Зошто се дозволува студентите да живеат во депонии?

Идните академски граѓани се дават во сопственото ѓубре.

Најголемиот студентски дом во градов повеќе личи на депонија отколку на место каде престојуваат студенти.

 „Гоце Делчев“ изминатиов период се реновираше, но остатоци од шут, лимови и градежен материјал се уште има покрај калливите патеки.

Грдата слика ја надополнуваат и стотици кеси со шишиња, хартија и разен отпад кои заедно со лисјата ветрот ги разнесуваше на сите страни.

И додека сите очи се вперени кон катастрофалната хигиена во студентскиот дом Пелагонија, всушност реалноста е дека ни далеку не е почисто во останатите студентски домови. Овој шут и отпад во студентскиот дом Гоце Делчев денеска го затекнавме. Ако службите на комунална хигиена денеска во Пелагонија чистат од љубов, очигледно е дека имаат раце полни работа да преземат мерки и за другите студентски домови.

Срамната слика од „Пелагонија“, пак, наместо самите студенти - денеска ја поправаа општински работници и надлежни служби. Со метли се чистеше пределот кај влезот на студентскиот дом во Кисела Вода, а во камиони се складираше останатото ѓубре. Тревниците иако средени, се уште можеа да се забележат гранки од дрвја украсени со ќеси и остатоци од храна.

Првиот човек на „Пелагонија“ апелира до студентите да не фрлаат ѓубре од прозорите. Најави дека ќе се поставуваат камери за да се „ловат“ несовесните студенти. Во спротивно ќе бидат парично казнети па дури и принудени да го напуштат домот.

Ова не е нова слика, ваква е ситуацијата со години, но наместо овие проблеми да се решаваат, се повеќе ескалираат. Виновниците за оваа катастрофална состојба може да се бараат и кај институциите но и кај ниската еколошка свест на граѓаните и за просторот во кој секојдневно живеат.

Локализиран пожарот од страна на Пинтија

Целосно е локализиран пожарот од страна на Пинтија, останува дел над населбата Усје. 

Противпожарни екипи се на терен и се работи на негово комплетно гаснење, информираат за МИА од Територијалната противпожарна единица на Град Скопје.

Пожарот избувна денеска околу 11:30 часот во шумата над скопската населба Пинтија. Зафатена беше поголема површина мешана шума.

Територијалната противпожарна единица на Град Скопје во гаснењето на пожарот доби помош и од воздух, активирани беа и авионите на Дирекцијата за заштита и спасување. Авионите направија два прелети  и фрлија вода кон Сопиште, каде се ширеше пожарот. Пожарникарите уверуваат дека нема опасност за ширење на пожарот кон Сопиште.

Во гаснењето на пожарот во Пинтија се вклучи и градоначалникот на Кисела Вода Филип Темелковски со претставници од Општината и месното население.

Во моментов активен е само пожарот кај Обиколница Бутел, а изгаснати се пожарите во Долно Блаце и Мојанци./МИА

Во сообраќајна несреќа настрадале мајка и ќерка од Пирот

Наместо да стигнат на одмор во Грција тие настрадале во сообраќајна несреќа.

Во сообраќајната несреќа која се случила во петок изутрина во Бугарија, на магистралниот пат кон Грција се случила сообраќајна несреќа во која настрадале мајка и ќерка, додека таткото кој го управувал возилото со тешки повреди е пренесен во болница.

Како што соопштуваат бугарските медиуми, несреќата се случила откако возилото „Фиат Панда“ со пиротски регистарски таблички од непознати причини нагло свртело на другата страна од коловозната лента и направило директен судир со автобус кој се обраќал на релација Благоевград- Сапарева бања.

Семејството од Пирот на кое му се случи оваа несреќа било тргнато на годишен одмор во Грција.

Тројца мртви во инцидент меѓу навивачи во Хондурас

Тројца се убиени во инцидент меѓу навивачи пред фудбалскиот меч помеѓу Мотахуе и Олимпија на Националниот стадион во Хондурас, пишуваат локалните медиуми.

Тие пренесуваат дека навивачи на Олипија го нападнале автобусот во кој се возеле навивачи од противничкиот тим. Се слушало пукање а полицијата користела солзавец за да го сопре инцидентот. Повредени се уште тројца луѓе од скршено стакло.

притисни ентер