Едно патување засекогаш ѝ го променило животот - Канал 5

Живот

Едно патување засекогаш ѝ го променило животот

„Син ми загина, а мажот ми почина, болката ме скрши“

Едно патување засекогаш ѝ го променило животот

Оваа жена мир пронашла во една далечна земја и никогаш не се покајала за својата одлука.

Џенет Сусман ја следеле бројни трагедии во животот. Нејзиниот син загинал во градежна несреќа, шест месеци претходно нејзиниот сопруг доживеал тежок мозочен удар. Џенет работела во училиште и немала време да тагува. Таа извршувала повеќе работи за да му обезбеди соодветна нега на сопругот и тој мирно да ги проживее последните денови.

Откако и тој починал, таа решила целосно да го промени својот живот. Иако израснала во Филаделфија, а животот го поминала со сопругот на Флорида, решила да започне од почеток и се преселила во Панама.

Борба за живот

Како што изјавила во својата исповед за „Вusiness Insider“, Џенет сонувала, откако ќе се пензионираат, со сопругот да живеат во мала куќичка во една шума на северниот дел на Њујорк, но нејзините соништа пропаднале откако нејзиниот сопруг се разболел. Работела како учителка, но извршувала и други хонорарни работи. Во еден момент, работела на три работни места и се борела да ја плати хипотеката на куќата. И тогаш загинал нејзиниот постар син.

- На сите нас ни се случуваат трагедии во животот, тие ни се потребни за да можеме да ги цениме добрите работи – изјавила таа со тага во гласот.

По смртта на нејзиниот син, таа го погребала и сопругот во 2010. Иако има уште две деца, била целосно изгубена.

- Трагедиите се редеа една по друга. Не бев при себе, болката ме распарчуваше, но морав да функционирам. Другите две деца веќе тргнаа по својот пат, а јас не знаев што да правам и каде да одам - ​​признава Џенет.

Во еден момент решила да отпатува за Панама. Купила повратен билет за 79 долари. И, кога првпат зачекорила во оваа земја, почувствувала како да се вратила дома.

- Имав чудно чувство, како да сум живеела таму во некој минат живот. Веднаш знаев дека сакам да живеам таму. Луѓето беа фини и љубезни, а трошоците за живот беа неспоредливо пониски отколку во САД – изјавила оваа жена.

Иако Панама била поевтина за живеење, била свесна дека мора да продолжи да работи. Во првите неколку години, живеела на релација помеѓу двете земји додека, конечно, засекогаш не се преселила во Панама.

- За да преживеам, започнав транспортен бизнис, од аеродромот во Панама до одреден хотел. Од САД испратив комбе заедно со резервните делови. Четири години работев како наставник во меѓународно училиште , а потоа отворив свое школо за странски јазици, работев како службеник за иселеници и патував низ земјата - се присетува Џенет.

Најдов мир

Според неа, Панамците се посиромашни од Американците, но се подарежливи и пољубезни.

-Лутав низ Панама Сити со локациите на живеење, и еден ден дојдов во домот на моите сегашни пријатели. Тоа беше мала двособна куќа со 10 луѓе, но ме пречекаа со насмевка и ми ја понудија и онаа малку храна што ја имаа. Никогаш нема да го заборавам овој настан. Поради луѓето се преселив во Панама, каде конечно го пронајдов својот мир по сите трагедии што ме снајдоа – изјавила таа.

Набргу се навикнала на новиот живот, научила шпански за полесно да комуницира со соседите и да ја разбра локалната култура и традиција на овој народ.

Кога жените во Панама ќе наполнат 55, а мажите на 60 години, тие добиваат 25% попуст во рестораните, 30% попуст на превозот, 15% до 20% попуст на медицинските третмани и се ослободени од даноците на увоз до 10.000 долари на апарати за домаќинството. Ова ѝ помогнало на Сусман да ги намали трошоците за храна и патување.

- Не знаете што ве чека утре, затоа уживајте денес! Можете да патувате, но ако посакате да отпатувате некаде, кога ќе ги почувствувате оние пеперутки во стомакот, само воздивнете длабоко и кажете си, тоа е тоа. Не плашете се од промени. Јас никогаш не зажалив што се преселив во Панама – заклучила таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тунижанец во авион сексуално нападнал онесвестена девојка, која седела до него

Маж е обвинет за сексуален напад откако 22-годишна жена изјави дека маж што седел до неа ја допирал додека била во несвест на лет на „Рајанер“.

Тунижанец во авион сексуално нападнал онесвестена девојка, која седела до него

Девојката летала од Малта до Нант на 19 јули кога изјавила дека 39-годишен Тунижанец што седел до неа наводно сексуално ја нападнал откако се онесвестила, објави Дејли Меил.

Мажот бил уапсен на аеродромот Нант на 31 август откако слегол од лет од Тунис и бил обвинет пред судија во средата. Девојката, која имала главоболка, се онесвестила кратко по полетувањето и паднала напред на масата, а потоа на рамото на сопатникот.

Кога се освестила, таа тврдела дека патникот што седел до неа ја бакнувал по вратот. Тој наводно продолжил да ја напаѓа со тоа што ја превртел на седиштето до прозорецот и ја притиснал со грбот кон себе, додека ги допирал нејзините гради под кошулата.

Жената тврдела дека конечно успеала да се оддалечи кога тој ги ставил рацете под нејзините шорцеви и ја допрел по долната облека. По слетувањето, таа му кажала на своето семејство за наводниот напад, а потоа ја известила граничната полиција, според францускиот весник „Пари мач“.

„Ранлива жена се смета за плен, дури и во авион“, наводно изјавила адвокатката на наводната жртва, Ан Бујон.

Полицајците ја испитуваат облеката на 22-годишната девојка, а таа е подложена на преглед во одделот за судска медицина на Универзитетската болница во Нант.

Според извештаите, „Рајанер“ е контактиран за детали за осомничениот, а „Дејли меил“ ја контактирал авиокомпанијата за коментар.

Осомничениот, за кој се вели дека е бездомник, потоа бил додаден на листата на барани лица, што довело до негово апсење кога повторно влегол во Франција преку Нант по летот од Тунис.

39-годишниот маж се појавил пред судија во средата и бил обвинет за сексуален напад врз ранливо лице. Според јавниот обвинител на Нант, тој „потврдил дека бил патник што седел до жртвата“, според јавниот обвинител на Нант, Антоан Лерој, но ги негирал обвиненијата. Тој ќе биде подложен на психијатриска проценка, а судењето ќе продолжи на 28 октомври.

Тагови: авион девојка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германија со осуда на ВИ снимката на израелски министер: Ова е ужасно и недозволиво (ВИДЕО)

Германија остро ги осуди генерираните видеа од израелскиот министер за национална безбедност Итамар Бен-Гвир, на кои се прикажани палестински затвореници на транспортна лента. 

Германија со осуда на ВИ снимката на израелски министер: Ова е ужасно и недозволиво (ВИДЕО)

Критичарите ги споредија сцените со сцени од концентрациони логори, пренесува Анадолија.

Портпаролот на германското Министерство за надворешни работи, Мартин Гизе, им изјави на новинарите во Берлин дека го видел контроверзното видео. „Колку што знам, во меѓувреме е избришано, но тоа не го прави помалку ужасно. Секако, ова е целосно неприфатливо. Ужасно е“, рече Гизе. Тој нагласи дека Германија „јасно ги отфрла“ политиките и начинот на изразување на Итамар Бен-Гвир. „Нашиот став за ова е целосно јасен“, додаде тој.

Отстранети видеа

Бен-Гвир отстрани две видеа од своите профили на социјалните мрежи кои предизвикаа силни реакции поради начинот на кој го прикажуваат третманот на палестинските затвореници. Едно од видеата, објавено минатата недела, предизвика критики дека сцените потсетуваат на концентрациони логори.

Видеото прикажува заканувачки палестински затвореници во судница, со графички меурчиња за говор што сугерираат дека размислуваат за образование, храна или наргиле. Потоа, анимираниот лик на Бен-Гвир ги пробива тие меурчиња и притиска црвено копче, кое активира транспортерска лента што ги води затворениците низ вратата. Зад вратата, истите затвореници се прикажани како гладуваат, плачат и со наведнати глави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Седум жени во САД тужат познат фризер: Нѐ фризираше според упатствата на Епштајн

Седум жени кои тврдат дека биле жртви на Џефри Епштајн го тужеа стилистот на познати личности Фредерик Фекаи во Врховниот суд на државата Њујорк. 

Седум жени во САД тужат познат фризер: Нѐ фризираше според упатствата на Епштајн

Тие тврдат дека фризерот со години ѝ помагал на мрежата на Епштајн со тоа што ги средувал жените по негови инструкции за да изгледаат помлади.

Тужбата ја поднесоа Керсти Фергусон, Одра Кристијансен и пет жени кои го користеле псевдонимот Џејн Доу. Тие тврдат дека Фекаи и неговиот вработен Патрик Кумбс учествувале во мрежата на Епштајн за трговија со луѓе за сексуална експлоатација. Ниту една од тужителите не ги обвинува за сексуален напад.

„Тој имал инструкции“

Според тужбата, Фекаи им ја избелувал косата на жртвите по барање на Епштајн и им ја стилизирал за да изгледаат помлади. Една од жените тврди дека во 2004 година, по „масажа“ во неговата вила на Менхетен, Епштајн ја испратил во салонот на Фекаи.

Кога побарала да ѝ ја скратат косата, Фекаи наводно одбил. „Тоа не се инструкциите што ми беа дадени“, ѝ рекол тој, според нејзиното сведочење. Жената тврди дека потоа тој ѝ ја истрижал косата на начин што таа не го сакала, но што му се допаѓал на Епштајн.

Друга жена изјави за CNN дека на почетокот на 2000-тите во Сен Тропе, Епштајн, додека бил во друштво на Фекаи, ѝ пристапил и го прашал стилистот како можат да ја направат да изгледа помлада. По враќањето во Њујорк, таа отишла во неговиот салон, каде што тој ѝ дал слоевита фризура со шишки, без да ја праша што сака. „Имаше инструкции и тоа беше тоа. Ќе влезеше и ќе беше готово“, рекла таа.

Портпаролот на Фекаи, Марк Хер, тврди дека обвинувањата се лажни и дека неговиот клиент „не направил ништо лошо“. Неговиот адвокат, Џош Пери, исто така негираше дека Фекаи знаел или учествувал во злосторствата на Епштајн.

Епштајн кај него потрошил десетици илјади долари

Феккаи е едно од најпрепознатливите имиња во американската индустрија за убавина од 1990-тите. Меѓу неговите клиенти биле Мерил Стрип, Наоми Кемпбел, Салма Хајек и Хилари Клинтон. Документите од Министерството за правда на САД покажуваат дека Епштајн потрошил десетици илјади долари за себе, пријатели и соработници во салоните на Фекаи во текот на годините.

Во една е-пошта, Епштајн му испратил на Фекаи фотографии од жената, по што стилистот го прашал за посакуваната должина на косата и ја поканил жената во салонот веќе следниот ден. Документите, исто така, покажуваат дека двајцата мажи останале во контакт со години, дури и по пресудата на Епштајн во 2008 година за подведување малолетничка.

Фекаи, исто така, годинава беше под посебни обвинувања од поранешната асистентка на Епштајн, Сара Келен. Таа му кажа на Конгресот дека тој сексуално ја нападнал на Хаваи на почетокот на 2000-тите.

Фекаи категорично го негираше ова. Неговиот портпарол во тоа време рече дека тој не злоставувал никого и дека не знае ништо за трговијата со луѓе на Епштајн. Заедно со Епштајн, само Гислен Максвел е гонета за неговите злосторства во САД.

Тагови: фризер Џефри Епштајн

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер