СДСМ најавува поддршка за власта ако се обезбеди решение што ќе ги деблокира евроинтеграциите - Канал 5

Македонија

СДСМ најавува поддршка за власта ако се обезбеди решение што ќе ги деблокира евроинтеграциите

СДСМ ќе биде конструктивна и ќе даде поддршка на власта во Собрание доколку се најде решение за деблокада на евроинтеграциите, уверува лидерот на партијата Венко Филипче. 

СДСМ најавува поддршка за власта ако се обезбеди решение што ќе ги деблокира евроинтеграциите

На брифинг со новинарите рече дека сепак европските челници при посетите на земјава ни укажале на единствениот излез- преку промена на уставот со вметнување на Бугарите, па тој е песимист дека може да се најде поинакво решение за да се спречи вето од Софија и во иднина.

-Било што кое е прифатливо за нас и за Европа и ќе ја подобри нашата преговарачка позиција, ние ќе го поддржиме. Дали ќе се соочиме со непринципиелна блокада од Бугарија, не знаеме. Што можеме да изгубиме, со што не плаши ВМРО-ДПМНЕ? Јазикот не можат да ни го земат, тој е признат, за работата на Историската комисија, таму се решава со консензус и веќе е постигнат договор за четири историски личности. Никој не може да ни ја земе ни историјата,- Венко Филипче – претседател на СДСМ.

Од друга страна власта тврди дека има активна дипломатска офанзива и нема план „Б“ за Европската Унија. Министерот за надворешни работи Тимчо Муцунски во „Вести плус“ изјави дека една од опциите која била разгледувана се и уставни измени со одложено дејство, со став дека што и да се договори нема да биде отстапено од националните интереси. Преку ноќ вели нема да се најде решението, но најважно е да се елиминираат потенцијалните блокади за идентитетски прашања.

-Јавноста треба да знае дека ние имаме постојано активен дијалог и со европските институции и со земјите членки и со соседна Бугарија. Се уште не сме блиску до решение, но разговараме за решенија. Решенија коишто се во рамки на позициите кои ние повеќепати ги имаме претставено во нашата јавност. Разговараме за повеќе решенија, за коишто, да, ќе потврдам дека едно од потенцијалните решенија за кои сме дискутирале е и моделот на уставни измени со одложна примена, но сеуште не сме стигнати до фаза да имаме решение кое е прифатливо за сите страни. За нас што клучно – предвлидливоста и сигурноста дека нема да бидеме условувани за прашања поврзани со историја, идентитет, јазик, култура,- Тимчо Муцунски – министер за надворешни работи.

Додека од власта очекуваат на крајот од септември Европската Унија да соопшти кој е планот за проширувањето и перспективата на Македонија, лидерот на опозицијата оценува дека токму есента ќе донесе криза на сите полиња. Филипче ја критикува владејачката коалиција за игнорирање на опозицијата во Собранието, и најави дека ќе поднесат интерпелација за спикерот Африм Гаши за кршење на Деловникот, како и за Иван Стоилковиќ за вербални конфликти кои биле на раб на ескалација кога се гласаше реконструкцијата на Владата. За предлог законот за Скопје 2028, Филипче рече дека е скандалозен и пратеничката група на СДСМ ќе го блокира со амандмани.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 34 загинати во експлозија на метан во рудник во Пакистан (ВИДЕО)

Најмалку 34 рудари загинаа во четврток откако експлозија закопа дел од комплекс од рудник за јаглен во покраината Белуџистан во Пакистан, соопштија официјални лица.

Најмалку 34 загинати во експлозија на метан во рудник во Пакистан (ВИДЕО)

Спасувачките операции се во тек за пронаоѓање и извлекување на уште двајца рудари кои беа заробени под земја, изјави Мухамед Фахад, директор за операции на покраинската управа за управување со катастрофи.

Покраинскиот министер за рудници и минерални ресурси, Шоаиб Ношервани, претходно изјави за Ројтерс дека 36 лица биле во урнатиот дел од рударскиот комплекс кога се случила експлозијата. Спасувачките екипи работеле на длабочина од околу 1.200 метри, изјави Мухамед Атиф, главен инспектор за рударство во покраината.

Висок регионален службеник за рударство, Абдул Гани Балох, изјави дека „два меѓусебно поврзани рудници се оштетени во силна експлозија на метан“. Експлозијата се случила во Соранге, оддалечена област во близина на Квета, главниот град на покраината Белуџистан.

Тагови: Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Џорџина објави снимка со Роналдо- сите гледаат во нивните прстени (ФОТО)

Џорџина Родригез и Кристијано Роналдо во последните денови беа видени како носат впечатливи дијамантски прстени, што повторно ги разгоре гласините дека ќе се венчаат овој викенд. 

Џорџина објави снимка со Роналдо- сите гледаат во нивните прстени (ФОТО)

Португалските медиуми објавија дека церемонијата наводно е закажана за сабота во имотот Кинта да Регалеира во Синтра. Сепак, оваа информација сè уште не е потврдена, а многумина се сомневаат во нејзината веродостојност бидејќи, според достапните информации, локацијата е отворена за посетители во текот на викендот, пишува Дејли Меил.

Прстенот привлече внимание

Двојката беше фотографирана како се качува на јахтата на Роналдо на Мајорка во вторник, двајцата носејќи впечатливи прстени. Џорџина, исто така, објави фотографии на Инстаграм на кои таа и Роналдо носат ист накит додека влегуваат во приватен авион. Роналдо го носи својот прстен од минатата година. Првпат привлече внимание со него за време на посетата на тогашниот американски претседател Доналд Трамп, а го носеше и за време на Светското првенство претходно овој месец.

Тој и порано зборуваше за свадба

Новите шпекулации следат по претходната објава на Роналдо дека планира да се ожени со Џорџина по Светското првенство оваа година, на кое Португалија беше елиминирана во осминафиналето од Шпанија. Во разговор со Пирс Морган, тој рече:

„Се надевам дека ќе дојдам на свадбата со победничкиот трофеј“. Додаде дека е целосно сигурен во својата одлука. „Ќе се оженам со неа затоа што верувам дека е вистинско време. Не само затоа што таа е мајка на моите деца, туку и затоа што е личноста што ја сакам најмногу“.

Спонтано запросување

Двојката се сврши во август минатата година по осум години врска, а Џорџина објави на Инстаграм: „Да, да“. Роналдо подоцна откри дека запросувањето воопшто не било планирано за тој момент.

„Беше околу еден часот наутро. Моите ќерки спиеја. Мојот пријател ми даде прстен да му го дадам на Џио, и токму кога ѝ го подавав, две од моите деца влегоа и рекоа: „Тато, ќе ѝ дадеш прстен на мама и ќе ја замолиш да се омажи за тебе“, му рече тој на Пирс Морган.

„Помислив: „Ова е совршениот момент“. Знаев дека еден ден ќе ја запросам, но не планирав да биде токму тогаш“. Фудбалерот додаде дека долго време избирал прстен. „Таа постојано ме прашуваше за прстен бидејќи нејзиниот сон беше да има прекрасен дијамант. Работев напорно и конечно најдов еден што ѝ се допаѓа.“

Семејство и почеток на врската

Роналдо и Џорџина ги имаат ќерките Алана и Бела. Братот близнак на Бела, Анхел, почина кратко по раѓањето. Фудбалерот ги има и близнаците Ева Марија и Матео, кои ги доби со помош на сурогат мајка, и најстариот син Кристијан Џуниор од претходна врска.

Двојката се запознала во 2016 година во Мадрид, каде што Џорџина работела како продавачка асистентка во продавницата на Гучи. Роналдо ја забележал таму за прв пат.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Добредојде во Охрид за српскиот премиер Ѓуро Мацут!

Попладнево во Охрид го пречекав премиерот на Република Србија, Ѓуро Мацут, кој престојува во посета на нашата земја.

Муцунски: Добредојде во Охрид за српскиот премиер Ѓуро Мацут!

Домаќин на посетата е претседателот на Владата, Христијан Мицкоски. Во фокусот на разговорите ќе бидат натамошното унапредување на политичкиот дијалог и продлабочувањето на економската соработка меѓу двете земји.

Охрид, како град со исклучително историско, духовно и културно значење, претставува мост меѓу двете земји и соодветно место за средба посветена на пријателството, добрососедството, регионалната стабилност и соработката, објави на ФБ министерот Тимчо Муцунски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер