Златна лира 2026-Сабота, 24 октомври, 20 часот, Музеј на македонската борба - Канал 5

Култура

Златна лира 2026-Сабота, 24 октомври, 20 часот, Музеј на македонската борба

Вечер на виолина и пијано со Момчило Куфојанакис и Весна Ангелова Христов, долгогодишни камерни партнери со бројни заеднички настапи во Македонија и на меѓународната концертна сцена. 

Златна лира 2026-Сабота, 24 октомври, 20 часот, Музеј на македонската борба

Концерт на Момчило Куфојанакис - виолина, Весна Ангелова Христов - пијано. Сабота, 24 октомври, 20 часот, Музеј на македонската борба.

Вечер на виолина и пијано со Момчило Куфојанакис и Весна Ангелова Христов, долгогодишни камерни партнери со бројни заеднички настапи во Македонија и на меѓународната концертна сцена. На програмата се деца од Моцарт, Витали, Тартини, Стојков и Шуберт.

Момчило Куфојанакис основното и средното музичко образование ги завршува во ДМБУЦ „Илија Николовски – Луј“ во класата на проф. м-р Ерхан Шукри. Дипломира на Факултетот за музичка уметност во Скопје, во класата на проф. м-р Михаило Куфојанакис, со највисока оцена cum laude. Двегодишните магистерски студии ги завршува во 2015 година на Државниот конзерваториум „А. К. Глазунов“ во Петрозаводск, Русија, во класата на заслужниот артист на Русија и народен артист на Република Карелија проф. Климентиј Јосифович Векслер, повторно со највисока оцена.

Во текот на образованието се усовршува кај Ирина Головина, Ара Богданјан, Благородна Танева и Евгенија Чугаева. Учествува на 14. Интернационален мастер-клас „Аркутино“ во Приморско во 2005 година под раководство на Минчо Минчев, на интензивни мастер-класови кај проф. д-р Ино Мирковиќ во Меѓународниот центар „Е-Вивалди“ во Венеција во 2009 и 2010 година, на European Summer Music Academy во Приштина во 2012 година, а во 2014 година и на мастер-класови кај Александар Зиновјевич Бондурјански, Дора Шварцберг и Игор Малиновски во рамките на Dresden Meisterkurse Musik.

Од 2004/2005 година развива континуирана рецитална дејност во Скопје и во повеќе градови низ Македонија, често во соработка со пијанистката Весна Ангелова-Христов. Настапува како солист со Македонската филхармонија во 2005 и 2008 година, со гудачкиот оркестар „Арко“ во 2007, Мандолинскиот камерен оркестар – Скопје во 2008, Симфонискиот оркестар при ФМУ во 2008 и 2011 и со „Скопски солисти“ во 2012 година. Во Русија се претставува со рецитал во 2013 година, со изведба на Концертот за виолина од А. К. Глазунов, камерни концерти во 2014 и со целовечерен магистерски концерт во јуни 2015 година. Настапува и на „Скопско лето“, ДАМ во Приштина, „Есенски музички свечености“, „Новаљско глазбено лето“, „Опатијско културно лето“ и во Омишаљ на островот Крк, каде во 2010 година соработува со руската пијанистка Наталија Маричева.

Посебно место во неговата меѓународна биографија имаат настапите во Софија: во 2008 година во КИЦ на Република Македонија изведува Бахови двојни концерти со виолинистот Михаило Куфојанакис и пијанистот Тодор Светиев, настап кој бугарската критика го карактеризира како вечер на великани на баховата интерпретација; следната година се враќа со рецитал во камерната сала „Бугарија“. Во 2016 година гостува во Кина со три концерти со хармоникашот Александар Коловски и е член на меѓународно жири на фестивалот во Харбин, а истата година настапува на Франкофонскиот фестивал „Soleil“ во Созопол. Во 2017 година со Весна Ангелова-Христов реализира целовечерен рецитал во Македонскиот културен центар во Њујорк; во 2018 година заедно го основаат Трио „Aperto“ и настапуваат на „Скопско лето“. Следуваат концерти во Скопје, Велес, Куманово, Истанбул, Тирана и Струмица, како и настапи на „Златна лира“ во 2020 и 2023 и на „Есенски музички свечености“ во 2021 година.

Критиката посебно го препознава неговиот афинитет кон лирскиот репертоар. Во осврт на концертот „Encores“ на „Златна лира“ 2020, Викица Костоска Пенева го издвојува неговото изразено вибрато, течните трилери, чувството за динамичка градација и сериозноста во делата на Изаи и Блох, а неговиот израз го опишува како „вокална“ интерпретација на виолинската линија. Во репертоарот на Куфојанакис се застапени Бах, Бетовен, Брамс, Вјењавски, Сарасате, Моцарт, Хендл, Паганини, Прокофјев, Дебиси, Сук и Барток, како и македонските автори С. Стојков, А. Џамбазов и М. Трендафиловски; има освоено и повеќе награди на државни и меѓународни натпревари.

Фото: Приватна архива

Весна Ангелова Христов основното и средното музичко образование ги завршува во Скопје во класата на проф. Павлина Среброва. На седумнаесетгодишна возраст е примена на Факултетот за музичка уметност, каде дипломира пијано со највисока оцена во класата на проф. Борис Романов. Магистрира пијано-интерпретација на ФМУ под менторство на реномираната пијанистка и педагог Рита Кинка од Академијата на уметности во Нови Сад. Во текот на школувањето е добитничка на многубројни државни и меѓународни награди и признанија: специјална награда на меѓународен натпревар во Нови Сад, диплома од натпреварот во Етлинген, Германија, како и специјални и први награди на државните натпревари по пијано и камерна музика.

Во 2008 година добива стипендија за културен престој во Cité internationale des arts во Париз. Се усовршува на меѓународни мастер-класови кај Борис Романов, Рита Кинка, Антон Диков, Јокут Михајловиќ и Јаромир Клепач, а како стипендист на Музичка младина на Македонија учествува и на мастер-клас во Вајкерсхајм, Германија.

Како солистка и камерен музичар настапува во Македонија, Косово, Србија, Бугарија, Хрватска, Франција, Германија, Турција, Чешка и САД. Нејзината концертна биографија ги вклучува „Денови на македонска музика“, „Златна лира“, „Охридско лето“, „Скопско лето“, ДАМ и Chopin Fest во Приштина, Франкофонскиот фестивал „Soleil“ во Созопол и Fête de la musique во Париз.

Повеќепати настапува како солистка со Македонската филхармонија, а изразениот афинитет кон камерната музика ја води кон формирање пијано-дуо и, во 2018 година, кон основање на Трио „Aperto“ со виолинистот Момчило Куфојанакис. Како пијано соработник особено често работи со виолинисти, поддржувајќи млади музичари на натпревари, семинари и концертни подиуми.

Во рецензијата за концертот „Encores“ на Куфојанакис и Ангелова Христов на „Златна лира“ 2020, критиката ја опишува пијанистката како „уверлива и сигурна“ и како достоен партнер во обликувањето на заедничкиот настап, а кај лирските пиеси го издвојува усогласениот интензитет меѓу виолината и пијаното и внимателното градење на динамичките нијанси (Викица Костоска Пенева, СМУМ). Ангелова Христов работи како професор по пијано и камерна музика во ДМБУЦ „Илија Николовски – Луј“, членува во комисии на државни натпревари и е надворешен соработник на Македонската филхармонија и Факултетот за музичка уметност во Скопје.

Влезот е слободен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Четири мечки до смрт растргнале мајка и ќерка – со ДНК анализа е утврден ужасот на нападот

Трагично пешачење во канадската покраина Британска Колумбија заврши со смртта на мајка и нејзината ќерка, кои беа нападнати од четири гризли мечки. 

Четири мечки до смрт растргнале мајка и ќерка – со ДНК анализа е утврден ужасот на нападот

Истражителите користеа ДНК анализа за да потврдат кои животни стојат зад ужасниот напад, а експертите се сомневаат дека жените биле плен, што го прави овој случај особено редок, објави Би-Би-Си.

