Четири модела на фустани за оваа есен!

Плакарот на повеќето дами е сигурно полн со сите модели на фустани и токму кога некои ќе помислат дека тоа е тоа за оваа година, пристигнуваат некои нови трендови.

Ребрасто плетени фустани

Љубителите на рачната работа ќе се согласат дека нема ништо поубаво и поавтентично од плетена облека, како џемпери или уште подобро, фустани. Плетената облека пред сè, изгледа удобно и елегантно, а во студените денови во неа секако ќе ви биде топло. Ваквите плетени фустани одлично се комбинираат со чизми до колена или со ватирана јакна. Покрај тоа, ќе бидете оригинални бидејќи не секој знае да носи такви фустани. Се предвидува дека ќе бидат „задолжителни“ оваа есен.

Макси фустани

Ако мислевте дека се наменети само за лето, тоа не е така. Иако се изработени од друг материјал, прилагоден на постудените денови, макси фустаните или оние што се протегаат до нозете, оваа есен ќе бидат застапени на улиците. Освен што се тренди и лежерни, ќе ве стоплат и во наредните денови, а при тоа не ја кријат премногу вашата фигура.

Фустани со графички детали

Веројатно сте забележале дека некои луѓе и при облачно и мрачно време носат „живи“ бои и ја разбиваат монотонијата на студените денови. Фустаните со графички детали воовие денови се идеален избор за да внесат малку ведрина и да го подигнат вашето расположение. Различни анимации на нив ќе дојдат до израз доколку ги комбинирате со џемпер или сако.

Минималистички, но ефектни фустани

Фустаните во класични бои никогаш не излегле од мода, а особено се во тренд оваа есен. Ако изберете еден од овие, обрнете внимание на додатоците кои би требало да дадат посебен печат. Сепак, овие ефекти не треба да бидат премногу нападни. Овие фустани можете слободно да ги носите преку ден, но и навечер.

Се отвори огромна дупка среде Рим и „проголта“ два автомобила (ВИДЕО)

Бездна длабока и широка околу 10 метри проголта два автомобила среде ноќ во Рим, поради што интервенираше полицијата.

Инцидентот се случил околу еден часот по полноќ, а две возила Дачија и Рено завршиле во дупката.

Полицијата веднаш реагирала, ја затворила улицата и го обезбедила просторот, јавуваат италијанските медиуми.

Поставен е кордон, а се уште не се знае зошто се урнал асфалтот.

Не се знае дали има повредени во инцидентот.

Најмалку 45 загинати во автобуска несреќа во Јужна Африка

Најмалку 45 лица загинаа во сообраќајна несреќа во Јужна Африка во која учествувал автобус, соопшти јужноафриканското Министерство за транспорт.

Едно лице е тешко повредено.

Несреќата се случила во близина на Маматлакала, во провинцијата Лимпопо, јавува Ројтерс.

Дејвид Бекам објави снимка како вежба: Не сакам ова да го види жена ми (ВИДЕО)

Дејвид Бекам се пофали на Инстаграм со видео на кое вежба без маица и ги воодушеви своите фанови.

48-годишниот поранешен фудбалер покажа дел од своите напорни тренинзи, а неговите стомачни мускули, како и бројните тетоважи на телото ги привлекоа погледите на фановите.

„Ти си како виното, се подобруваш со годините“, „Секогаш си силен“, „Ова ми го разубави денот“ и „Не сакам жена ми да го види ова“, се само дел од коментарите на обожавателите.

Да потсетиме, неговата сопруга Викторија неодамна покажа подарок што го доби од него, а кој целосно ја воодушеви.

притисни ентер