Оливер Ропке за ЕНР: Дезинформациите се опасни по демократија и довербата во институциите - Канал 5

Свет

Оливер Ропке за ЕНР: Дезинформациите се опасни по демократија и довербата во институциите

Тој вели дека иницијативата „Граѓаните можат да ги победат дезинформациите“ започнала во Молдавија и Бугарија, но наскоро ќе се прошири и во други држави, почнувајќи од Португалија. 

Оливер Ропке за ЕНР: Дезинформациите се опасни по демократија и довербата во институциите

Европскиот економски и социјален комитет (ЕЕСЦ) започна иницијатива насловена „Граѓаните можат да ги победат дезинформациите“, во чии рамки заедно со граѓанските организации, социјалните партнери и новинарите работи на зајакнување на општествата во земјите членки и во државите кандидатки за членство во ЕУ, кои се силно погодени од дезинформации, најави претседателот на ЕЕСЦ, Оливер Ропке во интервју за Европската новинска редакција (ЕНР) од која дел е и МИА.

- Кога станува збор за дезинформациите, имаме два големи играчи кои се подеднакво опасни за довербата во институциите и во демократијата. Тоа се актери спонзорирани од странски држави. Знаеме дека тие на координиран начин шират дезинформации и погрешни информации во нашите земји, во Европската Унија, но тие често работат рака под рака со домашните актери. Затоа мислам дека и двата се штетни за нашата демократија и ја еродираат довербата во нашите демократски институции, истакна Ропке.

Во стратегиите на овие актери, според него, може да се види дека ширењето на дезинформации често е комбинирано со напади врз сексуалните малцинства, припадниците на ромската заедница или врз жените, кога станува збор за родови прашања.

- Можеме да видиме дека овој вид дезинформации се повеќе и повеќе се комбинира со кампањи, дури и кампањи на клевети против малцинствата, а особено кога станува збор за жените. Ние мора да се бориме против ова. Затоа, ние како ЕЕСЦ, предлагаме многу иницијативи заедно со институциите за борба против овој вид дезинформации, нагласи Ропке.

Тој додава дека иницијативата „Граѓаните можат да ги победат дезинформациите“ започнала во Молдавија и Бугарија, но наскоро ќе се прошири и во други држави, почнувајќи од Португалија.

- Мислам дека во овие времиња, во овие проблематични времиња, поважно од кога било досега е да застанеме зад нашите демократски вредности и да ги поддржиме демократските вредности за кои се залагаме, потенцира првиот човек на Европскиот економски и социјален комитет (ЕЕСЦ).

Според Ропке, големите технолошки компании, а пред се онлајн платформите, може да играат клучна улога во борба против дезинформациите и лагите и треба да се обезбеди тие да бидат бранители на нашите демократии и на нашите демократски вредности.

Тој додава дека за ограничување на дезинформациите потребна е правна регулаторна рамка, како што е Законот за дигитални услуги на ЕУ, за кои некои структури тврдат дека ја ограничува слободата на изразување.

- Мислам дека не станува збор за цензура на мислењата. Напротив, станува збор за обезбедување слободна дебата, слободна дебата заснована на факти и на добро информирани актери. Станува збор за почитување на правилата. Актер кој не ги почитува правилата и не го почитува Законот за дигитални услуги мора да биде санкциониран, смета Ропке.

Тој оценува дека во тој правец е и Законот за вештачка интелигенција, кој го поддржува воведувањето на сите нови технологии, но во исто време инсистира на целосно почитување на етичките правила и на демократските вредности.

Според него, првите искуства со вештачката интелигенција покажуваат дека таа може да биде моќна алатка во борбата против дезинформациите, но во исто време и да претставува закана за креирање на лажни информации.

- Затоа мислам дека мора да создадеме регулаторен амбиент, кој е технолошки отворен и пријателски, но во исто време мора и да инсистира на одредени правила, вели Ропке.

Тој додава дека воведувањето на вештачката интелигенција во бизнис секторот може да помогне за олеснување и подобрување на работата на вработените, но при тоа мора да се обезбеди и заштита на работниците. Од тој аспект, според Ропке, клучно е прашањето за недостигот на квалификувана работна сила во многу земји, па затоа мора да се оспособат и преквалификуваат работниците за да можат целосно да ја користат вештачката интелигенција.

Ропке смета дека ако сакаме да ја користиме вештачка интелигенција и во компаниите и ако сакаме да се осигураме дека работниците ќе ја поддржат нејзината употреба, клучно е да се создаде доверба.

- Мислам дека ова е најдобриот начин. Ни треба доверба. Најважниот принцип е принципот „човек зад командната табла“. Значи, сите одлуки што влијаат врз луѓето, врз граѓаните, на крајот мора да ги донесат луѓето, заклучува Ропке во интервјуто за ЕНР.

Европскиот економски и социјален комитет (ЕЕСЦ) е консултативно тело на Европската Унија основано во 1958 година, кое е составено од претставници на здруженијата на работодавачите, на синдикатите и на граѓанските организации. Целта на Комитетот е да ги обедини различните интересни групи и да овозможи нивните ставови да бидат слушнати од Европската комисија, Советот на ЕУ и Европскиот парламент. /MИА

Тагови: Оливер Ропке

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Трансродна полицајка силувала малолетна ќерка на својата пријателка- во телефонот ѝ пронашле ужасна снимка со куче (ВИДЕО)

Во затворскиот систем обвинетиот се третира како маж, додека на суд се изјаснува и се јавува како жена. 

Трансродна полицајка силувала малолетна ќерка на својата пријателка- во телефонот ѝ пронашле ужасна снимка со куче (ВИДЕО)

Без разлика, обвинувањата против неа се многу сериозни, а обвинетата ги признала, пишува порталот t-online.de.

Пред провинцискиот суд во Траунштајн, поранешната полицајка призна дека силувала 15-годишно девојче. Признанието е дадено во вторник, на почетокот на судењето, зад затворени врати, соопшти портпаролот на судот.

Пред тоа обвинителството и одбраната постигнаа договор. Под услов обвинетата целосно да ја признае вината, се соочува со затворска казна од најмногу три и пол години. Целта на договорот е, меѓу другото, да се поштеди малолетната жртва од сведочење на суд.

Случајот привлече дополнително внимание бидејќи 55-годишната обвинета се појавува во судот како жена и во обвинението е наведена од женски пол, додека е во притвор во машкиот оддел во затворот во Минхен.

Таа била член на елитната полициска единица

Според германските медиуми, 55-годишната жена долго време живеела како маж и како таква била припадничка на елитната единица ГСГ 9. Подоцна почнала да живее како жена, користела женски идентитет и почнала со хормонска терапија. Двајца психолошки експерти наводно потврдиле дека таа се идентификува како жена.

Првите проблеми со законот станаа познати во 2024 година. При претресот кај неа беа пронајдени материјали со сексуална содржина во која се вклучени деца и животни. После тоа била суспендирана од полициската служба и парична казна.

Само неколку недели по пресудата, во јули 2025 година, се случи случајот за кој сега ѝ се суди. Жртвата е ќерка на нејзина пријателка.

Пронајдени се стотици спорни датотеки

Таа беше обвинета и за поседување на неколку стотици досиеја со сексуална содржина во која се вклучени деца. Според обвинението, меѓу жртвите имало и многу мали деца.

Покрај тоа, таа се товари и за телесни повреди, дистрибуција на порнографски содржини и производство на порнографски материјали во кои се вклучени животни. Инспекторите наведуваат и дека таа снимила видеа на кои се појавува со повеќе сексуални партнери и куче.

Според германскиот портал Chiemgau24, во моментот на злосторството, обвинетата се уште имала машки полови карактеристики. Судот во Траунштајн не сакаше да објави детали за нејзиниот моментален статус во процесот на транзиција, наведувајќи ја приватноста и заштитата на личните податоци.

Адвокатот тврди дека ѝ е тешко во машкиот дел од затворот

Според нејзиниот адвокат, обвинетата тешко го поднесува фактот што е во притвор со мажи. Тој за Билд изјави дека, меѓу другото, била фрлена врз неа за време на нејзиниот престој на отворено и дека телесни прегледи вршеле мажи полицајци.

Судењето продолжува, а пресудата доколку се прифати постигнатиот договор би можела да биде изречена на 6 октомври.

Еден од условите за примена на договорениот казнен опсег, покрај признанието на поранешната полицајка, е и договор меѓу сторителот и жртвата. На малолетното девојче треба да и се обезбеди мотор и 5.000 евра, додека обвинетата треба целосно да ја плати казната изречена во јули 2025 година.

Тагови: ќерка полицајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Снимка од апсење во трговски центар е хит- крадецот ползи низ таванот, полицијата го чека со душек (ВИДЕО)

Полициска операција во трговски центар во Ванкувер заврши со лоцирање и апсење на осомничениот сторител, а сè беше снимено со камера.

Снимка од апсење во трговски центар е хит- крадецот ползи низ таванот, полицијата го чека со душек (ВИДЕО)

Она што никој не го очекуваше беше дека мажот ќе се обиде да се скрие во таванската конструкција за да ги избегне чуварите, објавува Дејли Меил.

Полицијата ги евакуира клиентите

Габриел Хидео беше уапсен на 30 септември откако полицијата го пронајде како ползи низ таванската конструкција и крши гипс-картон во продавницата „Мејсис“.

„Нашиот центар беше контактиран околу 16 часот“, рече Ким Кап од локалната полициска станица.

Според неа, вработените пријавиле дека некој е во таванот на продавницата и дека неколку гипс-картонски плочи се скршени во близина на одделот за мебел за домот.

Видеото го прикажува моментот кога полицијата поставила скали на отворот на таванот, додека пожарникарите претходно поставиле душек за да го ублажат евентуалниот пад.

За безбедноста на клиентите, вториот кат од зградата бил евакуиран.

„Станал и се обидел да избега“

Според властите, Хидео ползел низ просторот над таванот повеќе од еден час додека полицајците го молеле да слезе долу. Сепак, тој упорно продолжил да се движи низ структурата, кршејќи нови панели и оштетувајќи осветлување и кабли.

