Стимулирање на приватниот здравствен сектор за голема заработка, ќе предизвика владината мерка за бесплатно болничко лекување во државното здравство, предупредуваат од Хелтгрупер, организација која ги истражува состојбите во здравството во Југоисточна Европа.
Преку укинувањето на партиципацијата и онака долгите листи на чекање ќе станат уште понедостапни за пациентите. Вака ќе се зголемат листите на чекање во државните болници, а пациентите ќе мора за подобро здравје да повторно да платат поскапо, но во приватните болници. Приватните болници ќе профитираат од предложената мерка. Ова значи дека, зголемената побарувачка на услуги ќе отвори нови пазарни можности за приватниот сектор да ги зголеми цените на услугите кои ги нуди.
Реакцијата доаѓа по изјавата на премиерот Зоран Заев за укинување на болничката партиципација и ќе стартува од 1 јануари 2019 година, а буџетот за бесплатното за оваа намена ќе изнесува околу 7,6 милиони евра.
Денеска и од министерството за здравство во писмено соопштение до медиумите објаснуваат дека нема да има никакви последици во лисите на чекање, а истовремено ќе значи и реформирање на работата на фондот за здравство.
-Партиципацијата се користи како контролен механизам за да не се прават непотребни интервенции, но кај нас е премала за да биде контролен механизам. Максимално е 6 илјади денари, а потоа според примањата, со потврда од ФЗОМ, пациентот е ослободен од партиципација. Со тоа, оваа мерка не е вистински контролен механизам.
Максимално е 6 илјади денари, а потоа според примањата, со потврда од ФЗОМ, пациентот е ослободен од партиципација. Со тоа, оваа мерка не е вистински контролен механизам.
Од Хелтгрупер велат дека не требаат популистички мерки во здравството, туку здравствени политики со добро испитан терен.