Ѓорчевска ја дозна противничката во првото коло на Вимблдон - Канал 5

Тенис

Ѓорчевска ја дозна противничката во првото коло на Вимблдон

Детскиот сон стана „јаве“ – Лина Ѓорческа е првата македонка во историјата која ќе истрча на „Светиот тревник“ и тоа, ниту помалку, ниту повеќе – на теренот број 1. на најстариот и најпрестижен светски тениски турнир, Гренд Слемот – Вимблдон.

Ѓорчевска ја дозна противничката во првото коло на Вимблдон

„Ниту е лесно, ниту има поддршка, но горда сум што, иако доаѓам од мала земја, сум единствената во историјата“ – порача македонската тенисерка по квалификациската победа над италијанката Луција Бронзети со 6-1, односно 6-2 во сетови...

-За мене, лично, навистина сум горда што сум, иако доаѓам од мала земја, горда сум што сум единствената во историјата, мислам и на жените и мажите, ова навистина е остварување на сонот за мене. Но, како што кажавте, доаѓајќи од мала земја, мора да се справите со многу работи, не е лесно. Првенствено за тренинг, за терени, и за пари исто така, нели? Мораш се да направиш сам, како што јас правам се сама. Значи, не е лесно, но кога ќе стигнете тука, навистина е 100% повеќе. - Лина Ѓорческа – Тенисерка

„Овој успех е најголемиот во тениската историја на Македонија, а знам колку време Лина го чекаше овој момент“ – порача поранешниот АТП – тенисер Предраг Русески. До Гренд Слем е вели е тешко да се стигне, особено поради несоодветната инфраструктура и финансиска поддршка во Македонија, па се надева дека овој успех ќе ги разбуди институциите. Но, вели овој подвиг сега носи нов моментум, па на оние деца, кои сонуваат со рекетот во рака, Ѓорческа им покажа дека соништата можат да си ги остварат.

-Таа логистика, таа неинфраструктура во Македонија, финансиите се секогаш главен проблем и многу е поголемо чувството на успех и поголемо задоволство кога ќе се направи ваков резултат од една мала земја.Треба да се дочека можноста, вредно да се работи, да се верува на тренерот, да се верува на својата игра, поддршката од родителите и најблиските е секако таа која те следи и те носи низ целата кариера, и верувам дека ако си констатен и веруваш во својот успех, кога – тогаш, Господ ќе ти ја даде таа среќа. Многу сум среќен за Лина, и за Лабуд, нејзиниот тренер, знам дека вредно и долго работат заедно. - Предраг Русески – Поранешен АТП тенисер

Министерот за Спорт – Борко Ристовски за Канал 5 вели дека подвигот на Ѓорческа е важен за македонскиот спорт и особено ќе влијае врз младите. Што се однесува до финансиската поддршка, вели најголемиот дел од средствата во тениската федерација се слеваат од државата. Тенисот е скап, индивидуален спорт за кој има поддршка, но не и финансирање.

Ѓорчевска на Вимблдон, единствениот турнир со митски статус и природна трева ќе истрча во понеделник, а противничка ќе и биде минатогодишната финалистика на Вимболдон, американката Аманда Анисимова која е шеста на АТП листата и важи за голме фаворит и годинава. времето на почетокот мечот, допрва ќе прецизира, во зависност и од останатите натпревари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозии одекнаа во Дубаи- пресретнати се проектили над градот (ВИДЕО)

Силни експлозии се слушнаа вечерва во центарот на Дубаи, додека сведоци објавија дека ракети биле пресретнати над градот во обновените ирански напади врз цели во Обединетите Арапски Емирати.

Експлозии одекнаа во Дубаи- пресретнати се проектили над градот (ВИДЕО)

Новинарите на „Еуроњуз“ во Дубаи објавија дека гласни експлозии се слушнале во центарот на градот, со извештаи за пресретнати ракети над градот.

Најновите ирански напади се првите вакви напади по неколку месеци, по прекинот на огнот меѓу САД и Иран и потпишувањето на рамковен договор за завршување на војната кон средината на јуни.

Само неколку дена претходно, Иран погоди два брода од Обединетите Арапски Емирати во Ормутскиот теснец.

И покрај повеќекратните изјави на сведоци и снимки што се појавија на социјалните медиуми, властите во Дубаи изјавија дека извештаите за експлозии над градот се неточни.

Тагови: Дубаи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е кој ќе настапи на затворањето на Мундијалот (ВИДЕО)

Post Malone ќе биде главен изведувач на церемонијата на затворање на Светското првенство во фудбал во 2026 година, кое ќе се одржи на стадионот во Њујорк, Њу Џерси, на 19 јули.

Познато е кој ќе настапи на затворањето на Мундијалот (ВИДЕО)

Тој ќе настапи 90 минути пред почетокот на финалниот натпревар, а неговиот музички стил кој ги спојува различните жанрови се смета за соодветен за глобалната прослава на различните култури.

„Во време кога спортот, културата и глобалното внимание се спојуваат, Post Malone ќе изведе настап дизајниран да го прослави патувањето на турнирот и да ја разгори атмосферата пред очите на светот да се свртат кон финалистите“, изјави претседателот на ФИФА, Џани Инфантино.

Ѕвезден состав за церемонијата на затворање

Malone се приклучува на долгиот список на уметници и познати личности кои ќе учествуваат на церемонијата на затворање, меѓу кои се Том Круз, Џенифер Хадсон, Лаура Паузини, Никол Шерцингер, IShowSpeed ​​​​и Роби Вилијамс. Но, свеченостите не завршуваат тука. Како што претходно беше најавено, Џастин Бибер ќе го предводи спектаклот на полувремето од финалето заедно со Мадона, Шакира и BTS, што дополнително ќе го зајакне веќе импресивниот список на изведувачи.

„Светското првенство го обединува светот како ништо друго. Благодарен сум што сум дел од ова шоу на полувремето, а уште повеќе сум благодарен знаејќи дека веќе помага во проширувањето на пристапот до образование за децата ширум светот“, претходно рече Бибер за својот претстоен настап.

Музички спектакли за време на првенството

Шакира и Бурна Бој го отворија Мундијалот во Мексико Сити со изведба на „Даи Даи“. Артис Фјучр, Тајла и Кејти Пери настапија на церемонијата на отворањето на американското првенство на стадионот СоФи во Лос Анџелес, додека на канадската церемонија на отворањето настапија Мајкл Бубле, Алесија Кара и Елијана.

Неодамна, Ели Гулдинг настапи и во четвртфиналето со песната „Лајтс“, во натпреварот во кој нејзината родна Англија ја победи Норвешка.

Тагови: Мундијалот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косовски државјанин со возило влечеше цариник на Блаце и побегна – уапсен е во Скопје

Синоќа околу 22:00 часот  полициски службеници од Единицата за интервентна полиција при СВР Скопје на ул. „Јадранска магистрала“ во Скопје, го лишија од слобода косовскиот државјанин Р.Е. (24).

Косовски државјанин со возило влечеше цариник на Блаце и побегна – уапсен е во Скопје

На 15.07.2026 околу 22:00 часот, полициски службеници од Единицата за интервентна полиција при СВР Скопје на ул. „Јадранска магистрала“ во Скопје, го лишија од слобода косовскиот државјанин Р.Е. (24). Претходно, на Граничниот премин Блаце, додека царински службеник вршел преглед на неговото патничко возило „бмв“ со косовски регистарски ознаки, Р.Е. го стартувал возилото, го оттурнал и го влечел неколку метри царинскиот службеник со возилото, по што се дал во бегство кон Скопје.

Веднаш се преземени мерки и активности од полициски службеници од Единицата за интервентна полиција и возилото е запрено, а лицето лишено од слобода. При тоа, извршен е преглед на теренот и пронајдена е кеса со марихуана, а во возилото е пронајден џебен нож. Р.Е. пријавил и дека додека бегал, фрлил кеса во која имало два пиштола. Р.Е. е приведен во полициска станица и по целосно расчистување и документирање на случајот, ќе биде поднесена соодветна пријава, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер