Забава

Вања Головски од Бадел Мастерклас, за Канал 5: „Мислев дека пиење и правење коктели е исто“

Ова е Вања – можеби на многумина низ Македонија веќе им е познат, но по учеството во натпреварот Коктел Мастер, ќе стане уште попознат.

Тој е еден од четворицата учесници од Македонија кој го воодушеви жирито и им покажа колку е страствен во својата работа. За себе вели дека е човек кој ужива во тоа што го работи, но и ги сака луѓето.

„Најмногу ме движи поривот за креација и реакциите на воодушевување кај луѓето. Исто така, изнаоѓање на решение за проблемите што секојдневно се појавуваат, претставува вистински предизвик и движечка сила,“ – изјави Вања кога го прашавме што го мотивира.

„Ноќниот живот знае да биде монотон, исто како и животот генерално…“

Иако постои мит дека многу бармени точно знаат што ќе нарача некој штом го видат, Вања Головски вели дека кај него тоа не е така:

„Не знам што ќе нарачаат луѓето, затоа прашувам. Идејата е да понудиме ново искуство, а со автоматизирани нарачки нема простор за нешто ново. Ноќниот живот знае да биде монотон, исто како и животот генерално… Уметноста во сликите е она што го трансформира животот и нуди бегство од градското сивило. По истиот принцип, до некаде и коктелите нудат различно искуство. Треба само да си дозволиш да те понесе вечерта со своите моменти и да уживаш во неа, како и во коктелите кои се уметност – покрај музиката и гостопримството – кои ти пружаат луксуз и простор за слободна интерпретација на светот во кој се наоѓаш.“

Прикажи ову објаву у апликацији Instagram

Објава коју дели Vanja Golovski (@vujkovanja)

Головски експериментирал со коктели уште пред да започне професионално да се занимава со оваа работа. Имаше мошне интересен одговор кога го прашавме кој е најлудиот коктел што го направил:

„Најлудиот е многу гаден, затоа и спаѓа во таа категорија. Тоа е еден од првите коктели што сум ги направил – без да имам поим од темата ‘коктели’. Од времето кога мислев дека пиење и правење коктели е исто.“

Како и многу љубители на коктели, и тој има своја омилена комбинација. Вели дека секогаш се враќа на класиците:

„Секогаш се сведува на едноставност – читај: Old Fashioned, Negroni, Tom Collins.“

Смета дека оваа професија е многу динамична, дека ќе се развива и во иднина, со можност за воведување и на вештачка интелигенција:

„Во иднина гледам различни комбинации – алкохолни и безалкохолни – и мешан пристап помеѓу вештачка интелигенција и човечки елемент.“

Шоуто Badel Masterclass го вбројува меѓу најубавите искуства во животот. Вели дека уживал во снимањето, а дека има толку многу анегдоти што може само за нив да раскажува – во посебно интервју.

Вели дека ништо не му било тешко за време на снимањето на Badel Masterclass:

„Natural habitat,“ – изјави тој со насмевка, и додаде дека сите што размислуваат да се пријават – треба да го направат тоа.

„Сите што сакаат да се пробаат, да излезат од границите на комфортот – секако дека треба да го направат тоа. Ние не знаевме што не чека – беше ултра динамично и интензивно. 10/10 – би препорачал!“ – заклучува Вања.

Вечерва во 22 часот премиерно на „You Tube“ канал на Канал 5 телевизија погледнете ја првата епизода од регионалната шоу-програма Коктел Мастер – Badel Masterclass.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По „Безбеден град“ намален вкупниот број загинати на македонските патишта

За 35 лица е намален бројот на загинати во сообраќајни несреќи во првите осум месеци годинава, споредено со истиот период лани.

Од 96 жртви во 2025, бројот годинава е намален на 61. Бројките ги сподели министерот за внатрешни работи Панче Тошковски при денешниот старт на „Безбеден град“ во Велес. Тој посочи дека намалувањето на бројот на жртви е резултат на повеќе фактори, меѓу кои и зголемената контрола и санкционирањето на сообраќајните прекршоци.

Со пуштањето во функција во Велес, системот го опфаќа целото подрачје на СВР Велес – Велес, Кавадарци, Неготино и Демир Капија. Само за ден и пол системот во Велес веќе регистрирал 151 сообраќаен прекршок. Од нив, 124 се регистрирани во саботата, а уште 27 денеска до пладне. Најголем дел се за прекумерна брзина, додека три до четири прекршоци се за минување на црвено светло.

