АвтомобилизамФолксваген го затвора погонот во Германија?Автомобилскиот гигант Фолксваген објави дека повеќе не ја исклучува можноста за затворање на погони и отпуштања во матичната земја Германија, како дел од програмата за намалување на трошоците на неговиот клучен бренд VW.Раководството на VW соопшти дека ќе го откаже долгогодишниот договор со претставниците на германските работници со кој се отфрлаат отпуштања до крајот на 2029 година и е во сила од 1994 година. Компанијата наведува дека менаџерите веруваат дека брендот Фолксваген треба темелно да се реструктуира и дека сегашните напори за намалување на бројот на работници преку програми за предвремено пензионирање и отпремнина нема да бидат доволни за да се намалат трошоците според планираното. „Во сегашната ситуација, без брзи контрамерки, повеќе не може да се исклучи затворањето на фабриките за возила и компоненти“, објави VW. Администрацијата сè уште не објавила конкретни бројки за тоа колку работни места во Германија би можеле да бидат укинати, а не прецизирала кои фабрики би можеле да бидат затворени. Компанијата вработува приближно 120.000 работници во Германија. Работничкиот совет соопшти дека водечките функционери посочиле дека најмалку една фабрика за возила и една фабрика за компоненти се непотребни. Од своето основање, компанијата нема затворено ниту една фабрика во Германија, а во светот само во 1988 година ја затворија фабриката во американскиот Вестморленд. Покрај главната фабрика во Волфсбург, VW има фабрики во германските градови Хановер, Емден, Оснабрик, Брауншвајг, Салцгитер, Касел, Цвикау, Дрезден и Хемниц. Работниот совет на VW најави борба против плановите на менаџментот. Во специјалното издание на весникот „Митбестимен“ на РВ, што го виде новинската агенција ДПА, лидерката на советот Даниела Кавало ги нарече „напад врз нашите вработувања, работни места и колективни договори“. „Тоа го доведува во прашање самиот VW, а со тоа и самата суштина на групацијата [Фолксваген]. Ние жестоко ќе се браниме“, напиша Кавало. Се додека сум јас во советот, VW нема да ги затвора погоните!“, им порача таа на работниците. Остро реагираше и синдикатот IG Metalla, кој застапува бројни работници на VW. Торстен Грогер, регионален шеф на синдикатот во сојузната покраина Долна Саксонија, каде што е седиштето на компанијата, рече дека планот е „неодговорен“ и „ги напаѓа темелите на Фолксваген“. Долна Саксонија има значителен малцински удел во групацијата VW. И владата во Берлин и работниците имаат места во надзорниот одбор на компанијата, па ако се обединат ќе имаат мнозинство. Извршниот директор на групацијата VW, Оливер Блуме, рече дека се неопходни тешки одлуки со оглед на тешкотиите со кои се соочува VW и целиот сектор. „Европската автомобилска индустрија е во многу предизвикувачка и сериозна ситуација. Економското опкружување е уште потешко, а новите добавувачи се туркаат во Европа“, рече Блуме. Во таков амбиент ние како компанија мора да бидеме доследни“, порача тој во соопштението. Главната марка VW со години се бори со високите трошоци, а во однос на повратот многу заостанува зад другите подружници на VW групацијата како што се Škoda, SEAT и Audi. Програмата за намалување на трошоците започната во 2023 година треба да го сврти Volkswagen и да ја подобри заработката за 10 милијарди евра до 2026 година. Сепак, сегашните деловни тешкотии дополнително ја влошија ситуацијата. Со цел сепак да се постигне целното подобрување на заработката, сега треба да се намалат трошоците поостро од претходно планираното. Според германскиот финансиски весник Handelsblatt, тие би морале да се намалат за дополнителни до четири милијарди евра. „Неповолните околности се многу поинтензивни денес, затоа мораме да ги засилиме нашите напори и да создадеме услови за долгорочен успех“, тврди шефот на марката Фолксваген, Томас Шефер во соопштението за печатот.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ХороскопДневен хороскоп за 28. јули 2026 годинаДневен хороскоп за вторник, 28. јули 2026 година. Лав 23.7-22.8. Љубов Не е лесно да се открие или признае грешка, но чесно е да се соочите . Размислете и постапете како што ви вели срцето. Кариера Ќе работите на стара задача што не е довршена.Ќе најдете начин да уживате во тоа. Здравје и совет Издржете. Девица 23.8.-23.9. Љубов Би можело да дојде до бесмислени надмудрувања околу доминација во личните односи. Воздржете се од тоа. Кариера Не се сомневајте во себеси.Ова е само преодна фаза низ која морате да поминете. Здравје и совет Не се откажувајте. Вага 24.9.-23.10 Љубов Оние во подолги врски навистина ќе уживаат во секој момент на заедничкото секојдневие. Кариера Следуваат нови услови за работа на работното место Главно ќе ви одат на рака , па прифатете ги. Здравје и совет Можна е посета на козметичар. Шкорпија 24.10-22.11. Љубов Повеќето денеска ќе уживаат во својата голема способност да допрат до најсуптилните вибрации на чувствата. Кариера Вработените во институции од затворен тип , денеска доаѓаат до завршување на една фаза во работата. Другите ќе мечтаат. Здравје и совет Слушајте ја интуицијата. Стрелец 23.11.-21.12. Љубов Вашата врска и денеска ќе се базира врз секс. На тој начин на партнерот ќе му се вовлечете под кожа. Кариера Ќе се потрудите околу некои спонзори со што ќе ја зацврстите финансиската структура на фирмата каде што работите. Здравје и совет Преминете од зборови на дела. Јарец 22.12.-20.1. Љубов Оние кои од саканите очекуваа да им дадат сигурност , денеска тоа ќе го дочекаат. Ќе бидат задоволни. Кариера Ќе им се заблагодарувате на своите соработници што ве следат и имаат доверба во вашите нови идеи. Здравје и совет Внимавајте на повреди. Водолија 21.1.-19.2. Љубов Партнерот ќе покаже големо количество емоции ,што вие нема да можете да ја следите и да ја разберете. Кариера На дневен ред би можел да се најде нов договор за работа.Добро проучете ги деталите , па потоа донесете одлука. Здравје и совет Ќе има пријатни средби. Риби 20.2.- 20.3. Љубов Можно е денеска некој да ви искаже љубов или обратно.Ќе биде весело со доста искрени емоции. Кариера Ќе бидете креативни им оригинални.На оние кои имаат помалку интересна работа, ќе им треба начин за да се изразат. Здравје и совет Бидете сериозни. Овен 21.3-20.4. Љубов На многумина ќе им се чини дека ги води некоја невидлива рака кон уште поголема среќа.Или сте вљубени или се заљубувате. Кариера Вашата склоност да си поигрувате со луѓето не е секогаш пријатна. Луѓето се нешто повеќе отколку играчки. Здравје и совет Бидете она што сте. Бик 21.4- 20.5. Љубов Некои меѓу вас најверојатно ќе покажат чувства кон пријател што можеби ќе ги збуни нивните партнери. Кариера Очекуваната заштита би можела да се случи токму денеска .Ќе бидете подготвени за соработка, но ќе треба и да се докажете. Здравје и совет Немате грижи. Близнаци 21.5.-21.6. Љубов Ќе почувствувате плима од емоции како расте во вас. Тоа ќе ви биде критериум за сите денешни случувања. Кариера На дневен ред ќе се најдат финансиите.Ќе разгледувате нови можности за заработувачка и зголемување на профитот. Здравје и совет Мала пречувствителност. Рак 22.6-22.7. Љубов Оние кои биле на прагот на љубовта, денеска ќе увидат дека токму тоа им се случува. Кариера Ќе се повикате на резултатите од претходната работа , кои не се за потценување. Здравје и совет Прифатете ги добрите намери на другите.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Македонија Јованка Тренчевска во „Вести Плус“Вечерва во „Вести плус“ гостинка ќе биде Јованка ТренчевскаКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиВодата во Гостивар може да се користи како техничка, но не и за пиење и готвење15:04Тошковски: Во Гостивар има техничка вода, но за пиење и подготвување на храна уште да се користи флаширана11:20Гостивар се очекува денеска да добие техничка вода 08:11Скопје се сеќава- 63 години од катастрофалниот земјотрес во ’63-тата15:35Скопје одбележува 63 години од катастрофалниот земјотрес во ’63-та08:43