Џенифер Балкарас (48) и нејзината 20-годишна ќерка, Села Рид, отидоа на кратко попладневно пешачење на почетокот на ноември во областа Вајт Касл во западна Канада. Кога не се вратија дома, нивното семејство пријави дека се исчезнати.

Потрагата заврши трагично. Телата, или поточно останките, на двете жени беа пронајдени во близина на планинарска патека, на околу 150 метри оддалеченост.

По нападот, истражителите зедоа примероци од ДНК од животните за кои се сомневаше дека учествувале во трагедијата. Резултатите потврдија дека четири гризли мечки - возрасна женка и нејзините три младенчиња, стари околу една година, се одговорни за смртта на мајката и ќерката.

Сите четири мечки подоцна беа еутанизирани за да се заштити јавноста, соопшти Службата за заштита на Британска Колумбија (BCCOS).

Истрагата, исто така, откри особено вознемирувачка можност - дека нападот не бил резултат на изненадувачка средба или одбранбена реакција од страна на животните, туку дека мечките ги сметале жените за плен.

„Нашата истрага, исто така, покажа дека ова веројатно бил предаторски напад, за кој можам да ви кажам дека е многу редок“, изјави инспекторот на BCCOS, Џеф Тајр, за АП.

Експертите велат дека ваквите напади се исклучително невообичаени, бидејќи мечките генерално не напаѓаат луѓе за да ги јадат.

Според проценките на Министерството за животна средина, земјиште и паркови на Британска Колумбија, во канадската покраина живеат помеѓу 10.000 и 13.000 гризли мечки. Видот е наведен како загрозен во покраината.

Средбите меѓу луѓето и гризли мечките што завршуваат со напади се релативно ретки, но ризикот се зголемува кога луѓето го изненадуваат животното или кога тоа ги брани своите младенчиња или извор на храна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника среде лет: Се заканувал со бомба, па се обидел да влезе во пилотската кабина, авионот итно приземјен (ВИДЕО)

Дражавјанинот на Хондурас, Рони Александар Гомез-Алберто, кој двапати бил депортиран од Соединетите Американски Држави, бил уапсен откако наводно се обидел да влезе во пилотската кабина на авион на „Јунајтед ерлајнс“ и тврдел дека има бомба. 

Паника среде лет: Се заканувал со бомба, па се обидел да влезе во пилотската кабина, авионот итно приземјен (ВИДЕО)

Инцидентот се случил во понеделник вечерта за време на летот од Њуарк до Њу Орлеанс, а неговото однесување ги натерало пилотите да издадат предупредување за киднапирање, објави „Фокс њуз“.

Летот 2174 безбедно слета на меѓународниот аеродром „Луис Армстронг“ во Њу Орлеанс, каде што го пречекала полицијата. Гомез-Алберто подоцна бил уапсен, а Министерството за внатрешна безбедност на САД потврдило дека е обвинет за обид за влегување во пилотската кабина.

Според одделот, Службата за имиграција и царинска контрола (ICE) поднела барање за негово притворање по неговото апсење.

„На 10 ноември 2026 година, ICE поднела барање за притворање на Рони Александар Гомез-Алберто, државјанин на Хондурас кој нелегално е присутен во Соединетите Американски Држави, откако се обидел да влезе во пилотската кабина за време на летот“, изјавил портпарол на Министерството за внатрешна безбедност за „Фокс њуз“.

Според американските власти, Гомез-Алберто првпат бил уапсен во септември 2011 година откако нелегално ја преминал границата во близина на Ел Индио, Тексас. Тој бил повторно уапсен во октомври 2014 година, во близина на Колумбус, Ново Мексико. По двете апсења, тој бил депортиран од Соединетите Американски Држави.

Тој повторно бил уапсен од страна на Граничната патрола во 2019 година откако се обидел нелегално да влезе во земјата во близина на Сан Исидро, Калифорнија. Сепак, тој бил ослободен од притвор во јануари 2020 година откако судија за имиграција наредил негово ослободување во исчекување на постапката за депортација.

Локалните медиуми, повикувајќи се на Канцеларијата на шерифот на округот Џеферсон, објавија дека осомничениот е обвинет и за пренесување лажни информации за планирано палење и терористичка закана, како и за нарушување на јавниот ред.

Министерството за внатрешна безбедност конкретно изјави дека тој упатил закана со бомба за време на летот, што предизвикало тревога кај екипажот и патниците.

Јунајтед ерлајнс потврди дека авионот слета безбедно и дека полициските сили го пречекале авионот по пристигнувањето.

„Летот 2174 на „Јунајтед“ од Њуарк до Њу Орлеанс слета безбедно по инцидент во кој беше вклучен еден патник. Полицијата го пречека авионот по пристигнувањето“, соопшти компанијата.

Авионот „Боинг 737 MAX 9“ превезуваше 46 патници и шест члена на екипажот.

Портпаролот на Министерството за внатрешна безбедност изјави дека властите ќе продолжат да преземаат мерки против лицата кои се нелегално во Соединетите Држави и кои вршат кривични дела.

Тагови: авион Бомба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена е прегазена за време на кражба на автомобил- разбојникот ја остави во критична состојба (ВИДЕО)

Неидентификувана жена е сериозно повредена кога разбојник ја прегазил за време на кражба на автомобил во вторник наутро (10 ноември) во населбата Бара Фунда, во западниот дел на Сао Паоло. 

Жена е прегазена за време на кражба на автомобил- разбојникот ја остави во критична состојба (ВИДЕО)

Таа претрпела тешка трауматска повреда на мозокот, морала да биде интубирана и била однесена во болницата Санта Каса.

Безбедносна камера го снимила моментот кога осомничениот разбојник се приближил до жртвата, ја презел контролата врз автомобилот и ја прегазил додека бегал, објави „Глобо“.

Злосторството се случило на улицата Хозе Крис, во близина на плоштадот Паскоал Мартинс и авенијата Маркес де Сао Висенте. Воената полиција била повикана околу 6:35 часот наутро.

Видеото го прикажува разбојникот како се приближува до жената, која штотуку излегла од аптека и влегувала во својот автомобил.

Осомничениот ја преминува улицата и се крие зад дрвја, чекајќи жената да влезе во возилото. Потоа ѝ се приближува и седнува на задното седиште.

Кога го забележува нападот, жената излегува од возилото. Разбојникот потоа седнува на возачкото седиште, но жртвата се обидува да го спречи грабежот. Следува физичка пресметка, при што мажот ја турка. Таа паѓа и ја удира со главата на земја. Потоа крадецот го става автомобилот во рикверц и ја удира со својот автомобил.

Луѓето на блискиот паркинг се обидуваат да го спречат да избега, викајќи му да застане, но осомничениот успева да избега со автомобилот.

Вработен на паркингот, кој бил сведок на инцидентот, рекол дека жената се обидела да ја зграби вратата од автомобилот за да го спречи крадецот да избега.

„Таа се обидела да ја повлече вратата, но тој успеал да се врати во рикверц токму кога таа ја зграбила. Потоа била фрлена назад со сета сила, ја удрила главата и ја изгубила свеста“, рекол сведокот.

Според него, луѓето на местото на настанот истрчале за да го спречат возачот да ја прегази жената.

„Трчавме за да не ја прегази. Малку забавил, потоа малку забрзал и скршнал, но и покрај тоа, гумата сепак ја зафатила главата. Потоа продолжил да вози“, рекол сведокот.

Жената била однесена во болница со тешка трауматска повреда на мозокот и крварење од увото. Таа мораше да биде интубирана пред да биде префрлена во болницата Санта Каса во Сао Паоло.

До последното ажурирање, немаше информации за тоа каде се наоѓа крадецот и украдениот автомобил.

Тагови: автомобил разбојник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер