Македонија

Молк во Софија по најавите на македонското МНР за институционален одговор согласно Виенската конвенција

Молк од бугарското МНР по реакциите од македонското Министерство за надворешни за провокативните и навредливи изјави на бугарскиот амбасадор Желјазко Радуков, но и на тамошниот министер за внатрешни работи Демерџиев за случајот со Ива Михаилова.

Изјавата на Радуков дека би бил изнанден ако македонските власти не знаеле за заминувањето на Михаилова од Македонија, од македонското МНР ја оценија и како дирктнно мешање во внатрешните работи на земјава, а тоа јасно му било укажано и на вршителот на должност во бугарската амбасада кој вчера беше повикан на разговор во МНР. Премиерот Мицкоски одби да ги коментира ваквите изјави на Демерџиев и Радуков, иако потенцираше дека имал што да им одговори.

Ваквата реторика од бугарската страна, според аналитичарите ќе продолжи па дури и ќе се заоаструва бидејќи официјална Софија го политизира случајот со Михилова. Според Петар Арсовски можно и прогласување на бугарскиот амбасадор за персона нон-грата во земјава согласно Виенската конвенција за дипломатски односи.

„Не очекувам деескалација на таа реторика брзо и очекувам дека ќе биде тешко да се оствари нормален разговор по димпломатски канали со Софија во догледно време, односно се додека не спласне овој случај. Во основа на македонското МНР мустојат на располагање повеќе мерки од формална протесна нота до подигање на протесна нота на ниво на МНР со МНР, до посериозни импликации за вршителот на должност, ако се смета дека тој ги пречекорил дипломатските протоколи согласно Виенската конвенција дури и до прогласување за персона нон-грата. Повеќе од тоа не може да се оди бидејќи сепак тоа е реторички, а не дипломатски инцидент“– Петар Арсовски, политички аналитичар.

Бугарската министерка за наворешни Петрова Чамова пак не ја спомена реакцијата од Македонското МНР, а во однос на евроинтеграциите на земјава порача дека била потреба поголема политика воља од македонска страна.

Инаку бугарскиот министер за внатреши Демерџиев во поткаст за тамошните медиуми посочи дека не планираат ниту да ја бараат, ниту да ја испорчаат Михаилова во замјава, додека бугарскиот амбасадор Радуков изрази сомнежи за тоа како Михаилова успеала да ја напушти Македонија, но порача дека го разбирал нејзиот очај поради ниската доверба во македонските институци. Токму вакава изјава е оценета како мешање во внатрешните работи на земјава од страна на македонското МНР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Промовирана платформата „ЕКОСКОПЈЕ“: Граѓаните полесно ќе може да пријавуваат еколошки проблеми

Диви депонии, расфрлан отпад и полни контејнери – проблеми кои скопјани отсега ќе можат да ги пријават со само еден клик.

Младите ја создадоа „ЕкоСкопје“, дигитална платформа преку која пријавите треба директно да стигнуваат до надлежните служби.

Како функционира платформата и како граѓаните ќе можат да пријавуваат проблеми, дури и анонимно, објаснува 18-годишниот Андреј Божиновски, кој стои зад нејзината техничка реализација.

„Пред се да се поттикне пријавување на овие проблеми и да не се оди на оној класичен начин преку социјални медиуми кадешто ќе биде ајде да напишеме одреден пост за полни контенјери или слично...На самата апликација вие веднаш ќе може да си пријавите и веднаш знаете дека ќе стигне до правилното место без да треба препраќа, без да треба да се оловлекува таа постапка, надлежните служби одма ќе имаат увид и ќе постапат. Пријавувањето може да биде анонимно, може да биде и со профили“,-– Андреј Божиновски.

Освен пријавување на еколошките проблеми, платформата ќе овозможи и следење на тоа колку брзо надлежните служби реагираат. Градоначалникот на Скопје, Орце Ѓорѓиевски, посочува дека на овој начин граѓаните ќе имаат подобар увид во постапувањето на институциите, а ќе се зголеми и транспарентноста на Град Скопје.

