Подобро известување за изборите, но и говор на омраза и црна политичка кампања

За локалните избори медиумите известуваат подобро.
Ова е заклучокот од дебата - Известување на медиумите во изборна кампања, на ЗНМ. АВМУ соопшти дека до обвинителството поднела  само 6 прекршочни пријави за разлика од над 60-тина во претходниот изборен циклус. Според Трајчевски ова е резултат на пресвртот на однесувањето на судовите.

- Првпат по толку години каде што имаме точно наведени рокови во законот и судот реагира веднаш и за наше изненадување се закажува рочиште, дури има рочиште во 17 часот минатиот петок за да се почитува рокот од 48 часот и вечер во 19 часот беше изречена пресуда за прекршување на Изборниот закон, вели Трајчевски.

За Џабир Дерала од Цивил во изминатите десет години имало спрега меѓу медиумите, политичките партии и судовите., која предизвикала фатални последици и пад на политичката култура. Тој посочува дека  говорот на омраза во медиумите предизвикува насилство во општеството.

Судот најде за сходно да осуди едно лице за фб пост против претседателот на Турција Ердоган а не најде за сходно да осуди говор на омраза кој има многу жестоки последици во општество, вели Дерала.

Според ЗНМ за разлика од минатото кога од  54 напади врз новинари полицијата не нашла ниту еден напаѓач, за овие локални избори нема напади врз новинарите.  Според Селмани ова се должи на различниот однос на полицијата кон новинарите.

Заеднички став на учесниците е ваквиот тренд да продолжи и во иднина, и по изборите. 

Како ќе се реши проблемот со извозот на земјоделски производи на Косово?

Времената рамка на Косово за повисоки царини од 30% за овошје и зеленчук предизвика хаос во регионот.

Петти ден земјоделците немаат каде да ги извезуваат своите производи. Извозот од ден во ден е се помал. Им се закануваат огромни штети.

В среда во Белград ресорните министри на земјите од регионот на итен состанок ќе бараат лек за проблемот. Најавија и контра-мерки. Македонија веќе испрати и допис до ЦЕФТА  и ЕУ потенцирајќи дека мерката е неаргументирана.

Во меѓувреме српскиот министер за трговија Расим Љајиќ и порача на Приштина да се одлучи дали е или не е ЦЕФТА потписничка.

Косовската времена мерка ќе трае три месеци. Со неа, за 30% се зголемуваат царините за увезеното овошје и зеленчук. Опфаќа 21 сорта од земјоделските производи и важи за сите држави кои увезуваат во Косово.

Најпогодени, според министерството за земјоделство, се доматите, пиперките и сливите.

Иран: Најмалку 25 лица повредени во земјотресот

Најмалку 25 лица се повредени во земјотресот со јачина од 5,9 степени по Рихтер, кој денеска го погоди западен Иран, неколку часа откако два земјотреси ја потресоа јужната провинција Хормозган.

Гувернерот на западната провинција Керманшах, Хусанг Базванд, изјави дека 25 лица се повредени и дека, за среќа, нема информации за мртви.

Претходно денеска, јужниот дел на Иран беше погоден од земјотреси со јачина од 4,7 степени и 5,7 степени според Рихтеровата скала.

Во тие потреси немаше повредени, а предизвикана е помала материјална штета.

притисни ентер