-Вчера (сабота) регистрирани се 124 казни, а денес до пладне 27 казни, односно за ден и пол вкупно 151. Ова е многу помалку во споредба со бројките што ги имавме во некои претходни периоди. Велес доби и команден центар за овој систем, сместен во поранешните простории на Министерството за одбрана, кои се целосно реконструирани. Тој го покрива подрачјето на СВР Велес, односно градовите Велес, Кавадарци, Неготино и Демир Капија. Најголем дел од овие 151 казна се за брзо возење, а само три-четири се за минување на црвено светло на семафор. – Панче Тошковски – Министер за внатрешни работи

Но, црниот биланс на патиштата и натаму е присутен. Само во изминатите два дена во две тешки сообраќајки загинаа три лица – двајца кај Илинден, меѓу кои татко и неговиот 17-годишен син, и 21-годишен млад фудбалер во несреќата на патот Гостивар–Стража. Во двете несреќи има и повеќе повредени. Во сообраќајката кај Илинден повредени беа две лица, едното повредено 17 годишно момче е во кома, а 17 годишната девојка е тргната од респиратор, велат од Ургентен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Ќе се намалува ДДВ-то за дизел горивата

На владина седница денеска ќе се донесе мерка за намалување на ДДВ за дизел горивото од 18 на 10 проценти – информира премиерот Христијан Мицкоски.

Во продолжение погледнете ја целосната изјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со настaпи на Хозе Карерас и Дејвид Гета, над 200 илјади граѓани ја прославија 35-годишнината од независноста

Над 200 илјади граѓани присуствувле на настаните кои во текот на еден месец се одржуваа на повеќе локации по повод 35 години од независноста на Македонија, посочи премиерот Мицкоси.

Тој оцени дека државата достоинствено ја одбележала независноста и дека прославата била од светски калибар. Најави дека вакви настани ќе се организираат секоја година и дека Владата ќе поддржува ваков тип културни и спортски манифестации. На обвинувањата од СДСМ за сумата одвоена за концертот на Дејвид Гета, Мицкоски одговори дека се од општествено одговорни компании и дека резервите на Државната лотарија сега се насочувле назад кон граѓаните, а не во приватни џебови како што тоа било случај во минатото.

„Ја следам оваа естрада што ја прави опозицијата. Мислам дека се единствени коишто во овој период не се задоволни затоа што прославата на 35-годишнината, којашто траеше повеќе од еден месец, помина навистина прекрасно. Имаше мнигу среќни и многу задоволни граѓани. Оние кои очајуваа на времето парите ги трошеа во приватни џебови кај Перпарим и останатите, а ова влада сето она кое што е дел од резервите на Државна котарија го враќа назад кај граѓаните, кај културата и кај уметниците. Има разлика не сме исти, владата на СДСМ и ДУИ добивката од Лотарија најчесто преку сомнителни тендери и јавни набавки ги враќаше во приватни џебови на неколкумина виоски функионери, за кои има судски просеси“– Христијан Мицкоски, претседател на Владата

Од опозиоциската СДСМ пак бараат јавно да се објаваат договорите И исплатите на добавувачите и на секој изведувач поединечно кој настапил за време на одбележувањето на независноста. Во спротивно бараат да се отвори истрага кој ќе утврди каде завршил секој денар.

„Владата мора да ги објави договорите, анексите, фактурите, банкарските исплати, примателите, изведувачите, добавувачите и пресметаните даночни обврски. Сомнежите за дилови се оправдани, поради начинот, одлуката, криењето информации и отворањето на јавниот повик, кој траел само пет работни дена и на кој пристигнала само една понуда. Значи условите биле однапред приспособени за конкретен организатор бил договорен. Колку точно чинел настапот на Дејвид Гета – неговиот хонорар, продукцискиот пакет, сцената, техниката, транспортот и меѓународниот тим. И кога бил договорен и исплатен“- Маја Борозан, портпаролка на СДСМ

35 годишнината од незавиноста се одбележуваше повеќе од еден месец ширум земјава. Прославата стартуваше на 9-ти август од стадионот Билјанини извори во Охрид, а карванот насловен „Силно светнал ден“ помина низ 11 градови. На 1-ви септември на градскиот плоштад во Скопје настапи и светската оперска ѕвезда Хозе Карерас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.