Кога конечно се приближил до скалите, ситуацијата станала уште подраматична.

На видеото се гледа како Хидео се обидува да избегне апсење со тоа што се качува назад во таванскиот простор. Потоа полицајците ги отстраниле скалите, по што тој ја изгубил контролата и паднал на душек.

„Станал и се обиде да избега. Не заврши добро“, соопшти полицијата.

Неколку полицајци веднаш го турнале на подот. Хидео се спротивставил, но тие го совладале и му ставиле лисици. Потоа бил врзан за носилка и приведен.

Хидео бил однесен во затворот во округот Кларк на 1 октомври. Тој бил обвинет за оштетување на имот и кражба, а кауцијата му била одредена на 15.000 долари за секое обвинение.

Тагови: полицијата таван

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран мобилизира жени во војска- учат да користат калашников, РПГ и снајпер (ВИДЕО)

Иран обучува жени за оружје и борба за да се подготват за евентуална офанзива на САД.

Иран мобилизира жени во војска- учат да користат калашников, РПГ и снајпер (ВИДЕО)

Снимките и фотографиите објавени од иранските медиуми покажуваат жени, некои во униформа, како учат да ракуваат со автоматски пушки во центри за обука на отворено во Техеран, објавува британски „Телеграф“.

Организаторите велат дека курсевите опфаќаат урбана одбрана, запознавање со различни оружја, од „Калашникови“ до „Драгунов“ снајперски пушки, како и лансери RPG и преносни системи за воздушна одбрана. Програмата вклучува и обука за спасување, гаснење пожар и ориентација, специјално прилагодена за жени.

Акцијата е дел од движењето „Џан-фада“, што на персиски значи „оние кои ги жртвуваат своите животи“, масовна мобилизација започната оваа година откако САД и Израел почнаа да го бомбардираат Иран.

Портпаролот на кампањата, Сасан Зарех, рече дека воената обука започнала под покровителство на милицијата Басиџ, а повеќе од 500.000 луѓе се пријавиле за само 100 минути по отворањето на регистрацијата за батаљоните „национален отпор“. Со ова, рече тој, се пополниле првите 1.000 единици.

Властите потоа одобрија формирање на уште 1.000 единици. Зарех додаде дека се планирани и 10.000 единици за помош и спасување во соседството, во координација со Црвената полумесечина. Жените, рече тој, се меѓу најголемиот број волонтери.

Првиот центар за обука е отворен на плоштадот Имам Хосеин во Техеран, а најмалку 14 локации се планирани во главниот град, со дополнителни центри во покраинските градови. Обуката ја спроведуваат Басиџ, Иранската револуционерна гарда и редовната војска.

Зарех, исто така, тврдеше дека странци, вклучително и некои американски граѓани, понудиле да се борат заедно со Иранците. Во еден случај, рече тој, дури и 80-годишна жена се пријавила во центар во Техеран.

Иранските власти ја претставуваат кампањата како оживување на идејата за „армија од 20 милиони“, за која ајатолахот Рухолах Хомеини повика по ирачката инвазија на Иран во 1980 година. Жените одиграа значајна улога во обезбедувањето поддршка за време на осумгодишната војна.

Мобилизацијата доаѓа во време на нови предупредувања од иранските воени претставници.

Генералот Али Абдолахи, началник на Генералштабот на иранските вооружени сили, изјави дека доколку избувне нова војна против Иран, „неговиот оган ќе покрие сè и американските позиции ќе бидат цел без ограничување“, како што рече тој, беше случај за време на неодамнешните конфликти.

Генерал-мајор Амир Хатами, командант на иранската армија, изјави дека војната „не е завршена“ и дека Иран ќе одговори на секој нов напад со „разорен“ одговор. Тој инсистираше дека Иран излегол како победник од неодамнешниот конфликт.

Сепак, додека Техеран се подготвува за можен нов конфликт, иранската дипломатија се обидува да ги продолжи преговорите.

Министерот за надворешни работи, Абас Аракчи, им рече на странските дипломати во Техеран во неделата дека „нема воено решение за овој конфликт“.

Тој предупреди дека нов напад би предизвикал одговор „посилен од претходно“, но додаде дека само преговори „засновани на правда и фер игра“ би можеле да го завршат конфликтот.

Тој повтори дека Иран може целосно да го отвори Ормутскиот теснец во рок од седум дена ако бидат исполнети неговите услови и бидат укинати „непријателските мерки“.

Главниот преговарач на Иран, Мохамед Багер Галибаф, изјави дека Вашингтон неодамна испратил предлози преку посредници, но дека Иран нема да прифати еднострани барања.

Ормутскиот теснец, рече тој, ќе остане затворен додека не се исполнат седум ирански услови поврзани со договорот од Исламабад.

Во меѓувреме, иранскиот министер за нафта Мохсен Пакнеџд поднесе оставка во понеделник, без непосредно објаснување. Оставката доаѓа во време на зголемен економски притисок врз Техеран, бидејќи Вашингтон ги заострува санкциите и го ограничува извозот на иранска нафта.

Тагови: војска Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер