Момчето од Лос Анџелес почнало да прави облека кога имало само четири години. Посетувал часови по шиење, а минатата година ова талентирано момче ја имало својата прва ревија.
Бројот на гости бил ограничен поради тоа што ревијата се одржувала за време на пандемијата на коронавирус, но пристигна и еден моден критичар кој шоуто на Макс го нарече „женствено“.
Американските медиуми пишуваат дека Макс веќе добива барања од познати личности. Во 2021 година, тој го лансираше својот сопствен бренд „Couture to the Max“. Родителите на Макс го откриле интересот на момчето за модата кога за време на семејната вечера тој побарал кукла на која ќе ја покаже својата креација. Оттогаш тој е посветен на модата и постојано ги усовршува своите вештини.
"Макс е многу среќен и енергичен ученик. Тој е модно чудо, но сака и математика, наука, уметност и тенис", изјавила мајката на Макс за „Bored Panda“.
Првите креации ги изработи од пластична амбалажа, украсни ленти и остатоци од материјали, а потоа и од картон. Седумгодишното момче сака шарени дезени, светли бои и сјај. Неговите креации се карактеризираат со слоевитост и комбинирање на материјали.
Со помош на родителите, Макс продава фустани ширум светот, а доби можност да работи и со актерката Шерон Стоун. Неговиот сон, како што вели, е еден ден да биде шеф на модната куќа „Gucci“ или да отвори своја модна куќа.
Инаку, Макс е популарен и на социјалните мрежи. 1,5 милиони луѓе го следат на Инстаграм. Младиот дизајнер своите дела ги објавува на социјалната мрежа, а го поддржуваат бројни следбеници.