„Тука ќе се види брзата реакција на Градот Скопје и на службите. Ако се работи за депонија покомплицирана работа ќе треба неколку денови да се сработи истата, но кога се работи за одредени ситни пропустиц тогаш ќе можеме веднаш да постапиме со службите и да дадеме конкретен резултат.Ова ја зголеми транспарентноста на Скопје, ние влеговме како град во процес на целосна дигитализација .. Нешто што целосно недостасуваше во минатото“-Орце Ѓорѓиевски.

Дополнително, во однос на комуналната хигиена, Ѓорѓиевски тврди дека со ставањето во функција на новите камиони, службите поефикасно се справуваат со проблемите на терен.

Посочи дека за 11 месеци се набавени 3.300 нови контејнери, а за следната година најави набавка на уште 20 камиони за одржување на комуналната хигиена.

Исто така „ЕкоСкопје“ нема да служи само за пријавување отпад и диви депонии. Преку платформата граѓаните ќе можат да го следат и квалитетот на воздухот во главниот град, со податоци од официјалните и приватните мерни станици.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Нови 100 амбулантни возила добива итната медицинска помош во државата, преговори за уште 50 дополнителни

Брзата помош доби 100 нови возила, интервентните возила се со подобар квалитет во делот на ЕКГ, респираторна поддршка, дефибрилатор, изјави министерот за здравство Сашо Клековски.

Во моментот на целата територија има 100 возила, но 40 од нив не се во употреба. Освен новите возила, ќе има нови вработувања а најдефицитарни се возачите на брзата помош.

Премиерот Христијан Мицкоски најави дека и во наредената година ќе има нови 50 возила на брзата помош и изградаба на новиот клинички центар.

Како новини во брзата помош е најавено брзата помош да биде одвоена како посебна институција од здравствениот дом со цел да има подобра ефикаснот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Одложено е денешното рочиште за Државна лотарија поради остуство на сведок

Одложено првото рочиште за Државна Лотарија откако Артан Груби пред една недела излезе и од куќен притвор – сведок на обвинителството не се појави во судница.

Станува збор за Надије Хоџа, вработена во државна лотарија, која вчера ги известила обвинителите дека денеска ќе оди на службено патување. По ова, судијката Билјана Шуплиновска-Јовевски го одложи рочиштето, следното судење е веќе утре, но Хоџа повторно нема да се појави во судницата.

Поради ова, судот го задолжуи обвинителството да го обезбеди сведокот на судењето закажано за 30 октомври.

Покрај тоа што судот ќе почека Хоџа да се појави како сведок, од претходно Владо Петковски, директорот на секторот за приредување на игри на среќа беше прогласен за непријателски сведок на обвинителството, иако беше предложен од нивна страна.

Обвинителите велат дека истражуваат дали врз Петковски имало некакво влијание бидејќи тврдат дека пред судот го сменил исказот, но генерално посочуваат дека се задоволни од досега дадените искази на нивните сведоци.

– Тој беше испитан во обвинителството како осомничен, беше предложен како сведок во делот на набавката на ВЛТ апаратите, а од нему познати причини одлучи да го промени исказот којшто го имаше дадено во обвинителството . Вториот сведок имаше неколку клучни моменти коишто мислиме дека се битни за предметот. Иако ова е предмет којшто генерално е базиран на материјална документација како доказим меѓутоа сведоците даваат неколку поврзници на тие докази, вториот сведок имаше неколку клучни моменти кои сметаме декао дат во корист на теоријата на одбраната,- изјави Даниел Коцев, обвинител во случајот „Државна лотарија“.

На утрешното рочиште треба да се појави нов сведок на обвинителството, додека Хоџа и уште еден вработен во државна лотарија, во судницата ќе се појават на 30 октомври.

Покрај поранепшниот прв вицепремиер Артан Груби, за проневери од 9,7 милиони евра во државна лотарија обвинет е и екс директорот Перпарим Бајрами и уште 6 лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.