Тошковски: Во Гостивар има техничка вода, но за пиење и подготвување на храна уште да се користи флаширана11:20
ЗдравјеМилионер тврди дека се клонирал како новороденчеМилионерот Брајан Џонсон тврди дека во лабораторија создал свој „клон“ во облик на новороденче, но всушност тоа што го опишува не е клонирање на човек, туку експеримент со неговите клетки.Милионерот Брајан Џонсон тврди дека во лабораторија создал свој „клон“ во облик на новороденче, но всушност тоа што го опишува не е клонирање на човек, туку експеримент со неговите клетки. Според него, таквата технологија еден ден би можела да помогне во обновување на оштетени органи и да го забави процесот на стареење. „Бебето Брајан“ во лабораторијата Во објава на платформата X, Џонсон напишал: „Само што се клонирав себеси... како новороденче“. Сепак, тој појасни дека не станува збор за вистински клон, туку за клетки земени од неговото тело. Според неговата идеја, овие клетки еден ден би можеле да се користат за истражување на нови терапии, развој на лекови, поправка на оштетени ткива и потенцијално создавање клетки за лекување на разни болести. „Бебето Брајан“ моментално живее во Петриева здела“, напишал. Тој додава дека за некои, таквата технологија може да изгледа како сцена од дистописка иднина, додека други би можеле да ја сметаат како дел од иднината на медицината. Научната позадина на експериментот Џонсон објасни дека клетките биле од неговата крв, а потоа третирани со таканаречени фактори Јаманака. Ова се молекули кои можат да ги вратат возрасните клетки во состојба слична на матичните клетки. Иако Џонсон ги нарекува свој „клон“, експертите попрецизно би ги опишале таквите клетки како индуцирани плурипотентни матични клетки (iPSC). Тие можат да се трансформираат во различни видови клетки во лабораторија, што ги прави важна област на истражување во регенеративната медицина. Џонсон верува дека еден ден таквата технологија би можела да се користи за регенерација на разни делови од телото, како што се оштетените клетки на кожата, црниот дроб, бубрезите или нервен систем. „Како што клетките стареат, тие се менуваат, овие промени можат да доведат до послаба функција и болести. Оваа технологија отвора можност за истражување на начини како да се врати тој процес“, напиша тој. Дијагноза што го поттикнала на нови експерименти Џонсон тврди дека неговата неодамнешна дијагноза на автоимун гастритис го поттикнала и на понатамошно истражување. Тој претходно објави дека неговата болест, за која верува дека се развивала со години, е официјално потврдена. „Сега имаме официјална дијагноза. Имам автоимун гастритис (AIG). Мојот желудник се напаѓа самиот“, напиша тој. Тој објасни дека состојбата тешко може да се препознае зашто симптомите се јавуваат после долго време. Автоимуниот гастритис може да доведе до оштетување на желудочната слузница и проблеми со апсорпцијата на одредени витамини. Истражувања за забавување на стареењето Џонсон е познат по својот проект Blueprint, во кој инвестира милиони долари за да се обиде да го забави биолошкото стареење. Неговата цел е да го продолжи животот и да ги зачува функциите на телото што е можно подолго. Неговата рутина вклучува строго контролирана исхрана, бројни медицински тестови и разни експериментални третмани. Тој претходно привлече внимание и со постапки како што се трансфузија на крв од неговиот син, земање печурки псилоцибин и секојдневниот распоред што почнува со будење во 4:30 часот наутро.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook