Македонија го одбележува Светскиот ден на аутизмот - Канал 5

Македонија

Македонија го одбележува Светскиот ден на аутизмот

Под мотото „Еден свет за сите“ Македонија по трет пат годинава го одбележува Меѓународниот ден на аутизмот. Централната манифестација ќе се одржи во Скопје сити мол во организација на здружението „Во мојот свет“ под покровителство на сопругата на претседателот на Република Македонија, Маја Иванова.

Македонија го одбележува Светскиот ден на аутизмот
Децата, заедно со поддржувачите на кампањата, ќе составуваат сложувалка со боите на аутизмот, а ќе биде приредена и музичка програма.

Целта е да се придонесе за подобрување на условите за живот на оваа ранлива група граѓани.

По повод Меѓународниот ден, делегација на Македонското научно здружение за аутизам и семејства кои имаат деца со аутизам ќе го посетат претседателот на Република Македонија Ѓорѓе Иванов. Целта е со посетата да ја подигнат јавната свест за аутизмот во Македонија и да покажат дека ооваа популација не е маргинализирана.

Од здружението „Во мојот свет“ посочуваат дека во Македонија не постои официјален регистар на лица со аутизам, но се проценува дека има 2.500 лица со аутизам и 12.000 кои влегуваат во аутистичниот спектар на нарушување.

Од Министерството за труд и социјална политика велат дека во соработка со Министерството за здравство почна реализацијата на идејата за воспоставување национален регистар на лица со аутистичен спектар на нарушување. Се надеваат дека националниот регистар ќе биде појдовна основа за креирање национална стратегија за справување со атуистичниот спектар на нарушување. Очекуваат и да се зголеми свеста на јавноста и на професионалците за овој проблем, да се унапреди едукацијата на стручните кадри за работа со деца и лица со аутизам и да се формираат што поголем број специјализирани центри за лица со аутизам.

- Значајна и длабока човечка смисла се открива при секој потфат за заштита, рехабилитација, воспитување и образование на лицата со аутизам, затоа што тоа е една од најблагородните и најзначајни активности кое што во рамките на своите надлежности може да ги спроведе Министерството за труд и социјална политика во соработка со останатите надлежни субјекти. Таквата висока вредност и смисла не обврзува сите нас, секој од својот домен на делување, на еден посебен начин да придонесеме кон развој на еден единствен квалитетен систем на здравствени, социјални, рехабилитациски и воспитно-образовни установи, служби, институции, со еден збор хуман однос кон оваа категорија на лица, велат од Министерството.
Најавуваат дека како една алка од овој интегративен систем го подготвиле и до крајот на овој месец целосно ќе го стават во функција Дневниот центар за деца со аутизам, кој што ќе биде потврда на напорите што се вложуваат, овие деца да се интегрираат во општеството и да не останат на неговите маргини.

Во Центарот, кој како организациска единица ќе функционира во рамките на Меѓуопштинскиот центар за социјална работа на град Скопје, а просторно ќе биде сместен во Заводот за рехабилитација на деца и младинци-Скопје, ќе бидат опфатени вкупно 20 деца со аутистичен спектар на нарушувања, кои ќе бидат распоредени во три возрасни групи од 5-10 години, 10-15 години и 15-18 години, со кои што ќе работи посебно обучен тим од 4 специјални едукатори-дефектолози, еден логопед, еден психолог, еден социјален работник, еден физиотерапевт, медицинска сестра и двајца негователи, што само по себе докажува каков вид и степен на заштита и рехабилитација ќе им се даде на овие деца во овој Дневен центар.

Поголем број од децата со аутизам се веќе интегирани и во постојните 23 дневни центри за деца со пречки во развојот, кои што обезбедуваат услуги на дневно згрижување и престој, нега, исхрана, психосоцијална рехабилитација и реедукација, советодавна работа и услуги на организирано поминување на времето на децата со умерени и тешки пречки во менталниот развој, кои што се на возраст од 5-18 години и истите се наоѓаат во ризик од маргинализација или институционализација.

Од Министерството додаваат дека како поддршка на семејствата на децата со аутизам, во континуитет еден од родителите, на овие деца го остварува правото на посебен додаток согласно Законот за заштита на децата во висина од 4.200 денари, а истовремено доколку нивните родители или старатели се во работен однос согласно со позитивните законски прописи може да го остварат и правото на надоместок на скратено работно време.

Аутизмот е биолошко развојно нарушување на мозокот. Главни карактеристики се слаба или никаква социјална интеракција и комуникација, ограничени активности и повторувачки шеми во однесувањето. По тие карактеристики аутизмот се разликува од останатите нарушувања од групата нарушувања од групата нарушувања од аутиситичниот спектар.

Причините за ова нарушување не се во целост познати, но голем број експерти тврдат дека до него водат различни причини.

Институциите кои ги третираат лицата со аутизам порачуваат дека е многу значајно раното дијагностицирање. Со современите знаења, средства и методи аутизмот може да се детектира најрано на возраст од околу 18 месеци со што се создава основа за интервенција кога мозокот е во фаза на формирање. Со раното откривање на аутизмот може да се обезбеди излез за аутистичните деца како и за луѓето околу нив.

Важна е и раната консултација на родителите со педијатарот и психијатарот и низ мултицисциплинарен преглед во институционална фаорма правилно да може да се лоцира симптоматологијата на аутизмот и да ги препознае критеријалните однесувања кои го лоцираат аутизмот. Родителите обично ги забележуваат симптомите во првите две години. Симптомите обично се развиваат постепено, но има исклучоци кај некои деца со аутизам, кои отпрво се развиваат нормално, а потоа нивниот развој назадува. Иако преземањето мерки во поглед на воспитување или учење за спознавање на светот уште во раниот период од детството може да им помогне да станат способни да се грижат за самите себе, да комуницираат и да се социјализираат, не постои лек кој делува 100-процентно. Не многу деца со аутизам се осамостојуваат и живеат независно по стекнувањето полнолетство, иако некои од нив стануваат успешни. Развиена е и култура на аутистите, во рамките на која што некои бараат лек, додека пак други веруваат во тоа, дека аутизмот не треба да се третира како нарушување, туку да се толерира како разлика.

Очигледните симптоми се појавуваат постепено по 6-месечна возраст, веќе можат да се потврдат од 2 до 3-годишна возраст, и имаат тенденција да продолжуваат да се појавуваат во зрелите години, но често во променета форма. Аутизмот не се утврдува со само еден симптом, туку со карактеристичната тројка од симптоми: нарушувања во способноста за социјализација, нарушувања во способноста за комуникација и ограничени интереси и повторливо однесување. Има и други чести симптоми, како необичниот начин на јадење, но тие не се пресудни при дијагностицирањето. Карактеристичните симптоми на аутизмот се појавуваат низ целиот свет, и на тој начин што аутистите не се разликуваат драстично од остатокот од населението, при што исто така нема и некоја остра линија помеѓу поблагите и потешките патолошки случаи на аутизам.

Аутистичните бебиња обрнуваат помалку внимание на општествените стимуланси, поретко се смеат, поретко ги гледаат другите околу нив и поретко одговараат на нивното име. Аутистичните дечиња поочигледно отскокнуваат од општествената норма, на пример поретко имаат директен контакт, поретко се вртат на повик и поверојатно е да комуницираат со тоа што би ја движеле раката на некој друг. Аутистичните деца од 3 до 5 годишна возраст уште помалку покажуваат дека го разбираат општеството, тие им приоѓаат на други луѓе спонтано, имитираат, реагираат на емоции, комуницираат невербално и се вртат кога некој ќе ги повика. Но, сепак тие развиваат поврзаност со нивниот првичен негувател. Повеќето аутистични деца не развиваат таква поврзаност со негувателите, која ја доживуваат како заштита од општеството, за разлика од децата кои не се дијагностицирани со аутизам, но оваа разлика ја нема помеѓу обичните деца и децата со повисок степен на психички развој или понизок степен на НСА. Постарите деца и возрасните со НСА покажуваат полоши резултати на тестовите за препознавање на лица и емоции.

Поновите истражувања покажуваат дека тој се јавува почесто од Дауновиот синдром, од ракот кај децата или глувоста. Почесто се јавува кај машките, отколку кај женските деца и тоа за четири пати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

НАСА објави научни податоци и фотографии од лунарната мисија „Артемис II“

Екипажот на „Артемис II“ патуваше околу Месечината и назад, снимајќи зачудувачки слики и научни набљудувања на нашиот најблизок сосед. 

НАСА објави научни податоци и фотографии од лунарната мисија „Артемис II“

НАСА го става целиот збир на податоци за лунарната наука од ова патување на располагање на глобалната научна заедница и јавноста за понатамошно проучување.

Повеќе од 800 гигабајти научни податоци се прикачени на Системот за планетарни податоци, јавната архива на НАСА за планетарни мисии. Ова објавување на податоци вклучува повеќе од 11.000 фотографии и видеа со полна резолуција од Месечината направени од рачните камери на членовите на екипажот и камерите на вселенското летало „Орион“, 8,5 часа аудио снимки од научните набљудувања на екипажот на површината на Месечината и слики со белешки од екипажот, соопштуваат од НАСА.

Сликите, аудио снимките и белешките од екипажот обезбедуваат моќна колекција на научни податоци за Месечината, подготвени за истражување и анализа. Ова е првиот збир на податоци за планетарната наука што првенствено го собираат луѓето по повеќе од половина век.

