Врховниот суд на Грција предлага да не се екстрадираат двајца од 8-те турски војници

Да се отфрли барањето на Турција за екстрадирање на двајца од 8те турски војници кои во Грција побараа азил предлага обвинителката од грчкиот Врховен суд.
 Василики Теодору смета дека барањето на Анкара е законски неприфатливо, но и доколку има некаква законска основа, повторно не треба да бидат екстрадирани, бидејќи постои опасност да бидат изложени на тортура.

„Ако бидат екстрадирани постои ризик дека нема да имаат фер судење, би биле изложени на тортура, на нехуман и понижувачки третман.“- рекла обвинителката Теодору во нејзиното објаснување, потенцирајќи дека барањето на Турција е неодредено, без конкретен опис на делата за кои се обвинети војниците. Таа во нејзиното излагање, за да го поткрепи нејзиниот став за пример ги земала апсењата на новинари, функционери и државни службеници во Турција, а ја споменала и можноста одново да се воведе смртна казна.

Двајцата турски војници, пак, кои денеска се појавија пред Врховниот суд ги пренесоа нивните ставови и искуства.

„Без никакво оправдување, мојата сопруга, брат ми и неговата сопруга беа отстранети од нивните работни места. Нашите банкарски сметки и имоти ни се конфискувани. Дојдовме во Грција за да си ги спасиме животите, а ни велат дека сме предавници. “ – рекол, според грчките медиуми едниот од војниците кој открил дека во турските затвори постоела тортура врз неговите колеги, а имало и самоубиства.

„На моите деца во училиште им велат дека сум предавник. Човекови права во Турција не постојат. Загрижен сум за иднината на моите деца.“ – рекол вториот турски војник.

Случајот со војниците најпрво го разгледуваше грчкиот апелационен суд, кој како што веќе објави Канал 5 минатиот месец, донесе две различни одлуки: екстрадиција за 3 турски војници, а останатите 5 да не бидат екстрадирани.

По барање на адвокатите на војниците, предметите стигнаа до грчкиот Врховен суд. Во текот на следните денови пред судот ќе бидат изнесени и останатите 6 турски војници, додека пак конечната одлука за сите војници кои само 1 ден од неуспешниот обид за пуч во Турција, со воен хеликоптер пристигнаа во грчкиот град Александруполи и побараа азил, ќе биде донесена на 23 јануари.

Сепак, последниот збор ќе го има министерот за правда. Во случај Врховниот суд да рече не за екстрадиција, министерот може да донесе спротивна одлука, но и ако судот даде зелено светло за екстрадиција, министерот да не дозволи војниците  да бидат вратени во Турција. 

Деветмина штитеници загинаа во пожар во поправен дом (ВИДЕО)

Најмалку девет лица , меѓу кои и деца загинаа во пожар во привремениот поправен дом за малолетници во бразилскиот град Џојана.

Во пожарот има и десетина повредени . Пожарникарите ги поребаруваат просториите во потрага по повредени или загинати . Од центарот за малолетници нема потврда дали е тоа конечниот број и која е причината за избувнувањето на пожарот утрово околу 9 часот по локално време.

Не е познато ниту колку штитеници имало во центарот , кој се користи за времено сместување на малолетници додека е во тек судската постапка за нив или нивните блиски.

Словенија се врти кон десно – Јанша фаворит на изборите

Поранешниот премиер на Словенија е најголем фаворит на изборите што ќе се одржат на 3 јуни.

Според последните три анкети на десетина дена пред изборите , Словенската демократска партија е фаворит , а според некои дури и убедливо. Јанша за директен противник го има Лука Месец , роден 1987 година , кој е лидер на Левицата. Јанез Јанша , кој во времето кога Месец се родил , бил војник во ЈНА со него се пресметува на твитер. Тој го исмеа доаѓањето на ТВ дуел на Месец со Мерцедес споредувајќи го со ,,неговиот идол Тито , кој имаше 72 Мерцедеси”. Ваквата директна реторика очигледно е добро примена кај Словенците , кои не му замеруваат на Јанша ниту вртењето кон Унгарскиот модел на Виктор Орбан, пишуваат словенечките медиуми.

Тој деновиве му беше гостин на два предизборни митинзи. Второ и трето место на анкетата ги заземаат Социјалдемократите на Дејан Жидан , како и Листа на Марјан Шарц, новооснована партија , која што кон крајот на минатата година дури водеше на анкетите.

Позитивна Словенија на Зоран Јанковиќ потпиша договор за заеднички настап на изборите со Партијата на пензионерите, Десус на Карл Ерјавец , со кого ќе треба да го спречат повторното доаѓање на Јанша на власт.

Експлодираше камион полн со парфеми на автопатот Загреб- Белград (ВИДЕО)

Силна експлозија одекна на автопатот Загреб- Белград во близина на Пеќинци.

Камион со приколка полн со парфеми целосно изгоре во експлозијата на автопатот во правец кон Белград. За среќа возачот на време избегал и е неповрерден. Сообраќајот неколку часа беше во прекин и се формираа километарки колони возила.

Според очевидците , по првата силна експлозија имало и неколку послаби. Не е позната причината за запалувањето на камионот , кој целосно изгоре.

притисни ентер