Баерн го тресе корона-афера, Нагелсман ја напушти прес конференцијата (ВИДЕО)

Баерн го тресе аферата поврзана со короната, но и инфекцијата на неговите фудбалери со вирусот.

На прес-конференцијата пред натпреварот од Лигата на шампионите против киевски Динамо, тренерот на германскиот шампион требаше да добие прашање. Сепак, пред новинарот да може да го праша, Џулијан Нагелсман го праша дали станува збор за короната или за спортот. Кога слушна дека темата е корона, Нагелсман се насмеа, стана од масата и си замина.

Петмина играчи на Баерн се веќе извесно време во карантин поради одбивање да се вакцинираат. Фудбалерите на тој клуб кои не сакаат да се вакцинираат ги предводи Џошуа Кимих, а во таа група се уште и Ерик Максим Чупо-Мотинг, Џамал ​​Мусиала, Серж Гнабри и Мајкл Куинс. Сепак, најновата вест од Германија е дека Мусијала и Гнабри сепак решиле да ја примат вакцината. Сепак, уште поново е, објавено од Баерн во попладневните часови, дека Кимих и Чупо-Мотинг се заразени со корона.

Баерн вчера одлучил да не им исплаќа плати на играчите кои ќе завршат во карантин бидејќи биле во контакт со заразено лице и не биле вакцинирани. Се разбира, играчите нема да бидат платени само за периодот што го минуваат во карантин.

Ваквата одлука на Баерн ја предизвикал Кимих, еден од најплатените играчи во клубот. Кимих заработува 20 милиони евра годишно, но одбива да се вакцинира, па поради таа одлука извесно време е во карантин. Тој го пропуштил мечот што Баерн го загуби од Аугсбург во Бундеслигата, а го пропушта и вечерашниот меч со Динамо Киев.

Инаетот на Кимих ќе го чини 768 илјади евра, но тој нема намера мирно да ја прифати казната. Телевизијата Bayerischer Rundfunk објавила дека невакцинираните играчи на Баерн ќе се жалат дека клубот им ја ускратува платата и најверојатно ќе го тужат клубот. Спорт1 наведува дека „Баерн стравува дека тимот ќе биде поделен на два табора, но и од целосен распад што може да дојде со заминување на некои играчи“.

Во САД во ноември се вработиле 210.000 лица, помалку од предвиденото

Но стапката на невработеност паѓа.

Вработеноста во САД значително се намали во ноември со отпуштања во малопродажбата и во образованието, но стапката на невработеност покажа добри резултати од 4.2 отсто, најмалку во изминатите 21 месец, јави дописникот на МИА од Вашингтон.

Намалената невработеност во ноември до четири отсто е во споредба со октомври, а тоа ја одразува бројката од речиси 600.000 нови вработувања во ноември, објавена претходно од Министерството за труд на САД.

Иако Министерството денеска објави друга бројка – дека во ноември биле вработени 210.000 лица, помалку од половина во октомври и многу помалку од предвидените 500.000 со оглед на празничниот период, според извештајот, двете бројки се разликуваат бидејќи едната е од анкетирани работодавачи, а другата е од домаќинствата.

Американската економија се враќа на ниво пред пандемијата, но мошне споро. Бројките покажуваат дека дел од Американците кои ја изгубиле работата поради пандемијата се враќаат на пазарот на трудот. Од анкетите на домаќинствата се дознава дека речиси 600.000 лица се вратиле на работа во ноември.

Тоа во ноември го зголеми влијанието на работоспособните Американци кои имаат работа или ја бараат до 61.8 отсто, споредбено со 61.6 отсто во октомври. Сепак, во САД во моментот се вработени 2.4 милиони луѓе помалку во споредба со периодот пред пандемијата.

Економистите сметаат дека силниот берзански пазар и високите цени на станбената недвижност ја зголемиле благосостојбата на многу Американци што придонело за тоа предвремено да се пензионираат. Исто така, многу домаќинства имаат огромни заштеди и нивните члеови не се брзаат да најдат работа.

Покрај тоа во САД се забележува и пораст на самовработувања.

Портпаролот на СЗО ги пофали компаниите што подготвуваат нова вакцина

Портпаролот на СЗО истакна дека во светот е доминантна Делта и оти повеќе од 90 отсто од заразените се заразени со оваа варијанта.

Производителите на вакцини против Ковид-19 треба да се пофалат што се подготвуваат за можноста дека ќе мора да ги приспособат своите производи за заштита од варијантата Омикрон, изјави денеска портпаролот на Светската здравствена организација (СЗО) Кристијан Линдмаер.

На брифинг во Женева тој рече дека СЗО сè уште ја проучува преносливоста и сериозноста на новата варијанта, која беше откриена во јужна Африка.

– Многу е за пофалба што производителите на вакцини веќе почнаа да прават планови согласно кои веројатно ќе треба да ја приспособат постоечката вакцина, рече тој додавајќи дека „е добро да не се чека да заѕвони алармот".

Линдмаер сепак нагласи дека ќе биде потребно уште некое време и оти не треба да се брза со заклучоците. Според него, прелиминарните податоци покажуваат дека има поголема преносливост, но оти во суштина тоа е сè што засега се знае.

Портпаролот на СЗО истакна дека во светот е доминантна Делта и оти повеќе од 90 отсто од заразените се заразени со оваа варијанта.

Се подобрува епидемиолошката состојба во Словенија, отворени скијачките центри

Во последните 24 часа во Словенија се потврдени 1.737 инфекции со коронавирус, со што продолжува трендот на подобрување на епидемиолошката состојба кое трае речиси две недели, а денеска во земјата се отворени скијачките центри.

Со 5.485 тестови откриени се 1.737 заразени, 37,1 отсто од тестовите биле позитивни. Ден претходно имало 2.125 заболени односно 34,1 отсто позитивни тестови. Значителен пад на новозаразените се бележи и на неделно ниво и е далеку од состојбата пред еден месец, кога на 3 ноември имаше 4.518 новозаразени, што е највисока бројка досега во четвртиот бран на епидемијата.

Бројот на активни инфекции се уште опаѓа и изнесува 31.796 случаи, а истиот тренд го покажува и двонеделната инциденца која моментално е 1508 (84 помалку од претходниот ден), додека седумдневнатиот просек на инфекции во еден ден падна за 88 и за прв пат падна под 2.000, моментално изнесува 1906.

Хоспитализациите стагнираат

Хоспитализациите стагнираат, со вкупно 1.059 пациенти во болниците денес, од кои 270 на одделенијата за интензивна нега, додека 17 пациенти починале, со што бројот на починати се искачи на 5.272 од почетокот на епидемијата.

Поповолната епидемиолошка состојба ќе ги подобри резултатите на словенечкиот туризам во зимската сезона, во однос на минатогодишните катастрофални резултати кога претежно беа затворени скијачките центри.

Повеќето од нив имаат доволно снег и денеска се отворени, со пропишаната епидемиолошка рамка за која се надеваат дека ќе трае до крајот на сезоната. Скијачите мора да бидат вакцинирани, со потврда дека прележале Ковид или дека биле негативно тестирани, а маски треба да се носат во кабините на жичарницата.

притисни ентер