Преку обука во училница, симулации и теренска работа, астронаутите Рид Вајзман, Виктор Гловер и Кристина Кук, заедно со астронаутот на Канадската вселенска агенција Џереми Хансен, развија експертиза во лунарната географија, геологија и најдобри практики за набљудување.

Нивните брзи одлуки за целите на набљудување и кои слики да ги направат, заедно со нивните перцепции за бојата и динамичките промени, како и дискусиите за науката за површината и околината на Месечината, ги надополнуваат податоците собрани со децении од астронаутите на Аполо и роботските истражувачи и го подобруваат нашето разбирање за Месечината додека НАСА се подготвува за долгорочно истражување на површината на Месечината.

Покрај овие податоци, НАСА го објави и Прелиминарниот извештај за науката за Месечината „Артемис II“, Извештајот за научните операции „Артемис II“ и Упатството за користење на научните податоци за „Артемис II“. Овие три публикации даваат преглед на податоците и активностите на мисијата на Месечината „Артемис II“, како и технички резиме за тоа како е развиен и имплементиран научниот план. Информациите веќе помагаат во информирањето на плановите за истражување за мисијата „Артемис III“ и понатаму.

Тагови: Артемис НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Насилни студентски протести во Тирана: Горат згради, десетици се повредени (ВИДЕО)

Студентските протести во Тирана ескалираа и се претворија во еднодневни насилни судири со полицијата. 

Насилни студентски протести во Тирана: Горат згради, десетици се повредени (ВИДЕО)

Демонстрантите со часови палеле згради, упаѓале во државните институции и ограбувале, пишува Политико.

Протестите во Албанија траат секој ден од крајот на мај, поттикнати од планираната изградба на туристичко одморалиште на југот на земјата, проект поврзан со Џаред Кушнер. Сепак, студентите во вторникот излегоа на улица поради лошите услови на факултетите и студентските домови, високите трошоци за живот и општото незадоволство од државното раководство, пренесе Индекс.

Претседателот Бајрам Бегај се обрати до јавноста и порача дека правото на мирен протест е темелот на демократијата што државата мора да го гарантира. „Сепак, насилството не може да биде средство за изразување незадоволство, ниту пак употребата на сила од страна на полицијата може да ги надмине законските граници и принципот на пропорционалност“, рече Бегај и ги повика младите на дијалог.

Немири и судири со полицијата

Нереди избувнаа изутрината пред Министерството за образование, каде маскирани демонстранти ја гаѓаа зградата со камења, парчиња асфалт, шишиња и пиротехнички средства. Со метални огради што ги извлекле од коловозот ја искршиле железната врата на министерството. По неколку часа интервенирала и полицијата која ја растерала толпата со палки, солзавец и водени топови.

Насилството во текот на денот се рашири низ градот. Демонстрантите запалија неколку згради, клупи и дрвја. Тие упаднаа во министерствата за образование, правда и финансии и оштетија канцеларии на приватни фирми и билборди. Потоа се упатиле кон главниот булевар, каде ја опколиле премиерската канцеларија, а подоцна биле забележани и упади во трговските центри и банките.

Апсења, повреди и наводи за насилство

До вечерта, полицијата уапси најмалку 40 демонстранти, а десетици луѓе беа повредени, меѓу кои демонстранти, полицајци и цивили. Неколку новинари известија дека полицијата физички ги спречила да работат, им го блокирала преминот или им ја одземала опремата. Во пресметка со полицијата вчера вечерта, на млад човек му била скршена ногата и морал да оди на итна операција.

Министерката за економија Делина Ибрахимај го осуди насилството и го нарече неприфатливо палењето и уништувањето на институционалните простории. Судирите меѓу маскираните демонстранти и полицијата продолжија и вечерта на главниот градски булевар, каде се наоѓаат парламентот и канцелариите на претседателот и премиерот. Експлозии и сирени одекнаа низ центарот на Тирана.

Меѓународни предупредувања

Амбасадата на САД во Тирана ги предупреди своите граѓани да бидат внимателни и ги советуваше да избегнуваат протестни зони поради опасност од ширење на немирите. Реагираше и Делегацијата на Европската Унија во Албанија, која соопшти дека е запознаена со обвинувањата за прекумерна полициска сила против демонстрантите и новинарите. Делегацијата очекува полицијата да спроведе темелна истрага за овие наводи и ги повика двете страни веднаш да ја смират тензијата.

Тагови: протести Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Надојдените води ги збришаа автомобилите во морето, загина момче- драматични снимки од Родос (ВИДЕО)

25-годишно момче загина на грчкиот остров Родос кога автомобилот во кој се наоѓал бил однесен од пороен дожд за време на силна бура и одвлечен во морето, на плажата Стегна, во областа Архангелос.

Надојдените води ги збришаа автомобилите во морето, загина момче- драматични снимки од Родос (ВИДЕО)

Според достапните информации, вкупно четири автомобили завршиле во морето, а младиот човек не успеал навреме да излезе од автомобилот. Неговото тело го пронашла крајбрежната стража, пренесува Прототема.

Бурата што го погоди Родос во раните утрински часови предизвика големи проблеми во сообраќајот, а обилните врнежи од дожд ги претворија патиштата во порои.

Проблеми се пријавени од Јалисос до градот Родос, како и во областите Афанту, Фалираки и Архангелос, каде што беа заглавени бројни возила.

Поради опасноста за граѓаните, властите го повикаа населението преку системот за известување за итни случаи 112 да ги ограничи своите движења и да ги следи упатствата на надлежните служби.

Во Архангелос, сообраќајот беше прекинат на патот кон Малонас откако голема карпа падна на патот и оштети заштитна ограда. Мостот што го поврзува главниот пат со селото беше исто така привремено затворен.

Гром предизвика пожар во куќа во градот Јалисос, додека удар од гром предизвика и прекин на електричниот систем на регионалната станица на грчката јавна телевизија ЕРТ.

Некои линии на јавен превоз и пристаништето Акантија, како и линијата Родос-Фалираки, беа привремено прекинати поради бурата. Училиштата во Родос и Сими се затворени денес, а некои општински згради се исто така затворени.

Важни археолошки локалитети и знаменитости, вклучувајќи ги Линдос, Камирос, Акрополот Јалисос-Филеримос, Археолошкиот музеј на Родос и Палатата на Големиот мајстор, исто така беа затворени од 12:30 часот.

Седум области под црвена тревога

Грчките власти прогласија највисоко ниво на тревога поради опасни временски услови во седум области: Евија, Споради, Атика, Јужен Егеј, Крит, Самос и Икарија, како и Пелопонез.

Силни дождови и грмотевици се очекуваат во текот на целиот ден, особено во Евија, Споради, регионот Магнезија, Крит и Додеканезите. Многу силни северни и североисточни ветрови, до девет степени, ќе дуваат во Егејското Море.

Пожарникарите интервенираа поради поплавени згради и паднати дрвја, додека во некои области се активирани предупредувања за граѓаните.

Реките се излеваат, жителите добија наредба за евакуација

Проблеми беа пријавени и на островот Евија, каде што се излеа река во областа Макрикапе. Жителите беа повикани да се евакуираат кон Псахна преку системот 112 поради излевањето на реката.

Претходно, беше испратено предупредување и до жителите на Политика, со кое се повикуваат да избегнуваат непотребни патувања и да ги следат упатствата на властите.

Излевањето на реката Киреас предизвика сериозни проблеми во патната врска помеѓу северниот дел на Евија и Халкида.

Во Атика и Евија, пожарникарите добија вкупно 58 повици од претходниот ден до 6 часот наутро поради обилни врнежи од дожд и силен ветер.

Во Атика беа регистрирани 38 повици, а пожарникарите пумпаа вода и отстрануваа паднати дрвја. Во Евија беа примени 20 повици, со бројни интервенции поради дрвја на патиштата.

Штети и на Скијатос, едрилица се насука

Бурата го погоди и Скијатос, каде што системот 112 беше активиран двапати. Според градоначалникот Теодорис Цумас, поднесено е барање општината да се прогласи за област погодена од природна катастрофа.

На островот се регистрирани прекини на електричната енергија, соборени дрвја и два автомобила однесени од водата. Училиштата се затворени, а штетата се проценува на 40 до 50 бизниси и помеѓу 15 и 20 домови.

Во близина на островот Перистери, кај Алонисос, едрилица под грчко знаме се насука со две лица на неа. Двете лица беа спасени и однесени во пристаништето Алонисос.

Некои фериботи се суспендирани

Силните ветрови предизвикаа проблеми и за поморскиот сообраќај. Забраната за пловење од пристаништата Пиреја и Лаврио остана на сила до 15 часот, со налети на ветер кои достигнаа 10 бофорти на некои места.

Некои фериботски линии се суспендирани, вклучувајќи ги врските Принос-Кавала, Агија Марина-Неа Стира и Аркица-Едипсос. Ограничувања се воведени и на некои линии во Саронскиот Залив, додека хидрофоилите не работат.

На патниците кои планираат патување им се препорачува да ја проверат состојбата на линиите кај локалните пристанишни власти и туристичките агенции пред поаѓање, бидејќи се можни дополнителни доцнења и откажувања.

Тагови: автомобили Родос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер