Дарко Јованчевски од Бадел Мастерклас за Канал 5: Ние создаваме уметност со коктели - Канал 5

Живот

Дарко Јованчевски од Бадел Мастерклас за Канал 5: Ние создаваме уметност со коктели

Еден од четворицата натпреварувачи во Бадел Мастерклас е и Дарко Јованчевски од Велес. Тој, заедно со своите колеги, успеа да го воодушеви жирито на регионалното натпреварување за бармени на You Tube  каналот на Канал 5 телевизијa.

Дарко Јованчевски од Бадел Мастерклас за Канал 5: Ние создаваме уметност со коктели

Дарко во интервју за нашиот портал призна дека себеси се гледа како забавен, духовит, вреден и секогаш расположен за добро друштво и работа.

Овој долгогодишен бармен добро знае што го движи, па веднаш одговори кога го прашавме: Она што ме движи во работата и во животот е желбата да создадам моменти што луѓето ќе ги паметат – ни рече Дарко.

„Со искуството учиш да читаш енергија“

Дарко е друштвен човек, ги сака луѓето и токму така сфатил дека оваа професија е за него. Она што најмногу го привлече во професијата е контактот со луѓето, креативноста и динамиката што се случува од другата страна на шанкот.

Кога го прашавме дали и тој, како некои од неговите колеги, знае да процени што ќе нарача човекот кој седнува пред него, одговори: Со искуството учиш да читаш енергија, расположение, стилови, и најчесто погодувам што ќе пијат луѓето пред барот – објасни тој.

Неодамна направив пунч за повеќе луѓе во голема вазна, приближно пет литри (рум, ананас, цитруси, зачинет сируп), пиеја со големи сламки и беше голема атракција – се надоврза Дарко кога го прашавме што е најлудото што го има направено.

Нормално, како и неговите колеги, има омилена коктел-комбинација, а тоа е: мескал, ликер од бозел, некој цитрус и спаси пена.

Давид Давидовиќ од Бадел Мастерклас за Канал 5: На снимањето ни беше забрането да пиеме алкохол

Љупчо Јаковлески од Бадел Мастерклас за Канал 5: „Пред секое снимање режисерот викаше „потивко“

Вања Головски од Бадел Мастерклас, за Канал 5: „Мислев дека пиење и правење коктели е исто“

Правењето коктели за него е жива уметност, и тој целосно се согласува со таа дефиниција: Точно, коктелот е уметност. Со самото креативно мешање на различни вкусови, ние создаваме уметност.

„Имавме дополнителна задача која беше како карта за Загреб“

Иднината на оваа професија, според него, е позитивна, но има желба истата да се развива повеќе и кај нас, како што е случај во регионот: Во иднина сакам да мотивираме млади луѓе кои ќе ја препознаат убавината на оваа работа и заедно ќе ја развиваме барската култура во нашава средина – изјави тој.

Ова се четворицата натпреварувачи од Македонија за Коктел Mастер на Канал 5 You Tube

Го прашавме и како му било за време на снимањето на Бадел Мастерклас, бидејќи неговите колеги со нас поделија интересни анегдоти, а и тој имаше една: Испиено литро виски со друштвото на летот до Загреб, и така започна позитивната атмосфера на самото патување.

Не изненади кога ни откри што му било најтешко за време на натпреварувањето во Коктел Мастер – мислевме дека ќе е некој коктел, но не беше: Моментот кога се бираше четвртиот натпреварувач кој ќе патува за Загреб. Имавме дополнителна задача која беше како карта за Загреб – рече тој.

Шоуто Бадел Мастерклас можете да го гледате секој работен ден од 22 часот на You Tube каналот на Канал 5 телевизија, а Дарко на крајот од интервјуто им порача на сите кои се занимаваат со оваа професија да се пријават: Би му препорачал на секој еден бармен да се пријави на ваков тип на натпреварување – запознавање нови пријателства, стекнување нови искуства, незаборавни моменти и само позитивни препораки – заклучи Дарко.

Тагови: Бадел Мастерклас Коктел Мастер Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер