Ленд Ровер направи четири уникатни Дифендери- сите ги купил ист човек (ФОТО) - Канал 5

Автомобилизам

Ленд Ровер направи четири уникатни Дифендери- сите ги купил ист човек (ФОТО)

Класичниот Дифендер не се произведува веќе десет години, но за добра цена Ленд Ровер е подготвен да го понуди стариот Дифендер - како специјално издание со уникатна боја и V8 мотор.

Ленд Ровер направи четири уникатни Дифендери- сите ги купил ист човек (ФОТО)

Додека повеќето производители привлекуваат клиенти со нови електрични модели и дигитални технологии, Ленд Ровер покажува дека сè уште може да се извлече нешто од историските модели. Неговиот оддел Ленд Ровер Класик претстави четири уникатни примероци од иконскиот Дифендер, изградени за еден клиент кој сакал нешто што никој друг го нема.

Иако производството на оригиналниот Дефендер заврши пред повеќе од една деценија, Ленд Ровер сè уште нуди реставрирани примероци преку програмата Класик. Наместо да гради целосно нови возила, компанијата користи постоечки Дефендери произведени помеѓу 2012 и 2016 година и темелно ги реставрира и модернизира.

Овој клиент нарачал дури четири различни верзии: 90 Station Wagon, 90 Soft Top, 110 Station Wagon и новиот 110 Double Cab Pick Up. Сите четири се напојуваат со атмосферски 5,0-литарски V8 мотор.

Боја што ги менува нијансите

Сепак, специјалната боја наречена Spectral Green привлекува најголемо внимание. Во зависност од аголот на светлината, каросеријата ги менува нијансите помеѓу зелена, виолетова и златна, создавајќи речиси камелеонски ефект.

Секој автомобил поминал речиси 400 часа во работилницата за бојадисување за да го нанесе овој слој. Купувачот сакал истиот ефект да биде видлив на 18-инчните бандажи, надворешните ознаки, па дури и на делови од ентериерот.

Необичната каросерија е во контраст со покривот и багажникот за експедиција обоени во ледено бела боја. Буквите Defender на хаубата и рачно насликаната линија што се протега по должината на каросеријата се во иста боја.

Комбинација од класика и модерна технологија

Внатрешноста е украсена во луксузен стил, со кожен тапацир и зелени шевови што одговараат на бојата на екстериерот. Купувачите можат да изберат помеѓу стандарден 3,5-инчен екран или нов 9-инчен мултимедијален систем со поддршка за Apple CarPlay и Android Auto.

Land Rover Classic додаде камера за движење наназад со интегриран систем за перење, нови бои на покривот и различни дизајни на бандажи во понудата.

Цената за најлојалните фанови

Land Rover истакнува дека можностите за персонализација се речиси неограничени. Сè зависи од желбите на купувачот, но и од длабочината на неговиот паричник.

Компанијата не откри колку платил сопственикот за оваа единствена четворка Defender-и. Сепак, познато е дека цените на Defender Classic V8 почнуваат од околу 200.000 фунти без дополнителни трошоци. Кога ќе се земат предвид посебната боја, бројните детали и персонализацијата, вкупната вредност на сите четири возила веројатно ќе се приближи до 1 милион фунти.

Тагови: Дифендер Ленд Ровер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер