за околу 5 % за 6 месеци и тоа не е така страшно. Ако вака продолжи може да се тера уште 10 години додека не се потрошат залихите. “- Бранимир Јованович – економски аналитичар.

Иако очекува стабилизирање, сепак вели креторите на политики во земјава треба зимата да ја дочекаат подготвени бидејќи тие месеци може да предизвикаат потешкотии, доколку евентуално ситуацијата на Блискиот исток се влоши.

„Мора да се пополнат сите складишта, резервит да се кренат на највисоко ниво, затоа што не знаете што ќе се случи во наредните месеци мора да бидете спремни на најлошото доаѓа зима студени денови. И една од мерките кои треба да бидат според мене е и огрнаичување на пумпите....“ - Бранимир Јованович – економски аналитичар.

Вчерашната пресметка на Регулаторна беше направена со намалени акцизи и тоа кај дизелот за 4, и кај бенизните за 2 денари по литар – мерки кои според Јованович, во иднина не би требало да се практикуваат бидејќи вели директниот товар од нив паѓа врз државниот буџет. Како опција при евентуален подолгорочен скок на цените на нафтата, според него една од мерките која ја споменува е замрзнување на цените на дериватите, така според него товар ќе биде порамномерно распределен...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во последните неколку недели вели дека активна комуникација со европските инситууции нема поради летните одмори, но очекува во следниот период интензивни разговори за европскиот пат на Македонија, а дел од нив вели е утрешната средба со чешкиот министер за надворешни работи, Петр Мацинка.

-Имаме дијалог со сите засегнати страни во овој процес, ние со земјите членки на ЕУ, со инсититуциите на ЕУ, коишто се насочени кон изнаоѓање решение во рамките на тие позиции кои Владата ги има претставено пред јавноста. /Сакам да нагласам дека позициите на нашата држава се сосема јасни дека ние очекуваме систем на гаранции од европските институции, очекуваме почитување на реципроцитетот кога се во прашање човековите права и очекуваме да има решение коешто ќе биде насочено кон заштита на нашите позиции поврзани со идентитет, јазик, култура и историја,- Тимчо Муцунски – министер за надворешни работи и надворешна трговија.

Муцунски официјално потврди дека во Софија амбасадор ќе биде Крум Ефремов, кој во моментов е ангажиран во директоратот за економска дипломатија во МНР и е екс амбасадор во Украина, за кој што рече дека е еден од поквалитетните во рамките на министерството. Сепак, министерот поради тајноста на информациите не откри дали во Атина ќе биде испратен Филип Пасху, поранешниот директор на скопски паркинг, кој нема соодветно искуство во дипломатијата.

-Праксата покажала дека предлозите коишто ги имаме пуштено од моментот кога ние ја имавме формирано Владата, над 60 отсто од кандидатите за генерални конзули и амбасадори се професионални дипломати. Значи, не само што се почитува законското решение, туку одиме и над минимумот којшто ние го поставивме на таков висок праг. По прашањето за амбасадор во Атина, бидејќи постапката е во фаза во која е класифицирана. Доколку би коментирал, би направил кривично дело,- Тимчо Муцунски – министер за надворешни работи и надворешна трговија.

Муцунски на прес конференцијата го најави амбасадорскиот совет кој ќе се одржи во четврток и петок во Скопје, седум години по последната физичка средба на македонската дипломатска мрежа. Ќе разговараат за евроатлантската агенда, геополитичките и безбедносните промени, конзултарното работење и економската дипломатија. Тој кажа дека во моментов од вкупно 59 амабасади, Македонија нема свој димпломатски претставник на околу 10 места, а до крајот на годинава ќе се испразнат уште неколку позиции поради истек на мандатите на актуелни амбасадори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.