Родителите на Милош Биковиќ двапати се венчале и се разделувале –актерот искрено за семејствотo - Канал 5

Шоу биз

Родителите на Милош Биковиќ двапати се венчале и се разделувале –актерот искрено за семејствотo

Еден од најпознатите актери од помладата генерација, Милош Биковиќ, кој има успешна кариера и во Србија и во Русија, потекнува од нетипично семејство. 

Родителите на Милош Биковиќ двапати се венчале и се разделувале –актерот искрено за семејствотo

Неговите родители два пати се венчале и се разведувале, а тој и неговиот 16 години постар брат, кој е игумен во манастир, се родени во двата брака на истите родители.

Кога се родил, вели тој, неговите веќе биле разведени по втор пат. Дури подоцна, кога растел, „сфатил колку е тоа бизарно“.

„Тие навистина се сакаа, но не умееја еден со друг. Тоа е лекција за мене, дека човек треба да научи да постои со таа личност што ја сака, да работи на тоа, тоа е одрекување “, вели тој и заклучува дека еден човек мора да се откаже од некој дел од себеси за да може да создаде простор за другата личност.

На прашањето колку му значи духовноста, која со задоволство ја нагласува како негова вредност и потреба, Биковиќ вели дека кога се запишал на факултетот, го прашале: „Зошто се занимавате со ова?“.

"Сфатив, ако ја кажам вистината, ќе звучи инфантилно. Вистината е, сакам да сум во центарот на вниманието, да ме гледаат и да го контролирам тоа што го чувствувате, да бидам некој друг, да чувствувам како егото да ми е надуено и така натаму. Сфатив дека ова звучи многу грдо, штета што е вистина. Морам да ја променам таа вистина... Морам да го променам односот кон тоа и кон себеси. Потоа сфатив, што може да биде тоа друго. И тогаш реков: „Тоа е затоа што сакам да играм, што исто така е вистина. Нешто помалку грда од претходната“, рече Милош во емисијата „Во свој филм “.

Моментално е ангажиран во нов филм на легендарниот режисер Слободан Шијан, кој ги режираше филмовите „Маратоните го трчаат почесниот круг“ и „Кој пее таму“. По седумнаесет години, Шијан снима нов филм и токму Биковиќ ја игра главната улога во него.

Станува збор за црна комедија, жанр во кој Шијан е мајстор, открива Биковиќ, додавајќи дека соработката со Шијан е прекрасна, „без оглед на тоа што е во сериозни години“.

Биковиќ веќе сними 12 филмови и десет сезони на различни серии во Русија. Тоа му донесе статус на вистинска sвезда во Русија, Тој исто така доби државјанство и главна награда на Руската Федерација, која се доделува на уметници, а лично му ја врачи Владимир Путин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судењето за дискотеката „Пулс“

Денеска продолжува судењето за дискотеката „Пулс“. 

Денеска продолжува судењето за дискотеката „Пулс“

Судскиот процес го води судијката Дијана Груевска-Илиевска, а обвинението го застапува тим од 15 јавни обвинители.

Пожарот во дискотеката „Пулс“ во Кочани се случи на 16 март 2025 година за време на концерт на групата ДНК. Во трагедијата загинаа 63 лица, а над 200 беа повредени, што претставува една од најтешките несреќи во поновата историја на државата,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

МНТ: Награда за режија за Нела Витошевиќ и три признанија за „Змеј“ на меѓународната сцена

Претставата „Змеј“, во режија на Нела Витошевиќ и продукција на Младинско гледалишче од Љубљана (МГЛ), освои три награди на Меѓународниот фестивал „Театар на раскрсница“. 

МНТ: Награда за режија за Нела Витошевиќ и три признанија за „Змеј“ на меѓународната сцена

Жирито, предводено од Ирфан Менсур, ѝ ја додели наградата за најдобра режија на Нела Витошевиќ. Признанието за најдобра сценографија му припадна на Игор Васиљев, а за најдобра костимографија беше наградена Јелена Проковиќ.

Витошевиќ ја истакна важноста на заедничкиот придонес на сите учесници во создавањето на претставата, упатувајќи благодарност до директорката на МГЛ, членовите на жирито, актерскиот ансамбл, како и до авторскиот и техничкиот тим. Таа нагласи дека успехот е резултат на посветеноста и соработката на целата екипа.

Најновата режија на Витошевиќ во нејзиниот матичен театар, Македонскиот народен театар, е претставата „Три сестри“ - современо сценско читање инспирирано од истоименото дело на Чехов, кое наиде на одличен прием кај публиката.

Интересот за претставата го потврдува и исполнетата сала на секоја изведба, позиционирајќи ја како едно од најактуелните остварувања на репертоарот на МНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ.

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ, на која беа разгледани билатералните односи меѓу двете земји, како и можностите за унапредување на меѓусебната соработка.

Посебен акцент беше ставен на трговската размена и економската соработка, особено во областа на транспортната политика и инфраструктурното поврзување.

На средбата, министерот ги претстави развојните политики на Владата и плановите за подобрување на инфраструктурната поврзаност во регионот.

Николоски нагласи дека Македонија претставува поволна дестинација за инвестиции и претставува порта за поврзувањето со Централна Европа.

Во таа насока, беше истакнато дека присуството на голем број турски компании кои инвестираат во земјава претставува потврда за развиените пријателски односи меѓу двете држави, како и за потенцијалот за натамошно унапредување на економското партнерство.

Соговорниците ја потврдија важноста на продолжувањето на соработката меѓу Македонија и Турција во повеќе области, со посебен акцент на економијата, поврзувањето на граѓаните и развојот на туризмот.

Во делот на туризмот, беше нагласено дека постојат огромни потенцијали за поврзување меѓу двете земји, со цел поттикнување на туристичките посети и продлабочување на меѓусебните врски.

Средбата претставува можност за зајакнување на партнерството меѓу Македонија и Турција, во интерес на економскиот развој, новите инвестиции и унапредувањето на севкупните билатерални односи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер